لحسن التاني

ماليك ديال لمغريب
(تحولات من لحسن تاني)

لحسن تّاني ؤلا لحسن بن محمدلأمازيغية: ⵍⵃⴰⵙⴰⵏ ⵡⵉⵙ 2) لماليك ديال لمغريب، حكم بين عام 1961 ؤ 1999. عاون باه لماليك محمد لخاميس ف تحرير لمغريب من لإحتلال لفرانسوي ؤ صبنيولي، تعرف ب دكاء ؤ شطارة ديالو ف ضومين د سياسة، كيتلقب ب أب لمغريب لعصري ؤ باني دولة لعصرية ؤ السدود، قدر يصوݣ ب لمغريب ب قوة ل واحد لإستقرار مقدروش عليه دول لاخرين حتال دبا، قدر يݣيد ب بلادو ل معسكر رأسمالي ف لوقت لي كان معظم دوال لي حداه تابعة للمعسكر ليشتيراكي، لحسن تاني من بين ابرز ملوك لمغريب حيث قدر يوحد لبلاد ؤ يحرر صحرا من لإستعمار صبليوني ب لمسيرة لخضرا د 1975.[1][2]

لحسن التاني
معلومات عامة
زيادة 9 يوليوز 1929
الرباط
لموت 23 يوليوز 1999 (70 عام)
الرباط
طريقة دلموت موتة طبيعية
سباب لموت نوبة قلبية
لجنسية لمغريب
لحرفة بياع وشرّاي، سياسي، عاهل و راجل دولة
لّوغات لي كيعرف عربية، نڭليزية و لفرانساوية
لفاميلة
لواليد محمد الخامس بن يوسف
لواليدة عبلة بنت الطاهر
خوت مولاي عبدالله، لالة أمينة، لالة فاطمة زهرا، لالة عائشة، لالة نزهة و لالة مليكة
شريك لطيفة حمو
لولاد محمد السادس
أسماء أميرة المغرب
لأميرة لالا مريم
رشيد بن الحسن
حسناء أميرة المغرب
معلومات خرى
دين إسلام سني
لجوايز
Allocine: 37343
Discogs: 4253854 Modifica els identificadors a Wikidata


حياتو بدل

تولد لحسن تاني ف القصر ديال السلطان ف الرباط مابين الظهر و العصر نهار التلات 9 يوليوز 1929. دخل ل السياسة فاش مات باه محمد الخامس ولي كان ماليك لمغريب نهار 26 فبراير 1961 وتما فين ولا لحسن تاني ماليك. قرا القانون ف الرباط و خدا الديبلوم ف بوردو ف فرانسا .

كان عندو بزاف ديال المهمات فاش كان ولي لعهد و حتا هو تنفى مع محمد الخامس من عند الفرانسيس ل كورسيكا و مدغشقر هادشي لي خلا الشعب يدير لي فجهدو باش يطيح لإستعمار، خصوصا فاش دارو بن عرفة ماليك على لمغريب و لي كان غادي يتقتل على يد علال بن عبد الله لي كان مقاوم. داكشي علاش تسمات ثورة الملك و الشعب، لحسن تاني كان هو لي كيترجم ويكتب الميساجات ديال باه ف المنفى.

رجع محمد الخامس هو و ولي العهد لحسن تاني من مدغشقر ل لمغريب و خدا لمغريب الإستقلال ديالو ف 1956.

ف 9 يوليوز ولا لحسن تاني رسميا ولي العهد من بعد ما دار القسم قدام باه ف القصر ديال الرباط.

إنجازات بدل

  • بناء قتصاد عصري
  • سياسة السدود

لمسيرة لخضرا بدل

أهم حاجة دارها احسن تاني هي لمسيرة لخضرا ولي كان طالب فيها المغرب ف البدية ديال السبعينات من السبنيول/إسبانيا يرجعو ليه الصحرا، وطلب لحسن تاني من الشعب ديالو باش يديرو مسيرة ل الصحرا . داكشي لي خلا 350 ألف مغربي و مغربية يخرجو هازين القرآن و الراية المغربية ب القيادة ديال لحسن تاني . هادشي خلا السبنيول/ إسبانيا تخرج من الصحرا من مور ما تقسمات ف معاهدة مدريد ولي عطات الساقية الحمراء ل المغريب و واذي الذهب ل موريطانيا باش ميوقع تا شي مشكيل بينهم بجوج.


مسبوق ب الدولة لعلوية - فترة د لحكم
26 فبراير 1961 – 23 يوليوز 1999
متبوع ب

عيون لكلام بدل

  1. ^ "Hassan II". Encyclopaedia Britannica (ب نڭليزية). مأرشيڤي من لأصل ف 23 يوليوز 2023.
  2. ^ "الحسن الثاني". الجزيرة. 2014-11-09. مأرشيڤي من لأصل ف 2023-09-08. تطّالع عليه ب تاريخ 2023-09-08.
  تقدر تزيد شوف بزاف د تّصاور و لمعلومات ديال Hassan II of Morocco ف ويكيميديا كومنز.