ويكيپيديا

فيدجي

(تحولات من فيجي)
فيدجي

Republic of Fiji (en)
Matanitu Tugalala o Viti (fj)
Fidźi Ganaradźja (hif)
Viti (fj)

نشيد الله يحفظ فيدجي

لعاصيمة سوڤا
الساكينة
شحال دالسكان 905,502 (2017)
السمية ديال السكان فيدجي، فيدجية، فيدجيين, فيدجيات
اللوغات الرسمية نڭليزية
لفيدجية
لهندية د فيدجي
متوسط ديال لعمر 70.269 (2016)
لجغرافيا
لميساحة 18,274 كم²
لقمة لعالية جبل طومانيڤي (1,324 م)
لبلاصة الطايحة لمحيط لمهدّن (0 م)
لإدارة
رئيس فيجي وليام كاتونيفيري
رئيس لوزارا د فيدجي سيتيفيني رابوكا
لبرلمان لبرلمان د فيدجي
لقتيصاد
الناتج الداخلي لكامل 4,296,235,428 $ (2021)
لبيطالة (شوماج) 8 % (2014)
مؤشر التنمية لبشرية 0.73 (2021)
لفلوس الدولار د فيدجي
معلومات خرة
توقيت ديال لبلاد ڭرينيتش + 12
Pacific/Fiji
رمز لبلاد FJ
رمز لانترنيت .fj
رمز التيليفون +679
نماري د ليرجونس 000، 911 و 919
جيهة د صوڭان ليسر
السيت الرسمي fiji.gov.fj…



فيدجي (ب لفيدجية: Viti ڤيتي، ب لهندية د فيدجي: फ़िजी فيجي)، رسميا لجمهورية د فيدجي[1] هي دولة ݣزرية جات ف أوقيانوسيا ف لجانوب د لمحيط لمهدن، و بعيدة ب 2000 كيلوميطر من الشمال الشرقي د نيوزيلاندا. فيدجي بلاد فيها 330 جزيرة (منها 110 مسكونين) فميلانيزيا، واللي لميساحة ديالتهوم فلمجموع هي 18.300 كم². 87 فلمية ديال لمجموع د السكان (884 ألف بحساب ليحصاء د 2017)[2] ساكنين ف ڤيتي ليڤو و ڤانوا ليڤو، واللي هوما جوج جزر لكبار د لبلاد. 75 فلمية ديال السكان عايشين حدا لبحر ديال ݣزيرة ڤيتي ليڤو، إما فلعاصيمة سوڤا، فلمدينة السياحية ديال نادي، أولا ف لوطوكا اللي معروفة بلغلة ديال لقصب دالسكر.

أول علاقة ديال فيدجي مع لأوروپيين كانت ملّي دخلوها مستكشفين هولانديين ف لقرن 17، و موراها دخلو ليها النݣالزة، حتا ستعمراتها لمملكة لمتاحدة ف 1874، و بقات مستعمرة تال 1970. من مورا بزاف د لينقيلابات، ولاّت فيدجي جمهورية ف 1987.[3] نقيلابات خرين طراو فلبلاد، بحال ف 2009 فاش شدها لعسكر.[4] ف 2014 ومن مورا بزاف ديال التأجيلات، تدارت أول نتيخابات ديموقراطية، واللي عتابروها لمراقبين لبرانيين شرعية وموتوق فيها.[5] لبلاد عندها تلاتة د اللغات الرسمية هي لفيدجية و لينݣليزية و لهندية د فيدجي، و لفلوس اللي كاتخدّم هي الدولار د فيدجي. لقتيصاد ديال فيدجي تيتعتابر طالع مقارنة مع لجزر لاخرا د لمحيط لهادي[6]، و تيرتاكز على السياحة و على الصادرات د السكّار، ولفلوس ديال الناس دلخاريج.[7] لويزارة ديال لحوكومات لمحلية والتطوير لحضري هي اللي كاتݣابل لمجاليس ديال لمدون ولڤيلاجات.[8]

السمية

بدل

جات السمية ديال بلاد فيدجي من السمية ديال لݣزيرة لكبيرة، ڤيتي ليڤو. أما السمية لمعروفة ليوما جات من النطق النݣليزي اللي كان نشرو لبحار جيمز كوك[9]، اللي براسو جاي من الطريقة اللي كاينطقو بيها الناس ديال طونݣا السمية ديال هاد لݣزيرة.[10] تعاودات هاد السمية بالنطق "فيجي" فلكتابات ولمعاودات ديال لبيعتات د التبشير والناس الزايرين حتال لقرن 19.[11][12]

التاريخ

بدل

الناس اللولين

بدل
 
خاريطة تاع لهجرات ديال لأسترونيزيين اللي بدات من طايوان هادي 5000 عام.

طروفة ديال لفخار كاينين فلڤيلاجات ديال ڤيدجي كاتبين باللي لمينطاقة سكنوها الشعوب لأسطرونيزية بلقليلة من مابين 3500 و 1000 قبل لميلاد، واللي من بعد تبعوهوم لميلانيزيين، واخا نيت مازال كاينين تساؤلات على التواريخ لمضبوطة ديال هاد لهجرات لبنادمية. التقافة لفيدجية كاتشبه بزاف للتقافات لپولينيزية لقديمة واخا كاينين شي مشابهات معا التقافة لميلانيزية. كاينة أدلة باينة باللي فيدجي كانت كادير التجارة مع لݣزاير لقريبة ليها قبل مايجيو الناس ديال ؤروپا. متلا، تلقاو باركويات قدام فطونݣا مصاوبين من لخشب ديال شجر كاين غير ففيدجي، اللوغة ديال ݣزاير لاو ففيدجي عندهوم كلمات جاية من الطونݣية، وتلقاو ݣدرات قدام مصاوبين ففيدجي فݣزاير بحال صاموا وݣزاير ماركيز فپولينيزيا لفرانساوية.

 
رسم ديال معبد كايطرا فيه لكانيباليزم.

ف لقرن 10، كبرات لإمبراطورية الطونݣية، ؤ ولات فيدجي تحت التأتير ديالها حتال لقرن 13 فاش رابت ومابقاتش. التأتير الطونݣي جاب لعادات والتقاليد لپولينيزية، اللي لصقات فالسكان ديال فيدجي. فهاد لوقت زداهرات الشعوب ديال لبلاد، وتطورات منهوم بزاف ديال اللغات. ولاو هاد الناس كايصاوبو باطوات واعرين وكايصدروهوم لطونݣا، ولّات عندهوم هندسة ميعمارية خاصة ديالهوم، ؤ صايبو سيستيم ديال لماكلة خاص بيهوم فاش عرفو يدجنو لحلوف ويزرعو بزاف ديال لمرارك تاع النباتات والجدورة. الشعوب ديال فيدجي قدرات تصاوب قوادس اللي كايوصلو لما ديال الشريب للڤيلاجات ديالهوم.

السكان ديال فيدجي عاشو فمجتمعات وݣروپات اللي حاكمينهوم قياد وناس كبار ومحاربين كبار. فيدجي كان عندها سيستيم ديال لفلوس مبازي على السنات ديال حوت لعنبر اللي مقادين ومنجورين. كان عند الناس ديال فيدجي كتابة تصويرية اللي يمكن يتشافو لاترات ديالها فشي ݣزاير. كانو هاد الناس كايصايبو حتى التواب، اللي كانو كايخدموهوم باش يقادو الشراع ديال لباركويات تاعهوم. زيادة على هادشي، كانو ديما موجدين للحرب، وكانو كايتقنو لحرب بالرماح.[13][14] كاينة دلائل أركيولوجية[15][16][17] من مورا أبحات اللي تدارت اللي كاتبت لقصص ديال لأوروپيين اللولة اللي مشاو لفيدجي باللي الشعوب ديال تما كانو كانيبال، واخا اللحم ديال لبشر ماكانش نيت داخل فلماكلة ليومية ديالهوم. واخا هكاك بينات هاد لأبحات باللي لكانيباليزم كان قليل وغير ديال الطقوس الدينية[16][17]، وماشي كيما زادو فيه الناس ديال ؤروپا.

لملاقية اللولة معا لأوروپيين

بدل
 
رسمة كاتبيين لأوروپيين كايتفرجو فشطيح ديال لفيدجيين.

لبحار لهولاندي هابيل طازمان هو أول واحد شاف من بعيد لݣزاير الشمالية ديال ڤانوا ليڤو ولأرخبيل ديال طاڤيوني ف 1683 فاش كان كايقلب على لقارة لجانوبية لكبيرة.[18] لمستكشيف لبريطاني جيمز كوك هو أول واحد زاير وحدة من لݣزاير ديال فيدجي ف 1774، ولاكين مادخلاتش لجزر ديال لبلاد للخريطة حتى رسمهوم ويليام بلاي فاش كان غادي لإندونيسيا وسمّاهوم على سميتو. لأوروپيين اللوالة اللي تلاقاو معا لفيدجيين كانو هوما التجار ديال عود الصندل وديال خيار لبحر، والصيادة دلحوت لكبير. فاللول كانو كايجيو باش يديو لما ولماكلة ولحطب، وكانت هانية عند لفيدجيين وكانو كايخليوهوم ݣاع يباتو ويسكنو ويولّيو طرف من الجماعة.

تعرفات لقصة ديال واحد الراجل سويدي سميتو كالي سڤانصون اللي بدل سميتو ؤولّا تشارلي صاڤيدج، اللي خلاوه لفيدجيين ياخد من عندهوم لعيالات ولجاريات ويكون قايد عليهوم وايني هو كان كايحامي عليهوم ويعاونهوم يحاربو لقبايل لمعدية معاهوم. مات تشارلي ف 1819 بسباب هاد لأسلوب دلحياة ديالو اللي تݣلب عليه.[19] فلعشرينات ديال لقرن 19 تأسسات أول مدينة بالستيل ديال ؤروپا واللي هي ليڤوكا، وكان سطاسيون ديال التيجارة ديال خيار لبحر اللي كانو كايصدروه التجار النݣالزة ولمراكنة للشينوا فاش تشهر ؤولّا مطلوب. التاجر كان يقدر يربح حتال 25 ألف دولار فنص لعام.[20]

لمقاومة ضد الدخول النصراني

بدل
 
سيرو إيپينيزا كاكوباو (1815-1883).

فالتلاتينات ديال لقرن 19 بدات كاتدخل لمسيحية من بلايص اللي عاد تنصرو بحال طونݣا وتاهيتي. التنصير ديال لفيدجيين كان تدريجي وكان راقبها لكاپيتان تشارلز وايلكس اللي كان خدام معا لبيعتة لميريكانية ديال ليستيكشاف، وكتب باللي "ݣاع لقياد ديال لقبايل كانو كايشوفو باللي تانصرانيت جابت ليهوم لخسارة ديال بزاف دلحوايج كتر من اللي كانو غايربحوه منها".[21] هاد التحول التدريجي فالتقافة سماوه لفيدجيين "لوتو"[22] ، وكان عليهوم يكفرو بلمعتقدات الروحية ديالهوم، ويقصّرو الشعر تاعهوم، ويلبسو صايات اللي جايين من طونݣا ويبدلو لعادات ديال الزواج ولݣنايز اللي كانو عندهوم. من 1840 بدات لقضية كاترون ف فيدجي، فاش بداو قبايل اللي مازال ماتنصرو كايحرضو راسهوم على دوك اللي دخلو للمسيحية. واحد لحرايبي سميتو سيرو كاكوباو ولا متسلط وقدر يوحد لقبايل ديال لݣزيرة ديالو وترّا على لأوروپيين وعلن لحرب على لمسيحية.

طاح التأتير ديال كاكوباو من مورا ما فرض الضريبة على لقياد لخرين اللي كانو كايشوفوه بلكتيرة بحال "عشيرهوم اللي كايوقروه"، وماتلا باقي لقا اللي عاونو من مورا ما أسس لأمير ديال طونݣا كنيسة فوحدة من لݣزاير ديالو وبدا كاينصّر الناس.[23] ف 30 أبريل 1854 ستاسلم كاكوباو وداز من الـ"لوتو" من مورا مادار بزاف ديال لهجمات اللي جبدات عليه النحل والصداع ديال لمراكنة، اللي هوما نيت ريّبو لمدينة ديال ليڤوكا ودارو حصار طويل. كاكوباو تفرض عليه يزيد يتحرك بالرجال ديالو صحّة مع لعسكر ديال طونݣا باش يفضيوها للمقاومة ديال لقياد اللي بقاو ضد التنصير. بقا كاكوباو متحكم رمزيا غير فشوية ديال الشعوب ديال فيدجي، وكان مسمي على راسو "لماليك ديال فيدجي" واخا هو لبلاد حاكمينها لبرانيين.[24]

لمملاكة د فيدجي ولعبودية فلبلاد

بدل
 
توي ناموسي، حرايبي من قبيلة كاي كولو.

ف 1781 ما قبلاتش ميريكان تدخّل فيدجي تحت لحوكم ديالها، حيتاش لأغلبية ديال السكان هوما رعايا نݣليز من ؤسطراليا، حتى بريطانيا مابغاتش.[25] بزاف ديال لمستوطنين ولات عندهوم عقلية واحدة، وكان مݣيدهوم جورج وودس حتى تافقو معا كاكوباو باش يولي لماليك د بصّح ديال للمملاكة د فيدجي اللي عاد تأسسات. بزاف ديال لقيّاد دخلو معا هاد لمملاكة الجديدة اللي تبنّات لقانون بالدستور. لموافقة مابين السكان لأصليين ولمستوطنين اللي لغالبية ديالهوم من ؤسطراليا كانت فلغالب كاتكون صحّة وبالزز، الشي اللي خلّا ݣروپات ديال لعنصوريين لبويض تبان وتكبر.[26] ماتهدنات هاد لمجموعات حتى خدم كاكوباو قياد ديال لعسكر بيضين معاه.[27]

تزاد الطلب على لأرض بسباب الزيادة ديال لمستوطنين لكبيرة واللي باغين فين يعيشو ويحرتو. لمدابزات مابين لݣور والسكان لأصليين طلعات، ولمحاربية لفيدجيين كانو كاياكلو الدق واخا كان عندهوم السلاح ولقرطاس بحال نيت لؤروپيين.[28][29] لمحاربية كانو كايردو بهجمات على لڤيلاجات ديال لݣور ولفيدجيين النصارى.[30] لحوكومة ديال فيدجي ماكانتش باغية لمستوطنين يديرو لحكام ديالهوم على لأرض بوحدهوم، ولاكين كان عاجبهوم لحال يشوفو لمحاربية كاينين تحت السيطرة ولأرض تتباع للݣور اللي كانو كايخلصو مزيان. من 1873 لقضية بدات كاترون تاني فاش لعسكر ديال لماليك بدا يدخل على قبيلة كاي كولو[31] وينحر فيهوم حتى فضّاها لشي 170 واحد.[32] لݣور براسهوم كانو خايفين من هاد لعسكر وتضاربو واحد الشوية بينما فكهوم قايد نݣليزي ديال لبحرية. لحوكومة ديال لماليك مشاو معا معاونية ݣور وقضاو على لقبيلة ولقياد ديالها من مورا 8 شهور ديال لمقاتلة. شي 1000 واحد، رجال وعيالات ودراري تصافتو لليڤوكا.[33] شي تعدم ولباقي ولاو عبيد ففيرمات مشتتين فلݣزاير.[34]

من تما بدا لعهد ديال لعبودية ففيدجي بلمعقول[35]، بزاف ديال لفيدجيين كانو كايتباعو وكايتشراو من مورا ماكايتخطاطفو أولا كايتغرر بيهوم زعما راه غايخدمو وغايتخلصو مزيان، واخا ماكاين والو من هاد لهضرة، والراس كان كايسوا 6 جنيه سترليني.[36] لبحرية لملكية ديال النݣليز كانت كاتحدّر الناس باللي لبيعة والشرية ديال هاد الناس ممنوعة، وايني ماكاينشاي اللي يطبق لقانون، ولقياد لݣور كانو دايرين عين ماشافت.[37] ف 1873 لالوف ديال الناس من لقبايل ديال لهضاب د ڤيتي ليڤو تصافتو لمدينة ليڤوكا وتباعو عبيد.[38]

لستيعمار النݣليزي

بدل
 
ناس مجموعين فلمرسى ديال سوڤا، عام 1900.

من مورا بزاف ديال الطلبات تاع كاكوباو باش تدخل لبلاد ديالو للحكم ديال النݣليز، تقبل الطلب ديال اللخر اللي عطاه ف 21 مارس 1874. فنهار 1874 دخلات فيدجي رسميا للحوكم ديال التاج لبريطاني اللي غاتكون لمدة ديالو 96 عام. ف1875 صيفت هرقول روبينصون، اللي كان حاكم على نيوساوت ويلز كاكاباو وجوج من ولادو لمدينة سيدني فؤسطراليا باش يحتافلو بلنضيمام ديال فيدجي للتاج لمالاكي النݣليزي. فسيدني كان لوابة ديال بوحمرون مفشي ودوك التلاتة دلفيدجيين جابوه فاش رجعو لبلادهوم ونشروه تما. حتى لباطو فاش رجعو ماداروش لحجر الصحي واخا كانو عارفين باللي بوحمرون غادي وكاينتاشر.[39][40] مابين 1875 و 1876 ماتو كتر من 40 ألف ديال لفيدجيين اللي كانو التلت ديال السكان ديك الساعات.[41] شي فيدجيين كانو كايݣولو باللي بلعاني خلاو لوابة تدخل لبلاد، ليوما لمؤرخين مالقاو حتى شي دليل على هاد لهضرة.

 
آرتر هاميلطون ݣورضن (1829-1912).

فيونيو 1875 ولّا آرتر ݣورضن بلاصت روبينصون. هادشي قلق لقبايل اللي ناضت وتارت عليه، وبدات لݣيرة اللي سماها "لحرب الصغيرة" اللي كان على آرتر يطفيها.[42] بدات عاوتاني لحرب مابين لقبايل لفيدجية لمتنصرة معا لݣور ضد لقبايل اللي بقات وماتنصراتش. فأكتوبر 1876 سالات لحرب الصغيرة، وقد لحاكيم الجديد يغلب السكان ديال لداخل دلݣزيرة د ڤيتي ليڤو. دوك اللي بقاو تصافتو يتنفاو معا لأشغال الشاقة حتال 10 سنين. وباش يشد لحكام كتر، صاوب ݣورضن سيستيم جديد ديال لحكام لجتيماعية اللي فيه قياد كايجيبو ليه لخبار وكاينفدو لأوامير ديالو فلمقاطعات. هاد السيستيم بقا خدام حتال 2007 فاش وقف لحوكم ديال لعسكر لخدمة بيه، وتمنع ݣاع ف 2012. ݣورضن منع على لفيدجيين يبيعو أولا يشريو لأرض، وعطى هاد السلطة للمستوطنين.[43]

من موراها طراو بزاف ديال التورات اللي خرجات وتسمات "توكا"، حيتاش الشعب ماكانش راضي بلحالة اللي وصل ليها. كانو بزاف ديال رجال الدين لفيدجيين كايݣولو باللي إلا الشعب رجع للتقاليد لقدام ولعيبادة ديال لأرواح لقديمة، غادي يجريو على لݣور أولا غايديروهوم فيديهوم ويحكموهوم. ݣاع اللي كان كايݣول هاد لهضرة كايصيفطوه للمنفى 10 سنين.[44] بزاف ديال لمنضمات التورية لوخرة ديال توكا بانت، وايني النݣليز خدمو بالسياسة ديال اللي دوا يرعف[45]، وكانو قبايل على ݣدهوم كايترحلو للمنفى إلا لعسكر د النݣليز لقى باللي كانو معا لحركة ديال توكا.[46][47]

فلحرب لعالمية اللولة فيدجي ماكانش عندها شي دور كبير. النݣليز ماكانتش كاتخلي السكان لأصليين يدخلو فلعسكر. واحد من لقياد ديال لقبايل اللي كان من لحفاد ديال كاكوباو مشا معا فرانسا وخدا أحسن ميدالية حربية معاهوم. من بعد مشا كمل قرايتو د لقانون فجامعة أكسفورد. رجع هاد لقايد للبلاد وتعتابر بطل وطني وفنفس لقوت أول واحد ياخد شهادة جامعية فلبلاد. فلحرب لعالمية التانية تقلبات لآية وولا لعسكر د النݣليز كايدخل كولشي معاه. لفيدجيين كانو كايدخلو فلحامية ديال فيدجي اللي كان كايݣيدها حفيد آخور ديال كاكوباو. هاد لحامية دخلات معا لعسكر تاع ؤسطراليا ونيوزيلاندا فلحرب.

لستيقلال ولقرون 20 و 21

بدل
 
مدينة سوڤا ف 1950.

من مورا بزاف ديال لمشاورات السياسية من 1965 حتال 1970، تعلن ليستيقلال ديال لبلاد د فيدجي وطلعات الراية ديالها نهار 10 أكتوبر 1970. لحوكم الديمقراطي اللي كان فلبلاد وقف جوج مرات بسباب جوج نقيلابات ديال لعسكر ف 1987 اللي تبررو بلخوف ديال لفيدجيين من لحوكومة اللي كانت لغلبية ديالها من لفيدجيين لهنود.[48] لنقيلاب التاني عزل لملكية ديال فيدجي ولحاكيم لعام وجاب بلاصتهوم رايس شرفي وتبدلات السمية ديال لبلاد الرسمية من "الضومينيون لبريطاني د فيدجي" ؤ ولّات "لجمهورية دفيدجي". لينقيلابات والصداع اللي جابو معاهوم خلاو لأغلبية ديال لفيدجيين اللي عندهوم أصول هندية يهربو من لبلاد، الشي اللي جاب نهيار قتيصادي كبير، ؤولاو لميلانيزيين هوما لأغلبية فلبلاد.[49] ف 1990 جا الدستور الجديد اللي كايفرض باللي لفيدجيين لأصليين هوما اللي يشدو لأغلبية فلحوكومة. تأسس ݣروپ ضد التمييز لعنصوري، وف 1997 تصاوب دستور جديد اللي عطا لحق لݣاع لفيئات ديال لبلاد تدخل للحوكومة، وهادشي عجب الناس كاملين.

 
فرانك باينيماراما فنونبر 2014.

ف 2000 عاود طرا نقيلاب جديد حتى شدوها لعسكر. من بعد طراو جوج ديال التمردات دلعسكر وماوقفو حتى هضرات لمحكامة لعالية وݣالت باللي خاص الدستور يرجع. ف 2001 وباش ترجع الديموقراطية تدارو نتيخابات عامة اللي ربحها لايسينيا قاراصي.[50] لحوكومة ديالو ف 2005 قتارحات هيشة ديال لإنصاف ولمصالحة باش تعوض الضحايا ديال لنقيلاب ديال 2000 وتجيب لمسامحة على اللي جبدو الصداع. عاوتاني ف 5 دجنبر 2006 طرا نقيلاب ديال لعسكر، تخادت السلطة ديال الرياسة وتحل لبرلامان. ف 4 يناير 2007 قرر لعسكر يعطي السلطة ليوسيفا إيلويلو[51][52] اللي خرج بتصريح كايدعم فيه لعسكر[53] ورجع فرانك بايريماراما رايس ديال لويزارا.[54]

ف 2009 قررات لمحكامة لعالية باللي داكشي اللي ݣالت على الشرعية ديال لينقيلاب ماكاينش وباللي هاد لبلان ماشي شرعي. من موراها إيلويلو خرق الدستور ورجع راسو رايس تنفيدي فنيضام جديد[55] وعلن حالة ديال الطوارئ اللي منعات السفر فالداخل وقمعات لحرية ديال الصحافة. ف 2 ماي 2009 لمنتدى ديال ݣزاير لمحيط لهادي ترّا على فيدجي حيتاش ماوفاتش بلقولة ديال باللي غايديرو نتيخابات ديموقراطية.[56][57] هاد لحالة ديال الطوارئ كانت سباب فخروقات ديال لحقوق د بنادم اللي جابتها الدخول ديال لمعارضين صحة للحبس.[58][59] ف 1 يناير 2010 تحيدات لحالة ديال الطوارئ، وايني ماتمنعات حتال 2012. تصاوب دستور جديد ف 2014 ومنو تدارو لينتيخابات فداك لعام نيت.[60][61]

الدولة

بدل
 
فقرة مازالا خاوية ولا ناقصة:
هاد لفقرة مازالا خاوية ولا ناقصة، زعم باش تبدّل فيها و نزيدو نكبّروها

لجغرافيا

بدل
 
فقرة مازالا خاوية ولا ناقصة:
هاد لفقرة مازالا خاوية ولا ناقصة، زعم باش تبدّل فيها و نزيدو نكبّروها

عيون لكلام

بدل
  1. ^ "Country is now officially called Republic of Fiji". Fijivillage.com. 3 فبراير 2011. مأرشيڤي من لأصل ف 22 يونيو 2016. تطّالع عليه ب تاريخ 22 يونيو 2016.
  2. ^ Government of Fiji (10 يناير 2018). "Fiji Bureau of Statistics Releases 2017 Census Results". مأرشيڤي من لأصل ف 3 نونبر 2018. تطّالع عليه ب تاريخ 3 نونبر 2018.
  3. ^ "Fiji: History". infoplease.com. 2005. مأرشيڤي من لأصل ف 31 غشت 2010. تطّالع عليه ب تاريخ 15 شتنبر 2010.
  4. ^ "Fiji's president takes over power". BBC. 10 أبريل 2009. مأرشيڤي من لأصل ف 13 أبريل 2009. تطّالع عليه ب تاريخ 15 شتنبر 2010.
  5. ^ Perry، Nick؛ Pita، Ligaiula (29 شتنبر 2014). "Int'l monitors endorse Fiji election as credible". Associated Press. مأرشيڤي من لأصل ف 21 شتنبر 2014. تطّالع عليه ب تاريخ 25 شتنبر 2014.
  6. ^ "Fiji High Commission :: About Fiji". www.fiji.org.nz. مأرشيڤي من لأصل ف 2023-10-14. تطّالع عليه ب تاريخ 13 يناير 2020.
  7. ^ "Fiji". The World Factbook. CIA. مأرشيڤي من لأصل ف 2023-10-13. تطّالع عليه ب تاريخ 20 غشت 2020.
  8. ^ "Fiji – Our Government". fiji.gov.fj. 9 نونبر 2009. مأرشيڤي من لأصل ف 19 يونيو 2010. تطّالع عليه ب تاريخ 15 شتنبر 2010.
  9. ^ "About Fiji". Archived from the original on 2011-08-03. تطّالع عليه ب تاريخ 2022-07-14.CS1 maint: unfit url (link)
  10. ^ Schutz، Albert J. (دجنبر 1974). "The Forerunners of the Fijian Dictionary". The Journal of the Polynesian Society. 83 (4): 443–457. JSTOR 20705027. مأرشيڤي من لأصل ف 8 فبراير 2018. تطّالع عليه ب تاريخ 21 يناير 2019.
  11. ^ Barbour، Thomas (1923). "The Frogs of the Fiji Islands". Proceedings of the Academy of Natural Sciences of Philadelphia. 75: 111–115. JSTOR 4063878.
  12. ^ Scarr، Deryck (1984). Fiji: A Short History. Laie, Hawaii: Institute for Polynesian Studies, Brigham Young University—Hawaii Campus. ص. 2. OCLC 611678101. ردمك 9780939154364. مأرشيڤي من لأصل ف 2023-07-19. تطّالع عليه ب تاريخ 23 غشت 2020.
  13. ^ Fergus.، Clunie (2003). Fijian weapons & warfare. Fiji Museum. OCLC 55604396. ردمك 978-9822080063.
  14. ^ Brewster، Adolph (1922). The hill tribes of Fiji. London: Seeley.
  15. ^ Degusta، David (1999). "Fijian Cannibalism: Osteological Evidence from Navatu". American Journal of Physical Anthropology. 110 (2): 215–241. doi:10.1002/(SICI)1096-8644(199910)110:2<215::AID-AJPA7>3.0.CO;2-D. PMID 10502244.
  16. ^ a b Cochrane، Ethan (2004). "Culturally Modified Human Remains Recovered from an Earth-Oven Interment on Waya Island, Fiji". Archaeology in Oceania. 39: 54–59. doi:10.1002/j.1834-4453.2004.tb00559.x.
  17. ^ a b Jones، S (2012). "Kana Tamata or Feasts of Men: An Interdisciplinary Approach for Identifying Cannibalism in Prehistoric Fiji". Freshwater Biology. 10 (2): 127–145. doi:10.1002/oa.2269.
  18. ^ "Abel Janszoon Tasman Biography". مأرشيڤي من لأصل ف 2007-03-12.
  19. ^ Gravelle, pp. 29–42
  20. ^ Wilkes، Charles (1849). Narrative of the United States Exploring Expedition. Vol. 3. Philadelphia: C. Sherman. ص. 220.
  21. ^ Wilkes، Charles (1849). Narrative of the United States Exploring Expedition Vol. 3. C. Sherman. ص. 155. تطّالع عليه ب تاريخ 16 أبريل 2018.
  22. ^ Brewster، Adolph (1922). Hill Tribes of Fiji. London: Seeley. ص. 25.
  23. ^ Gravelle, pp. 67–80
  24. ^ Gravelle pp. 76–97
  25. ^ "The Empire" (5767). New South Wales, Australia. 11 ماي 1870. ص. 2. تطّالع عليه ب تاريخ 10 أبريل 2018 – على طريق National Library of Australia.
  26. ^ "No title". The Ballarat Courier (1538). Victoria, Australia. 22 ماي 1872. ص. 2. تطّالع عليه ب تاريخ 10 أبريل 2018 – على طريق National Library of Australia.
  27. ^ "FIJI". Illustrated Australian News For Home Readers (187). Victoria, Australia. 16 يوليوز 1872. ص. 154. تطّالع عليه ب تاريخ 11 أبريل 2018 – على طريق National Library of Australia.
  28. ^ "FIJIAN EXPERIENCES". Adelaide Observer. XXVIII (1576). South Australia. 16 دجنبر 1871. ص. 11. تطّالع عليه ب تاريخ 11 أبريل 2018 – على طريق National Library of Australia.
  29. ^ "MASSACRE OF NATIVES BY SETTLERS IN FIJI". The Advocate. IV (196). Victoria, Australia. 12 أكتوبر 1872. ص. 9. تطّالع عليه ب تاريخ 11 أبريل 2018 – على طريق National Library of Australia.
  30. ^ "FIJI". The Advocate. IV (160). Victoria, Australia. 3 فبراير 1872. ص. 11. تطّالع عليه ب تاريخ 11 أبريل 2018 – على طريق National Library of Australia.
  31. ^ "FIJI". The Argus (Melbourne) (8). Victoria, Australia. 16 أبريل 1873. ص. 5. تطّالع عليه ب تاريخ 12 أبريل 2018 – على طريق National Library of Australia.
  32. ^ "LATEST FROM FIJI". Empire (668). New South Wales, Australia. 29 غشت 1873. ص. 3. تطّالع عليه ب تاريخ 13 أبريل 2018 – على طريق National Library of Australia.
  33. ^ "FIJI ISLANDS". The Sydney Mail and New South Wales Advertiser. XVI (694). New South Wales, Australia. 18 أكتوبر 1873. ص. 512. تطّالع عليه ب تاريخ 13 أبريل 2018 – على طريق National Library of Australia.
  34. ^ Gravelle, p. 131
  35. ^ Jane Resture. "The Story of Blackbirding in the South Seas – Part 2". Janesoceania.com. مأرشيڤي من لأصل ف 7 مارس 2014. تطّالع عليه ب تاريخ 9 دجنبر 2013.
  36. ^ "A FIJIAN PLANTER'S CONFESSION". Empire (6379). New South Wales, Australia. 16 شتنبر 1872. ص. 3. تطّالع عليه ب تاريخ 13 أبريل 2018 – على طريق National Library of Australia.
  37. ^ "NINE MONTHS IN FIJI AND OTHER ISLANDS". Empire (6014). New South Wales, Australia. 13 يوليوز 1871. ص. 3. تطّالع عليه ب تاريخ 13 أبريل 2018 – على طريق National Library of Australia.
  38. ^ "GENERAL NEWS". Leader. XXVII (940). Victoria, Australia. 3 يناير 1874. ص. 24. تطّالع عليه ب تاريخ 13 أبريل 2018 – على طريق National Library of Australia.
  39. ^ Gravelle, pp. 139–143
  40. ^ David M. Morens, "Measles in Fiji, 1875: thoughts on the history of emerging infectious diseases." Pacific Health Dialog 5#1 (1998): 119-128 online.
  41. ^ "Historical Time line". مأرشيڤي من لأصل ف 2012-01-17.
  42. ^ Gordon، Arthur Hamilton (1879). Letters and Notes written during the disturbances in the highlands of Viti Levu, 1876. Edinburgh: R&R Clark.
  43. ^ France، Peter (1968). "The founding of an orthodoxy: Sir Arthur Gordon and the doctrine of the Fijian way of life". Journal of the Polynesian Society. 77 (1): 6–32. مأرشيڤي من لأصل ف 2023-03-22. تطّالع عليه ب تاريخ 16 أبريل 2018.
  44. ^ Brewster، Adolph (1922). Hill tribes of Fiji. London Seeley, Service. ص. 236.
  45. ^ Kaplan، Martha (1995). Neither Cargo nor Cult. Duke University Press. pp. 100–118. ردمك 978-0822315933. مأرشيڤي من لأصل ف 2023-07-19. تطّالع عليه ب تاريخ 2022-07-15.
  46. ^ Nicole، Robert (2011). Disturbing History. University of Hawaii Press. ردمك 9780824860981. مأرشيڤي من لأصل ف 16 أبريل 2018. تطّالع عليه ب تاريخ 16 أبريل 2018.
  47. ^ Kaplan، Martha (1995). Neither Cargo nor Cult. Duke University Press. pp. 100–118. ردمك 0822315939. مأرشيڤي من لأصل ف 2023-07-19. تطّالع عليه ب تاريخ 2022-07-15.
  48. ^ Blum، William (2002). Rogue State. Monroe: Common Courage Press. pp. 153–154. ردمك 184277221X.
  49. ^ Lal، Brij V (أبريل 2003). "Fiji Islands: From Immigration to Emigration". Migration Policy Institute. مأرشيڤي من لأصل ف 4 مارس 2010. تطّالع عليه ب تاريخ 14 يونيو 2009.
  50. ^ Lal، Brij V. (2002). "In George Speight's Shadow: Fiji General Elections of 2001". The Journal of Pacific History. 37 (1): 87–101. doi:10.1080/00223340220139298. JSTOR 25169576. Unknown parameter |s2cid= ignored (معاونة)
  51. ^ Phil Taylor (6 دجنبر 2006). "Fiji – alone under the gun". The New Zealand Herald. تطّالع عليه ب تاريخ 30 شتنبر 2007.
  52. ^ "Commander hands back executive authority to Ratu Iloilo". FijiVillage.com. 4 يناير 2007. مأرشيڤي من لأصل ف 7 يناير 2007.
  53. ^ "I support army takeover: Iloilo". Fijilive. 4 يناير 2007. مأرشيڤي من لأصل ف 25 يناير 2007.
  54. ^ "President swears in interim PM". Fijilive. 5 يناير 2007. مأرشيڤي من لأصل ف 25 يناير 2007.
  55. ^ "President's Address to the Nation". Archived from the original on 18 غشت 2009. تطّالع عليه ب تاريخ 22 أبريل 2009.CS1 maint: unfit url (link), fiji.gov.fj (10 أبريل 2009).
  56. ^ "Statement by Forum Chair on suspension of the Fiji military regime from the Pacific Islands Forum". مأرشيڤي من لأصل ف 2018-03-23.
  57. ^ "Chair of Pacific Islands Forum says Fiji has been suspended". Radio New Zealand International. 2 ماي 2009. مأرشيڤي من لأصل ف 3 مارس 2012. تطّالع عليه ب تاريخ 30 شتنبر 2011.
  58. ^ "Fiji suspended from the Commonwealth". Commonwealth.org. 1 شتنبر 2009. مأرشيڤي من لأصل ف 4 شتنبر 2009. تطّالع عليه ب تاريخ 2 ماي 2010.
  59. ^ "Fiji suspended from Commonwealth". BBC News. 1 شتنبر 2009. مأرشيڤي من لأصل ف 10 يونيو 2010. تطّالع عليه ب تاريخ 2 ماي 2010.
  60. ^ "Fiji flag flies again following Commonwealth Ministerial Action Group decision". مأرشيڤي من لأصل ف 2022-01-19.
  61. ^ Turagaiviu، Elenoa (15 مارس 2014). "Fiji's Commonwealth suspension partially lifted". FBC News. مأرشيڤي من لأصل ف 6 دجنبر 2017. تطّالع عليه ب تاريخ 5 دجنبر 2017.
  تقدر تزيد شوف بزاف د تّصاور و لمعلومات ديال Fiji ف ويكيميديا كومنز.
مرجّعة من "https://ary.wikipedia.org/w/index.php?title=فيدجي&oldid=353743"