لمداكرة د ويكيپيديا:أسئلة كيتعاودو

هاد لمداكرة تسدات. عافاك ماتبدّل فيها والو. أي تعليقات إضافية خاصها تزاد ف فقرة جديدة.

سؤال 1

سلام أ دّراري @Mounir Neddi, Reda benkhadra, و Anass Sedrati:. كانقتارح باش نّاقشو لإجابة على لأسئلة واحد ب واحد. نبداو ب سّؤال لّول:

1. س: دّاريجة غي لهجة عربية، لاش كاكتكبو بيها؟
   • ج: لفرق بين لهجة و لوغة متعلّق بلخصوص ب سّياسة و لپريستيج تّقافي، ماشي ب لّيسانيات. جميع لّهجات لي كاينين ف لعالم راهوم لوغات لي ماعندهومش صيغة معيارية لي كاتحدد إينا شكل من شكالهوم لي خاصها تّخاد كا مرجع، سوا ف نطقان ؤلا ختيار لكلمات، ؤلا ف تركيب لجومال و تّصريف د لأفعال و سّميات. لأغلبية د 30,000 لّوغة لي هضر بيهوم بنادم عبر تّاريخ ماعمّرهوم تكتبو. ماكاينش شي سبب مقنع لي يخلي دّاريجة تبقا وحدة من هاد لّوغات ؤلا لّهجات لي ماعمّرهوم تكتبو ؤلا غادي يتكتبو. خصوصاً بلي كاينين بزاف د لمغاربا لي ماعندهومش أكصي ل لمعلومة، حيت ماقادرينش باش يقراو لعربية ؤلا لفرانساوية ؤلا شي لوغة خرة ب رتياح، ؤلا باغيين باش تكون لمعلومة متوفّرة ب لّوغة لأم ديالهوم لي هيّا دّاريجة. و زيدون، دّاريجة ديجا مكتوبة من عوام 2000 ف لميصاجات د تّيليفون، و ف أنتيرنيت، ؤ تا بشكل حتيرافي تكتبات وخا بشكل محدود ف أشعار لملحون و زّاجال، ؤ ف جورنالات و مجلات و كتوبا. زيد شوف ليستة د لمكتوبات ب الداريجة باش تّعرف عليهوم.

Ideophagous (مداكرة) 17:36، 3 نونبر 2022 (+01)

مزيان هادشي، لكن جاني بحال إلى طويل بزاف أو فيه التفاصيل بزاف، أو معقد شوي، الجواب من الأفضل يكون مختصر أو مباشر أو ساهل.

مثلا :

واخا داريجة لهجة من اللغة العربية، لكن مختالفة عليها فقواعد نحو، أو الأصل ديال لكلمات ديالها ماعندوش مصدر واحد، لكن بزاف، بحال لعربية ولأمازيغية ولفلرونسي وصبليونية ولونكلي. من ناحية أخرى ماشي كاع لمغاربة تايفهمو اللغة العربة، خصوصا لمقالات لعلميية، هذا علاش من لمهم نمكنوهم من لولوج للمعلومة بطريقة لي كاتناسبهم. ◀ Ideophagous Mounir Neddi (مداكرة) 22:08، 3 نونبر 2022 (+01)

سلام خاي منير و تبارك الله عليك. عندك لحق، لإجابة لي درت معقدة ؤ ماكاتجوبش ديريكت على سّؤال. نشوفو دّراري تاهوما شنو ڭالو، ؤ ديك سّاع نقاد لإجابة د سّؤال لّول، ؤ ندوزو ل تّاني. Ideophagous (مداكرة) 08:01، 4 نونبر 2022 (+01)

السلام الدراري، أنا متافق مع منير ندي باللي حسن نديرو شي جواب اللي ساهل باش كبشي يفهمو و مايكونش مشكل ولا تعقيدات. لمهم ف هاد السؤال اللول هو تبين فين كاين لفرق باش دغيا لواحد يفهم، بحال ف التركاب د لكلمات ولا لأصل ديالها. شي حاجة بحال هاكا. -- Anass Sedrati (مداكرة) 15:15، 8 نونبر 2022 (+01)

سلام أ دّراري ◀ Mounir Neddi ◀ Anass Sedrati ◀ Reda benkhadra. إدن نقدرو نكتبو لإجابة ب هاد الشكل (درت إصلاحات طفيفة على لإقتراح ديال لأخ منير، على حساب لحروف و لقواعد لي كاينين ف كناش كقواعد):

"واخا الداريجة لهجة من اللهجات د اللوغة لعربية، لكن مختالفة عليها فقواعد النحو، و لأصل ديال لكلمات ديالها ماعندوش مصدر واحد، لكن بزاف، بحال لعربية ولأمازيغية و لفلرونسي و الصبليونية و لونڭلي. من ناحية أخرى ماشي ڭاع لمغاربة تايفهمو لعربية، خصوصا لمقالات لعلمية، هذا علاش من لمهم نمكنوهم من لولوج للمعلومة بطريقة لي كاتناسبهم."

واش كولشي متافق؟ Ideophagous (مداكرة) 12:07، 25 دجنبر 2022 (+01)

السلام Ideophagous. انا متافق على هاد النص اللخراني جاني مزيان -- Anass Sedrati (مداكرة) 15:38، 25 دجنبر 2022 (+01)

لمداكرة لفوقانية تسدات. عافاك ماتبدّل فيها والو. أي تعليقات إضافية خاصهوم يتزادو ف لفقرة ؤلا الصفحة د لمداكرة لمناسبة. عافاك ماتدير تا شي تبديل أخور ف هاد لمداكرة.

هاد لمداكرة تسدات. عافاك ماتبدّل فيها والو. أي تعليقات إضافية خاصها تزاد ف فقرة جديدة.

سؤال 2

◀ Mico2022 ◀ Mounir Neddi ◀ Reda benkhadra ◀ Anass Sedrati.

• س: علاش ماكاتكتبوش ب لفصحى؟
• ج: كلا مشروع د ويكيپيديا كيتّكتب ب لسان ؤلا لوغة خاصة بيه. كاين مشروع ديال ويكيپيديا ب لعربية لفصحى، و كاين مشروع ديال ويكيپيديا ب الداريجة، و هوما جوج د لمشاريع مستاقلين على بعضياتهوم، ب لكتاتبيا ديالهم و جمهورهم لي كيقرا لمقالات ديال كلا وحدة فيهوم. كيما ماشي مقبول باش نكتبو ب الداريجة ف ويكيپيديا ب لعربية، مايمكنش نكتبو ب لفصحى ف ويكيپيديا ب الداريجة. هادشي ماكيمنعش بلي بزاف د لكتاتبيا ديال ويكيپيديا ب الداريجة كيكتبو تا ف ويكيپيديا ب لعربية، و أي إنسان راه حر يكتب و يقرا ب أي لوغة ؤلا لوغات لي بغى، فينما لقى لفايدة.

Ideophagous (مداكرة) 21:38، 13 غشت 2023 (+01)

سلام @Abdes101, Reda benkhadra, Anass Sedrati, Mounir Neddi, و الناجم العاجم: شي تعليق ولّا تصحيح هنا عافاكم، باش نقدرو ندوزو ل لأسئلة لخرين.--Ideophagous (مداكرة) 21:00، 18 غشت 2024 (+01)

سلام Ideophagous - أنا جاني لجواب مزيان و ما عندي عليه تا ملاحظة. من جيهتي غي يتنشر إلا كلشي متافق. -- Anass Sedrati (مداكرة) 21:28، 18 غشت 2024 (+01)

و عليكم السلام سيدي منير ، جاني الجواب سطحي شي شوية ، ممكن تزيد تغيز فالرد باش بنادم مايݣولش غي رشقات لينا و نقزنا الفصحى باش نكتبو بالدارجة على قبل الإستقلالية ؤصافي ، مثلا :

• كل لوغة عندها تعابير و مثلات خاصين بيها لي ما يمكنش يترجمو بسهولة للفصحى ؤلا لشي لغة اخرى

• كايسهال الوصول للمعلومة للملاين د البشر : بزاف ديال الناس كيفهمو الدارجة اللي هي لوغتهم الأم . الكتابة بالدارجة كتخلي المعلومات موجودين لهاد الناس و كانقتاصدو عليهم الجهد د يتعلمو لوغة اخرى .

• بزاف ديال الناس كيحسو براحة كتر فالكتابة بالدارجة. هادشي غادي يشجعهم باش يساهمو فاللغة اللي لي كايتقنو

• كل مشروع كيقدر يركز على المواضيع لي مهمة للناطقين بهاديك اللغة ، بزاف د المقالات غادي تلقا كاتبينهم مساهمين مغاربة فويكيپيديا ديال الدارجة و ماكاينينش فويكيبيديا د الفصحى .. مايمكنش نبززو على هاد الناس يمشيو يكتبوهم بلوغة اخرى . Abdes101 (مداكرة) 23:17، 18 غشت 2024 (+01)

@Ideophagous

المداكرة الفوقانية تسدات صافي , مايمكنش نهضرو عليها عاود ؟ Abdes101 (مداكرة) 23:19، 18 غشت 2024 (+01)

سلام @Abdes101، لمداكرة براسها سالات، ولايني تقدر تحل وحدة جديدة لتحت على الجواب ديال السؤال اللول لي كاين ف الصفحة الرئيسية يلا بغيتي. Ideophagous (مداكرة) 22:16، 19 غشت 2024 (+01)

سلام @Ideophagous: لجواب ديالك مزيان وهو هداك، هاهو جواب آخر لي كيجمع أفكار أخرى، بحال الملاحظات ديال @Abdes101:

"الكتابة بالداريجة كتعكس الهوية الثقافية ديال لمغريب وكتقرب المحتوى للناس بشكل كبير، حيت الداريجة هي اللغة اليومية للأغلبية. كل مشروع فويكيپيديا عندو لغتو الخاصة بيه، كاين مشروع ديال الفصحى ومشروع ديال الداريجة، وكل واحد مستاقل بالجمهور والمحتوى ديالو. الكتابة بالداريجة كتسهل الوصول للمعلومة للمغاربة اللي كيتكلموها، وكتشجعهم يساهمو فويكيپيديا باللغة اللي كيتقنوها. وهادشي كيساهم فتنويع المحتوى وكيضمن تمثيل الغنى اللغوي ديال لمغريب، وكيخلي المعرفة قريبة ومفهومة لأكبر عدد من الناس". --الناجم العاجم ❄ 07:38، 19 غشت 2024 (+01)

سلام @Abdes101 @الناجم العاجم @Anass Sedrati شكرا بزاف على التعليقات و التصحيحات ديالكم. غادي نتسنى شوية تا نشوف واش ماكاينينش تعليقات خرين، و نزيد الجواب اللخر لي كتب @الناجم العاجم ف الصفحة الرئيسية. Ideophagous (مداكرة) 22:15، 19 غشت 2024 (+01)

@Ideophagous

مزيان ، غير هو بدل هاديك "اللغة اليومية ديال الاغلبية" ل "اللغة اليومية ديال بزاف/ملاين د المغاربة" Abdes101 (مداكرة) 22:44، 19 غشت 2024 (+01)

تعليق أمغاري: زدت الجواب لي حط @الناجم العاجم: معا التعديل لي قتارح @Abdes101: ف الصفحة. تقدرو تقتارحو أجوبة ل لأسئلة لخرين لي باقين، ولّا مراجعة ل لأسئلة لي ديجا تجاوب عليهم، ولّا تا أسئلة خرين لي متداولين بزاف على ويكيپيديا ب الداريجة.--Ideophagous (مداكرة) 09:38، 24 غشت 2024 (+01)

لمداكرة لفوقانية تسدات. عافاك ماتبدّل فيها والو. أي تعليقات إضافية خاصهوم يتزادو ف لفقرة ؤلا الصفحة د لمداكرة لمناسبة. عافاك ماتدير تا شي تبديل أخور ف هاد لمداكرة.

هاد لمداكرة تسدات. عافاك ماتبدّل فيها والو. أي تعليقات إضافية خاصها تزاد ف فقرة جديدة.

السؤال اللول

@Ideophagous

السؤال اللول بحالو نيت بحال هاد الثاني علاش جاوبنا

ممكن تجمعوهم بجوج و تدير :

سؤال 1 : ياك الدارجة لهجة عربية علاش كاتكتبو بيها ؟

جواب :

الكتابة بالداريجة كتعكس الهوية الثقافية ديال لمغريب وكتقرب المحتوى للناس بشكل كبير، حيت الداريجة هي اللغة اليومية لبزاف د المغاربة . كل مشروع فويكيپيديا عندو لغتو الخاصة بيه، كاين مشروع ديال الفصحى ومشروع ديال الداريجة، وكل واحد مستاقل بالجمهور والمحتوى ديالو . الكتابة بالداريجة كتسهل الوصول للمعلومة للمغاربة اللي كيتكلموها، وكتشجعهم يساهمو فويكيپيديا باللغة اللي كيتقنوها. وهادشي كيساهم فتنويع المحتوى وكيخلي المعرفة قريبة ومفهومة لأكبر عدد من الناس" Abdes101 (مداكرة) 16:40، 24 غشت 2024 (+01)

@Abdes101 صراحة أنا جاوني هادو جوج أسئلة مختالفين وخا متعلّقين ب بعضياتهم. حيت كاين لي معارض ف مرة باش لواحد يكتب ب الداريجة لي "غير لهجة" ف رأيو، و كاين لي بلا الرأي ديالو ف الداريجة واش 100% سلبي ولّا لا، كيعتابر لعربية عندها أولوية. مي يلا تّافقو لأغلبية نجمعوهم ف سؤال/جواب واحد ماشي موشكيل. Ideophagous (مداكرة) 17:21، 24 غشت 2024 (+01)

صباح الخير @Ideophagous

اييه ، كاين اللي معارض حيتاش الدارجة "غير لهجة" ، وايني را زدتو أكدتوها ليه فالجواب اللول ، أما ايلا جمعتو هادوك جوج اسئلة و حطيتو الجواب الثاني ، منها غادي تجاوب علاش كانكتبو بالدارجة بلاصة الفصحى ؤ منها غادي تفادا هاديك التعنكيشة ديال واش الدارجة لغة ؤلا لهجة Abdes101 (مداكرة) 09:53، 25 غشت 2024 (+01)

@Abdes101 صافي تا هادا نضر. نشوفو شنو ڭالو الدراري لخرين. @Anass Sedrati @Reda benkhadra @Mounir Neddi @الناجم العاجم واش نجمعو السؤال 1 و 2 و لأجوبة ديالهم ف سؤال/جواب واحد ولّا نخليوهم مفارقين؟ Ideophagous (مداكرة) 10:15، 25 غشت 2024 (+01)

@Abdes101 و Ideophagous: متافق، السؤال ولجواب ثاني كافيين. --الناجم العاجم ❄ 22:40، 26 غشت 2024 (+01)

@Abdes101 @الناجم العاجم تطبّقات. Ideophagous (مداكرة) 12:05، 13 أكتوبر 2024 (+01)

لمداكرة لفوقانية تسدات. عافاك ماتبدّل فيها والو. أي تعليقات إضافية خاصهوم يتزادو ف لفقرة ؤلا الصفحة د لمداكرة لمناسبة. عافاك ماتدير تا شي تبديل أخور ف هاد لمداكرة.

هاد لمداكرة تسدات. عافاك ماتبدّل فيها والو. أي تعليقات إضافية خاصها تزاد ف فقرة جديدة.

لأسئلة لي بقاو

@Mounir Neddi, Reda benkhadra, Anass Sedrati, Abdes101, و Ideophagous: حاولت نجاوب على لأسئلة لي بقاو، شوفو شنو بان ليكم فيهم.

3.س: علاش كاتعوّجو لكتابة د لكلمات؟ بقاو تكتبو "المغرب" ماشي "لمغريب"!!

• ج: الكتابة بالداريجة كتعكس الطريقة الطبيعية اللي الناس كيهضرو بها يوميًّا، وكتعطي المصداقية للمحتوى. مثلاً، فالداريجة كنقولو "لمغريب" بلا ما نطقو الهمزة ديال "المغرب". الهدف هو باش يكون المحتوى قريب للناس وكيعكس لهجتهم وثقافتهم. هاد الطريقة كاتخلي المقالات تكون ساهلة للفهم بالنسبة للناس اللي كيهضرو بالداريجة، وكتعزز الإحساس بالتواصل والهوية الثقافية.

4.س: كيفاش نكتب مقال؟

• ج: باش تكتب مقال فويكيپيديا، خاصك دير حساب وتكون مسجل. من بعد، قلب على الموضوع اللي بغيتي تكتب عليه وشوف واش كاينة عليه شي صفحة ولا لا. إلا ماكانتش، تقدر تبدا مقال جديد فصفحة جديدة، وتحاول تكتب معلومات صحيحة. خاصك تعتامد على مصادر موثوقة بحال الكتب، والمجلات العلمية، والمواقع الرسمية. تقدر تزيد تصاور باش تدعم المقال ديالك وتوضحو كثر. قرا كثر على هاد لمسألة فصفحة لمعاونة.

5.علاش حيّدتو لمقال ديالي؟

• ج: لمقالات فويكيپيديا خاصها تلتازم بمعايير معينة بحال الحياد، والموضوعية، والموثوقية. إلا تحيّد المقال ديالك، فهاد الشي ممكن يكون حيث ماكانش كيلتازم بهاد المعايير، ولا حيت كانو فيه معلومات ماشي صحيحة ولا ناقصينها عيون لكلام. تقدر تسول لأمغار اللي حيد لمقال ديالك باش تعرف السبب بالضبط.

6.شكون كيكتب ف ويكيپيديا؟

• ج: ويكيپيديا كايكتبو فيها متطوعين من جميع أنحاء العالم. أي واحد عندو حساب فويكيپيديا يقدر يشارك ويكتب ولا يعدل لمقالات. هاد لمتطوعين كيتعاونو باش يحسنو ويغنيو المحتوى ديال لموسوعة، وكيحاولو يكونو دقيقين ويستعملو مصادر موثوقة. كاينين تا مجموعات ديال لكتاتبيا ولإمغارن اللي كيراقبو لجودة ديال لمقالات وكيحاولو يحافظو على مصداقية لموسوعة.

7.شكون مول ويكيپيديا؟

• ج: ويكيپيديا هيا مشروع غير ربحي كتشرف عليه لمؤسسة د ويكيميديا، هادي مؤسسة خيرية لمقر رئيسي ديالها كاين فالولايات لمتحدة. كتسهر على تنظيم لمشاريع اللي بحال ويكيپيديا، وكتعتامد على التبرعات ديال الناس والمنظمات باش تغطي التكاليف ديال التشغيل. هاد لمؤسسة غير كتنظم وكتشرف على ويكيپيديا، ولكن حسب لفلسفة ديال لقانون هي مكتملكهاش، وإنما كيمتالكها وكيسيرها لمجتمع ديال المتطوعين اللي كيساهمو فيها.

--الناجم العاجم ❄ 23:25، 26 غشت 2024 (+01)

سلام @الناجم العاجم و شكرا بزاف على لمجهود لي درتي. أنا من جيهتي متافق معا لأجوبة ديالك، غير شي كليمات كانقتارح باش يتبدّلو: الولايات المتحدة => لميريكان، غير ربحي => ماشي ربحي (حيت "غير" ب الداريجة ماعندهاش نفس لمعنى ديال لعربية، و راك نيت خدّمتيها ب لمعنى لمدرّج ديالها ف نفس لفقرة "هاد لمؤسسة غير كتنظم" => "تنظم فقط")، عيون لكلام => مصادر (كانضن بزاف ماغاديش يعرفو مصطلح "عيون لكلام" لي كنّا أصلا درناه غير ب إتفاق بيناتنا). بنّسبة ل الجواب د السؤال 3 كانقتارح باش نزيدو بلي لكتابة المحافظة (لي قريبة ل لعربية) تا هيّ تقدر تّخدم ف لويكي، يعني ماشي ممنوعة، غير أغلبية د لكتاتبيا ف لويكي كيفضّلو يخدمو ب كتابة صوتية قريبة ل لمنطوق. شكرا مرة خرة و تهلا! Ideophagous (مداكرة) 07:54، 27 غشت 2024 (+01)

تعليق أمغاري: حيت تا واحد خور ماتجاوب، نقلت لأجوبة لي درتي ل الصفحة معا التعديلات لي قتارحت. Ideophagous (مداكرة) 12:02، 13 أكتوبر 2024 (+01)

لمداكرة لفوقانية تسدات. عافاك ماتبدّل فيها والو. أي تعليقات إضافية خاصهوم يتزادو ف لفقرة ؤلا الصفحة د لمداكرة لمناسبة. عافاك ماتدير تا شي تبديل أخور ف هاد لمداكرة.