لمقالة د فاس بدل

مرحبا بيك معانا سي APAHEL ف ويكيپيديا ب دارجة. ب نسبة لمقالة علا فاس لي طرجمتي، راه ديجا كاينة واحدا هنا. حاول عافاك تنقل لمحتوى لي زدتي ف لپاج لقديمة باش تبقا غير مقالة وحدا لي كاينة. تحياتي. --Reda benkhadra (نقاش) 00:18، 6 شتنبر 2020 (+01)ردّ[ردّ]

ترحب بيك الجنة السي رضا، هانا حاولت نلاصق لارتيكلات بجوج، شوف واش داكشي هو هداك، و لا متافق عليه، حيد دال المقال الي كتبت، انا باقي جديد فهادشي--APAHEL (نقاش) 00:54، 6 شتنبر 2020 (+01)ردّ[ردّ]
معلم، داكشي هو هاداك! إلا كان عندك شي سؤال ولا حتاجيتي توجيهات ف هاد لمشروع، ماترددش تصيفط ميساج. تهلا --Reda benkhadra (نقاش) 01:09، 6 شتنبر 2020 (+01)ردّ[ردّ]

تساؤلات بدل

السلام عليكم السي Reda benkhadra، كنت بغيت نسولك شوية على المؤسسين ديال هاد الصفحة ديال ويكيپيديا، شكون هما (زعما واش شي جماعة منضمة ولا غي ناس متطوعين و اللي مابيناتهم علاقة) و بغيت نعرف واش القواعد اللي خدامين بهم ڭادهم شي عالم فاللسانيات ولا هادشي كامله غي خدمة تطوعية

وعليكم السلام سي APAHEL. لپروجي ديال ويكيپيديا بالدارجة مبني كامل على تطوع، و خدم عليه من لول لڭروپ ديال ويكيميديا لمغريب (لي كيجمع مغاربة مهتمين و لا كيشاركو ف مشاريع ويكيميديا). ب نسبة لتنسيق د لخدمة ف لؤفلاين، كاين واحد ڭروپ طلڭرام فين مجموعين دراري مشاركين فهاد لپروجي و كانتعاونو باش نحسنو لمحتوى (إلا بغيتي نزيدك فيه، صيفط لي نمرتك ف لإيميل). ب نسبة لقواعد، راه جْماعة/كومنيونيتي لي كاتحددهم ب لخدمة ديالها (بطريقة empirique)، و كيتناقشو ف ميزان لكلام. --Reda benkhadra (نقاش) 01:06، 7 شتنبر 2020 (+01)ردّ[ردّ]
هكّاك، شكرا على التوضيحات، و كانحييكم على المجهود ديالكم فالمصايبة ديال هاد الصفحة بالدارجة, بالنسبة للڭروپ، مازال ماعرفت واش غايكون عندي الوقت باش نشارك معاكم بزاف، ولكن اِلا قدرت من هنا لڭدام غانعلمك الا ما كاين مشكل --APAHEL (نقاش) 13:56، 7 شتنبر 2020 (+01)ردّ[ردّ]

العنوان ديال واحد المقالة بدل

السلام عليكم السي Reda benkhadra, نسيت مابدلت العنوان ديال هاد الصفحة و ما قدرتش نبدله من بعد الا قدرتي ترده ( بحر البنادقة)، و شكرا, --APAHEL (نقاش) 23:23، 8 شتنبر 2020 (+01)ردّ[ردّ]

سلام @APAHEL: راها قاديتها دابا. تحياتي --Reda benkhadra (نقاش) 23:50، 8 شتنبر 2020 (+01)ردّ[ردّ]

واحد المساعدة بدل

السلام عليكم السي Tifratin بنتي ليا من إمغارن اللي مهتمين باللغة و التطوير ديال القواعد دياول الكتبة، و بغيت نعطيك واحد المعجم كنت لقيت، يقدر يعاونكم فشي حاجة, https://archive.org/details/ADictionaryOfMoroccanArabicMoroccanEnglishEnglishMoroccan/mode/2up

@APAHEL: راه فايت جمعنا عاداد ديال لمراجيع علا داريجة هنا لابغيتي طالع عليهم حتا نتا :) وبهاد لمناسبة راه كاين مشروع ديال ويكي قاموس ب داريجة خدامين عليه لاكنتي مهتم--Reda benkhadra (نقاش) 00:13، 12 شتنبر 2020 (+01)ردّ[ردّ]
تبارك الله عليكم السي Reda benkhadra و شكرا, و كانحيكم على هاد المبادرة ديال ويكي قاموس, غانحاول نشارك يلا بان ليا فين نعاون --APAHEL (نقاش) 00:22، 12 شتنبر 2020 (+01)ردّ[ردّ]
شكرا السي @APAHEL: على مشاركة لمرجع. أنا شخصيا ما عنديش بزّاف معا أننا نكتبو على أساس قواعد دايرينهوم ناس خرين. كانآمن ب أن لقواعد يمكن لينا نديروهوم حنا على أساس كيفاش كانكتبو، و للأسف (و تا هادا رأي شخصي) على حساب ما قريت و لاحظت ف ل 20 عام لخّرة محاولات المعيرة د لكلام د لمغاربة كاملة مبنية على حوايج خايبة: يا دايرينها ناس ما كايدويوش أصلا ب الدارجة ولا خارجة من مشاريع مبنية على كراهية اختيارات لغوية أخرى (يعني مبنية على التمكريه) و ب دّات اللغة العربية المعيارية المعاصرة ولا مجرد مراهقات إيديولوجية كاتصرّف عقد قتل الأب ولا هوس التميّز على المنطقة ديالنا ب واحد النّية شوفينية خاوية. حنا عندنا فرصة تاريخية باش نبنيو شي حاجة ب طريقة صحّية، مبنية على المعرفة و زايدون را هدرتنا هادي و نتا و أنا و باقي الزملاء عندنا ما يكفي من الكفاءة باش نبنيو القواعد بطريقة تجريبية و ماشي لخوا لخاوي (حيت قواعدنا خارجين من آلاف المقالات وعلاش لا من ملايين المقالات و غانبنيو تا لويكيقاموس ديالنا ب أحسن شكل ممكن). و تبارك الله عليك و على المجهودات ديالك.Tifratin (نقاش) 00:29، 12 شتنبر 2020 (+01)ردّ[ردّ]

مسابقة ويكيپيديا لمغريب 2023 بدل

مرحبا! حالياً كاتّقام مسابقة ديال ويكيپيديا على ود تطوير لمحتوى لمغريبي ف ويكيپيديا ب الداريجة، بلإضافة ل ويكيپيديا لعربية و لأمازيغية. يلا كنتي مهتم(ة) تقدر(ي) تطّالع(ي) على التفاصيل و لقواعد د لمسابقة هنا، و ماتنسا(ي)ش تقيّد(ي) راسك ف هاد الصفحة، و تشوف(ي) لمواضيع لي يقدر يعجبك تكتب(ي) فيهوم هنا. يلا عند سؤال ؤلا ملاحضة، ماعليك غير تسوّل(ي) واحد من أعضاء لجنة التنضيم ؤلا التحكيم. تهلّا(ي)!--PGVBot (مداكرة) 09:51، 17 ماي 2023 (+01)ردّ[ردّ]