لعاود-ولادة
لعاود-ولادة ؤلا لعاولادة[ن.ل 1] ؤلا النوضة (ب نّݣليزية: renaissance، لعربية: النهضة) حاراكة لي بانت ف ؤروپا لي رجّعات لقيمة د لأداب، لفن و لفلسفة ديال ليونان و رّومان، لي كانو فقدوها ف لفترة التاريخية لي كاتسما "لفترة لمضلّمة ف ؤروپا". هاد لحاراكة كانت بدات ف طّاليان، و جات ف لفترة لينتيقالية مابين لقرون لوسطانية و لفترة لعصرية.[1]
ديجا من لقرن 14 كانو شي مدون طاليانية عرفو تطورات تقافية د ما قبل النوضة. معا لمجي د لقرن 15، أغلبية د لمدون د الطاليان، و شي مدون ؤروپية خرة نتاشرات فيهوم هاد لحاراكة، ف هاد لفترة لي كاتسمّا لعاود-ولادة ؤلا "النوضة اللولة". ملي وصل لقرن 16، كانت ؤروپا كاملة دخلات ف لفترة د النوضة.
"النوضة لفنية" هوّا مصطلح لي كيوصف لأعمال لفنية لي تدارو ف هاد لعصر، لي خداو لإلهام ديالهوم من لفن ليوناني الروماني بشكل كبر، و من لفن د لقرون لوسطانية بشكل قل.
هاد لفترة تميّزات تا ب تطور التصورات د لكون، و لإصلاحات دّينية، وسايل جديدة ديال نشر لمعلومات (لمطباعة)، كتيشافات كبار، و تطور قتيصادي لي دعم ؤ تّدعم ب إبداعات و ختيراعات جديدة.
نوطات لوغاوية
بدل- ^ مركّبة من "عاود" (من معاودة، فاش شي حاجة كاتطرا كتر من مرة) و "ولادة"، يعني ولادة من جديد. هاد نّوع ديال تّركيب كاين بحالو ف لّهجة د الشمال د لمغريب
عيون لكلام
بدل- ^ "History.com, renaissance". مأرشيڤي من لأصل ف 2023-07-30. تطّالع عليه ب تاريخ 2022-11-20.
 هادي زريعة ديال مقالة خاصها تّوسع. تقدر تشارك ف لكتبة ديالها. |