كونصيپط
لكونصيپط ؤلا لمفهوم (النݣليزية ؤ لفرانساوية: Concept) (لعربية: مفهوم) هو واحد لفكرة مجردة. لكونصيبطات هوما الساس ؤلا الياجور للي كا يتكونو منهم لمبادئ، التفكير ؤ لمعتقدات.[1] كايلعبو دور مهم ف لعريف (النݣليزية: Cognition). على هاد لاساس، لكونصيپطات كا تدرسهم بزاف ديال الديسيپلينات بحال: اللسانيات، السيكولوجيا، الفلسفة. ؤ هاد الديسيپلينات كاتهتم ب الهيكل لمنطيقي ؤ السيكولوجي د لكونصيپطات، ؤ كيفاش كايتحطو مع بعضياتهم باش يكونو أفكار ؤ جوملات. الدراسة د لكونصيپطات كانت عتبة للي من فوقها خرجات للوجود واحد لمقاربة متعددة-الديسيپلينات سميتها لعولوم لمعرفية.
ف الفلسفة لمعاصرة، كاين عالاقل ثلاثة ديال الطرقان الشايعين ديال كيفاش نفهمو أشناهو لكونصيپط:
- لكوصيپط كا تصور عقلي: فين لكونصيپطات كايكونو كيانات موجودة ف لعقل (كسدات عقلية)
- لكونصيپط كا قدرات: فين لكونصيپطات كايكونو عبارة على قدرات خاصة ب لعومالا لمعرفيين (لحالات لعقلية)
- لكونصيپط كا حاسة د معاني د فريݣي (ف تّصور ديال لفيلسوف لألماني ݣوطلوب فريݣي): فين لكونصيپط كايكون عبارة على كسدة مجردة بعكس لكسدات لعقلية ؤ لحالات لعقلية.
لكونصيپطات ممكن يتنضمو ف واحد السلوم هيراركي، فين النيڤووّات للي من فوقو كاتسمى "الدرجة لفوقانية" ؤ النيڤووّات من تحتو كاتسمى "الدرجة التحتانية". زيد عليها، كاين النيڤو "أساسي" ؤلا "وسطاني" للي أغلب الناس ممكن يعرفو فيه شي كونصيپط. مثلا: "لكرسي" مثال ديال كونصيپط د نيڤو أساسي للي الدرجة الفوقانية ديالو هي "أتات" ؤلا "فراش" ؤ الدرجة التحتانية ديالو هي "كرسي د البيرو".
لكونصيپطات ممكن تكون مضبوطة ؤلا مامضبوطاش. فاش لعقل كا يدير واحد الجينيرالزاسيون بحال لكونصيپط د شجرة، كا يخرج وجوه الشبه بين بزاف د لأمثلة د داك الكونصيپط؛ التبسيط داك لكونصيپط كا يمكّن من التفكير على نيڤو عالي. واحد لكونصيپك كايتجسد بݣاع التجسيدات ديالو الكاينة ؤ لممكنة، سوا كانو حاجات ف لعالم لحقيقي ؤلا أفكار.
لكونصيپطات كا يتدرسو كا مكونات د لعريف د بنادم (النݣليزية: Human Cognition) ف لعولوم لمعرفية ؤ الديسيپلينات د اللسانيات، السكولوجيا، ؤ لفلسفة، فين ضاير واحد النقاش على واش لعريف ولابدة يجرى على طريق لكونصيپطات. لكونصيپطات كا تفورميلاو باستمرار ف لماط، لانفورماتيك، الضاطابيزات، ؤ الداكا لصطيناعي. أمثلة د لكونصيپطات د نيڤو عالي ف هاد الضومينات هوما الكلاصات، السكيمات، ؤ لكاطيݣورات. ف الستيعمال العادي د كلمة كونصيپط كا يعني فيكرة.
عيون لكلام
بدل- ^ "كونصيپطات". لموسوعة د لفلسفة د ستانفورد. مأرشيڤي من لأصل ف 2023-07-11. تطّالع عليه ب تاريخ 2023-02-06.
 هادي زريعة ديال مقالة خاصها تّوسع. تقدر تشارك ف لكتبة ديالها. |