لمدينة د لأوهام
لمدينة د لأوهام
| ||
| معلومات عامة | ||
| عنوان أصلي | City of Illusions | |
| نوع د لكتاب | خيال عيلمي | |
| مؤلف | ؤرسولا لڭوين | |
| لبلاد لأصلية | الولايات المتاحدة د ميريكان | |
| لّوغة لأصلية | نڭليزية | |
| تاريخ د نّشر | 1967 | |
لمدينة د لأوهام (لعنوان لأصلي City of Illusions) هيّ رواية د لخيال لعلمي ديال لكاتبة لميريكانية ؤرسولا لڭوين. الرواية صدرات لمرة اللولة ف 1967. لأحدات دياولها كيطراو ف كوكب لأرض ف موستقبال بعيد، و هيّ الرواية التالتة ف لعالم د هيين من مور لكوكب د لمنفى، و تابعاها ليد ليسرية د الضلام.[1]
هاد الرواية ماتلقّاتش إهتمام كبير من عند النقّاد ملي خرجات، حيت لكاتبة ديك الساع ماكانتش معروفة و كانت باقة كاتحاول تستكشف و تلقى لأسلوب ديالها. الطيمات لأساسية ديالها هوما لهوية و التمييز بين لحقيقة و لكدوب.
لقصة كاتعاود على فالك، واحد الراجل عندو ڭسدة د بنادم و عينين بحال لمش، لي تّلقى ف لبدية عريان ف لغابة و فاقد الداكرة ديالو بشكل كامل تا ولّا بحال دري صغير. بعدما عاوناتو واحد لعائلة ساكنة حدا ديك لغابة و علّموه يهضر و يقرا و يكتب و يصيّد، بدا رحلة باش يلقى "إس طوخ" Es Toch، لمدينة اللخرانية فوق لأرض، باش يتلاقى معا "الشينڭ" Shing لي حاكمين لبشر كاملين، علّ و عسى يڭولو ليه شكون هوّ و يعاونوه يرد الداكرة ديالو.
عيون لكلام
بدل- ^ Bernardo، Susan M.؛ Murphy، Graham J. (2006). Ursula K. Le Guin: A critical companion (طبعة 1st). Westport, CT: Greenwood Press. ردمك 978-0-313-33225-8.