فن د روايس

روايس ؤلا فن تيرويْسا (بتشلحيت: ⵜⵉⵕⵕⵓⵢⵚⴰ) هيا واحد لموڤمو مزيكي و شيعري بلدي بان فبلاد سوس فوسط لمغريب و اللي كايتسما لهيه ب أمارݣ ن الروايس، هاد النوع من لغنا زداهر فلقرن عشرين ولايني على ماتقال أمارݣ بان من عصور غابرة واخا ماكاين حتا شي آتر علا ؤصولو ولاّ لوقيتة بالضبط اللي بان فيها.

الريباب للي كايستعملو الروايس.

حݣا، هاد لفن لفريد كايدوي على شلا مواضيع اللي خلاتنا نفهمو ولا علقليل تكون عندنا تخميمة على كيفاش سواسا كانو كايفكرو فداك الزمان. أمارير (مول أمارݣ) ؤلا الرايس ماكانش غير كايوصف ولا كايعاود لخبّير ولا كايعبر على حواسو ولايني كان كايعطي حتا النصايح و كايكومونطي على وقايع زمانو، خلاص كانت فلسافة بلمعنة دلكلمة. فلغالب، أمارݣ كايتلعب فالدواور اللي كاينين فݣاع سوس شوف حتا السواحي دلمدون لقدام لقراب لهاد لبلايص بحال الساحة ديال جامع لفنا فمراكش و الساحة ديال أساراݣ فتارودانت، و بلا مانساو تيزنيت اللي عطات الرايس الحاج بلعيد اللي كايتعتابر هوا لقيدوم ديال هاد لفن. أمارݣ دالروايس معا لآلة دالريباب ولاو بصاح رشمة أولّا رمز تاقافي ديال سوس. دابا هاد لغنا زاد تطور ؤ ولّاو ݣاع روايس مجموعين على شكل ديال سمفونيات و كاتسما ب "ألموݣار ن الروايس"، زعما لملݣا د الروايس.

الروايس لمعروفين اللي كايلعبوه

الروايس اللوالا لي مشهورين

• الرايس الحاج بلعيد
• الرايس بودراع
• الرايس بوبكر أنشاد
• الرايس بوبكر أزعري

أشهر الروايس ف لخمسينات و الستينات

• عمر واهروش
• أحمد أمنتاݣ
• محمد الدمسيري
• سعيد أشتوك
• الحاج المهدي بن مبارك
• رقية الدمسيرية

أشهر روايس من مورا التمانينات

• لحسين الباز
• فاطمة تبعمرانت
• حسن أرسموك
• صالح الباشا

شوف حتا

• تشلحيت
• أدب تشلحيت
• سهل سوس

عيون لكلام

هادي زريعة ديال مقالة خاصها تّوسع. تقدر تشارك ف لكتبة ديالها.