قوس النصر (وليلي)

قوس النصر (وليلي)
معلومات عامة
نوع	قوس النصر، معلم تذكاري و موقع أركيولوجي
لبلاد	لمغريب
لموضع	وليلي
لمدينة	وليلي

قوس النصر د كاراكالا ؤلا قوس كاراكالا معلمة تاريخية جات ف وليلي، جهة فاس مكناس. هو قوس د النصر لي تدار كا تشريف ل لإمبراطور الروماني كاراكالا Caracalla (حكم مابين عوام 198 و 217) و مّو يوليا ضومنا Julia Domna.

لقوس جا علا عرض دّيكومانوس ماكسيموس (شّاريع رّئيسي)، ؤ كيفصل ما بين طّرف لقديم د لمدينة لّي تّبنا ب سّتيل ليوناني لبونيقي، ؤ لحي لّي تّبنا ب سّتيل رّوماني. بناوه لوليليين كا تكريم ل لإمبراطور كاراكالا، بعدما عفاهوم من ضّرائب، ؤ ف لقديم كان مزوّق ب تّماتيل ديال لفصول رّبعة ؤ تمتال ديال كاراكالّا راكب علا كرويلة مدهّبة ؤ كيجرّوها ستة د لعودانات.

لقوس د النصر و لباسيليكا هوما لمعالم لوحيدة ف وليلي لي كانو باقين واقفين ملي بداو لعولاما د لأركيولوجيا لأبحات د لحفير ف وليلي. لقوس تم تّرميم ديالو ما بين 1930 ؤ 1934، ولاكين ماشي ف الشكل لأصلي ديالو.

وصف

قوس كاراكالّا تّبنى ب بلوكات د لحجر مقطّعين و مستّفين مزيان. ف لحالة ديال دابا، لعلو ديال لفتحة د لقوس واصل ل 8 ميترو و لعرض ل 5,87 ميترو. الضورة د لقوس مزوّقة ب ببّوشيات torsade و الساروت ديالو (لحجرة لوسطانية د لقوس) خارجة بزاف. ف لڭدم ديالو كاينة كرنيزة corniche لي ضايرة على الركايز، و هاد الستيل كان مخدّم من لقرن 2 ميلادي. كلا ركيزة فيها محراب niche ف السقف ديالها ب قنيتة محلولة، لي ف لغالب كانو فيها تماتيل ديال أرباب قدام عندهوم علاقة ب لما بحال لحوريات د لبحر ؤلا ڤينوس لبحرية، حيت واحد التقابي تماك كانو كايخرّجو لما لي كايصب ف حوض.

ف التقويسة ديال قوس كاراكالا كان هاد الديديكاص مكتوب ب اللاتينية، ل لإمبراطور كاراكالا و مّو:

[Im]p(eratori) Ca[e]s(ari) M(arco) Aurel{l}io Antonino P[i]o Felici Aug(usto) Pa[rth(ico) max(imo) Brit{t}(annico) max(imo) Ge]rm(anico) max(imo)

[po]nt[ifi]ci max(imo) trib(unicia) pot(estate) XX imp(eratori) IIII co(n)s(uli) IIII p(atri) p(atriae) pro[co(n)s(uli) et Iuliae Aug(ustae) Piae Fel]ici matri [Aug(usti) et c]astrorum et senatus et patriae res p(ublica) Vo[lubilitanorum ob singular]em eius [erga uni]versos et novam su[pr]a o[mn]es r[et]ro [principes indulgentiam a]rcum [cum sei]ugibus et orname[nt]is o[mnibus inc]oha[nt]e [et de]dica[nte M(arco) Aurel]{l}io

[Sebaste]no proc(uratore) Aug(usti) devo[tissi]m[o Numini eiu]s a solo [faci]endum [curavit]

شوف تا

• لمعبد لكاپيطولي (وليلي)
• معمار روماني