فريد بحري
فريد بحري
| ||
| معلومات عامة | ||
| زيادة | 1971 (52/53 عام) طانجا | |
| لجنسية | لمغريب | |
| لحرفة | توارخي | |
| لّوغات لي كيعرف | الداريجة لمغريبية، عربية، لفرانساوية، نڭليزية و صبليونية | |
حياتو
بدلدار فريد بحري طرف كبير من لقراية لجامعية ديالو ف لجامعة د طور ف فرانسا، اللي خدا منها ف 1999 شهادة الدراسات المعمقة ف الدراسات لأنڭلوفونية. من بعد، قرّا عامين من 2000 تال 2002 كأستاذ مساعد ف لجامعة د ستراتكلايد ف ڭلاسڭو، ف سكوطلاندا. ف 2011، خدا ماستر ف التاريخ لمعاصر ف لجامعة لحرة د بريكسيل.[1]
كتوباتو
بدلف فبراير 2022 نشر فريد بحري أول كتاب ديالو كيهضر فيه على التاريخ، و سميتو Tanger, une histoire-monde du Maroc (طنجة، تاريخ-عالم د لمغريب) ولي الموضوع ديالو هو طنجة وكيفاش أن التاريخ د لمدينة كيقدر من خلالو لواحد يعرف ويفهم التاريخ د لمغريب كامل.[2]
ف يوليوز 2023، خرّج كتاب سميتو Le Sultan Moulay Hassan, une politique au défi de l'Occident (السلطان مولاي لحسن، سياسة د التحدّي للغرب)، ولي كيهضر على كيفاش أن السلطان مولاي لحسن اللّول قدر ف لوقت اللي حكم فيه باش يحمي لمغريب شي شوية من لأطماع لاستعمارية ديال الدول لأوروبية.[3]
من غير التاريخ، نشر فريد بحري كتاب ف أبريل 2023 على لمغاربة واللغات ديالهوم (Les Marocains et leurs langues)، فين كيهضر على لمسألة د التعدد اللغوي لي كاينة ف لمغريب.[4]
بالإضافة للبحوث ديالو، فريد بحري عندو ديوان شعري خرج ف يونيو 2018 سميتو Destin nu، لي نقدرو نترجموه بمصير عريان.[5]
عيون لكلام
بدل- ^ "فريد بحري - لمكتبات د لعالم (بلفرونسي)". مأرشيڤي من لأصل ف 11 غشت 2023.
- ^ "طنجة - تاريخ عالم د لمغريب - لمكتبات د لعالم (بلفرونسي)". مأرشيڤي من لأصل ف 11 غشت 2023.
- ^ "السلطان مولاي لحسن تيتحدّا لغرب - تجربة طنجة - 2023 (بلفرونسي)". مأرشيڤي من لأصل ف 11 غشت 2023.
- ^ "لمغاربة و اللوغات ديالهم - لمكتبات د لعالم - 2023 (بلفرونسي)". مأرشيڤي من لأصل ف 11 غشت 2023.
- ^ "مصير عريان - تكريم بالشعر ل طنجة - طيل كيل - 2023 (بلفرونسي)". مأرشيڤي من لأصل ف 15 أكتوبر 2023.