فاطمة الفهرية
فاطمة لفيهرية (خلاقت ف 800 ف لقيروان و ماتت ف 880 ف فاس) و سميتها لكاملة فاطمة بنت محمد الفهري و كانت معروفة ب كنية "أم البنين" شخصية تاريخية مهمة د مدينة فاس و هي لّي بنات جامع لقرويين لّي هي أقدم جاميعة ف لعالم.[1]
فاطمة الفهرية
| ||
| ||
| معلومات عامة | ||
| زيادة | 800 القيروان | |
| لموت | 880 (جريجوري) (79/80 عام) فاس | |
| لجنسية | لخلافة لعباسية | |
| لحرفة | راعية الفنون | |
| لّوغات لي كيعرف | عربية | |
| معلومات خرى | ||
| دين | إسلام | |
| لأعمال |
| |
لقصة ديالها هضر عليها بن أبي زرع (لي توفا بين 1310 ؤ 1320) ف لكتاب د روض لقرطاس ف لموضوع د تأسيس د جامع لقرويين.[2] حيت تدكرات ل أول مرة مور قرون على لموت ديالها، لقصة ديالها كانت صعيبة باش تتبت ؤ كاينين حتا شي مؤرخين معاصرين بحال شفيق بنشقرون كيشكو ف لوجود ديالها ݣاع.[3]
حياتها بدل
فاطمة لفيهرية أصلها من قبيلة "بنو فهر" لّي هي من قريش ف لجزيرة لعربية. هي نفس لقبيلة لّي جا منها عقبة بن نافع لّي كان جينيرال د دّولة لأموية و كان عندو دور كبير ف تّوسيع د دّولة لأموية ف شمال إفريقيا. عقبة كان هو لّي بنا لقيروان (ف تونس ديال دابا) و جاو معاه بزاف د نّاس د لقبيلة ديالو. من حفاد هاد لجيل د لفيهريين كان محمد لفيهري، بّاين فاطمة، لّي كان تاجر كبير و ملعّق و تأنسطالا ف فاس ف عام 825. هاد محمد لفيهري فاش مات ورتو فلوسو جوج بنات لّي كانو عندو، مريم و فاطمة.
فاطمة كانت ديانية و عزيز عليها دّير لخير و عزمات أنها توهب فلوسها كاملين ل لخير، و هاكدا بنات جّامع د لقرويين ف فاس لّي بدا لبني ديالو ف عام 859 و كانت كاتصوم ليّام كاملة ديال لمدة د لبني. ختها مريم كانت بحالها و هي لّي بنات جّامع د لأندلسيين ف فاس.
عيون لكلام بدل
- ^ "فاطمة الفهرية مؤسسة أقدم جامعة في العالم". مأرشيڤي من لأصل ف 2019-09-12. تطّالع عليه ب تاريخ 2020-03-10.
- ^ بن أبي زرع. الأنيس المطرب بروض القرطاس في أخبار ملوك المغرب وتاريخ مدينة فاس (ب لعربية). رباط: طبعة دار لمنصور. ص. 55.
- ^ Benchekroun، Chafik T. (2011). "Les Idrissides: L'histoire contre son histoire". Al-Masaq (ب لفرانساوية). 23 (3): 171–188. doi:10.1080/09503110.2011.617063.