محمد أمين ط
مرحبا بيك ف ويكيپيديا، محمد أمين ط !
سلام، أنا Reda benkhadra، ؤ كانرحب بيك ب صيفتي ويكيپيدي متطوع.
ويكيپيديا هي مغامرة جماعية واعرة، ؤ باقي مازال كاتبنا. نوسخة ب داريجة فيها ليوم 10,030 مقال، كتبوهوم ؤ كيقادوهوم متطوعين بحالك ؤ بحالي. غادي دير فيها لخطوات ديالك لولين : ماتعڭزش تواصل معايا إلا محتاج شي نصيحة ولا معاونة، إلا بغيتي تشاور معا ناس لي خدامين ف لمشروع يمكن ليك تخلي ميساج ف صفحة د لبرلمان. غادي يتعطاك جواب تما بكل فرح!
ويكيپيديا مبنية علا ركايز أساسية كيحتارمهم كلشي :
- لموسوعية ؤ لإمكانية باش تأكد (تبازا علا عيون ؤ مصادر موتوق فيها) ؛
- حيادية ف وجهة نضر (بلا إشهار ولا دعاية) ؛
- ترخيص حر ؤ حتيرام حقوق نشر (ماكاينش كوپي كولي ولا پلاجيا) ؛
- تعامل مزيان (ب لأداب ؤ حاول توصل ل إجماع ف لقرارات) ؛
- ماتعڭزش تكتب ؤ تبدل ف لمقالات (ليسطوريك كيخلي كلشي).
كانعرضوك باش تكتاشف هادشي كامل ب تفصيل ف ليانات لي كاينين ف جنب ←
كانتمنا ليك تستمتع ب لقراية ؤ لكتابة ف ويكيپيديا.
بسلامة !
Reda benkhadra (نقاش) 13:27، 14 نونبر 2022 (UTC)
أساسيات
كيفاش تخدم معا جْماعة؟
باش نعاونوك
طريقة الكتابة بالدارجة بدل
سلام عليكم صراحة انا اول مرة نشوف ويكيبيديا بالدارجة ، عجباتني الفكرة، ولكن صراحة انا ماشي راضي على طريقة الكتابة ، باش نبدلو حرف ث بحرف ت ، و نعمروها كلمات بالفرنسية، و نزيدو حرف الياء فبزاف ديال الكلمات باش ميرجعش يضبه للغة العربية و فقط ... و زد على هاذ الشي ، كاين ضي مصطلحات جديدة و معندها حتى اصل كمثال بحال (تابنادميت) ، لعاودولادة زعما renaissance، او تقولي طكنلوجيا بدل تكنلوجيا ، حيت حنا مكنطقوهاش طكنلوجيا ... اذا كان غرضنا اننا نترقاو بالدارجة و ترجع لغة عندها قيمة ، فهذا ممكن ، ولكن باش نعوجوها باش مترجعش تشبه للعربية راه ميمكنش نتمنى من الاخوة يتقبلو المقد ديالي بصدر رحب 105.71.135.143 14:45، 14 نونبر 2022 (+01)
- سلام سّي @محمد أمين ط: ؤ مرحبا بيك ف ويكيپيديا ب دّاريجة. ب نّسبة ل لمسائل لي طرحتي راه كانّاقشوهوم بشكل مستامر، ؤ باقي ماكاينش إجماع كامل حيت لمشروع باقي ف بدايتو. وخا كاينين نزْعات فردية ل داكشي لي ڭلتي (تبديل دّاريجة باش ماتبانش بحال لعربية) لختيارات لجماعية لي تدارو ماشي ل هاد لغاراض، ولاكين باش نحيّدو لتيباسات ف لمعنى لي كيطراو ف بزاف د لحالات، نسهّلو لإملاء على نّاس لي ماقاريينش لعربية ب مستوى عالي (أميين يلاه كيفكّو لحرف ؤلا خارجين من لبتيدائي ؤلا لّيسي متلاً)، ب لإضافة ل تتبع توصيات ديال ليسانيين مغاربا بحال لأستاد محمد لمدلاوي. تقدر تقرا هاد صّفحة ويكيپيديا:لكتابة د الداريجة لي كاتشرح تّوجهات د لكتابة (محافظة/إتيمولوجية، فونيتيكية، توفيقية) ؤ تتابع لمداكرات ف ويكيپيديا:ميزان لكلام ؤلا تحل مداكرة جديدة على شي موضوع تماك. إجابة سريعة على تلاتة د النقاطي لي جبدتي:
- ا، و، ي لي كيبانو زايدين راهوم ماشي حروف د لمد بحال لعربية، مي تعويض ديال لحاراكات ف بزاف د لحالات. لهدف هو باش نّقصو من تخدام لحاراكات، لي ماشي عمليين ف لخدمة ڭاع (كيتقلو لكتابة د لكلمات و لمقالات، يعني بلاصت مانكتبو جوج ؤلا تلاتة د لمقالات غادي نصدقو كاتبين غي مقال واحد يلا شكّلناه)، و نميّزو لكلمات لي ماعندهومش نفس لمعنى و النطقان بشكل واضح متلا "معلمة" (تقدر تكون موعليمة، مْعلّمة، ؤلا معلامة). تقدر تزيد تقرا تّفاصيل ف ويكيپيديا:لكتابة د الداريجة.
- ب نّسبة ل طيكنولوجيا و كلمات مشابهة، لمراكشيين كينطقوها هاكا.
- "لعاودولادة" قتيراح ديال نيولوجيزم (ختراع د كلمة جديدة) باش نطوّرو دّاريجة ؤ ماتبقاش ب ضّرورة معتامدة على لإستعارة من لوغات خرين، ولاكين قابل ل النقاش ف جميع لحالات.
- جميع لمسائل قابلة ل النقد و النيقاش، فا خود راحتك، و على حساب كلا حالة نقدرو نوصلو ل إتفاق مناسب. -- Ideophagous (مداكرة) 15:40، 14 نونبر 2022 (+01)