عبد لجبار لوزير
عبد لجبار لوزير
| ||
| معلومات عامة | ||
| زيادة | 1928 مراكش | |
| لموت | 2 شتنبر 2020 (91/92 عام) مراكش | |
| طريقة دلموت | موتة طبيعية | |
| سباب لموت | مضاعفات مرض السكري | |
| لجنسية | لمغريب | |
| لحرفة | مومتيل، ممتيل د لأفلام، ممتيل د التلفازة، فنان كوميدي و ممثل مسرحي | |
| لّوغات لي كيعرف | عربية | |
 
| ||
عبد لجبّار لوزير (خلاق ف مراكش ف 1928 و توفّا ف 2 شتنبر 2020 ف مراكش[1]) ممتّيل مسرحي مغريبي كان من رّواد د لمسرح ف لمغريب و من نّاس لّي وضعو سّاس ديال بزّاف ديال لفراقي د لمسرح ف مراكش مع سميات خرين بحال محمد بلقاس.[2]
عبد لجبار لوزير متل حتا ف بزاف د لأعمال ف تّلفازا و سّينيما. كان لعمل لّخر ديالو لّي لقا نجاح كبير ف لمغريب[3] هو مسلسل "دار الورثة" لّي داز ف لقناة لمغريبية لّولا ف 2010.[1]
حياتو
بدلعبد لجبار ولد درب لݣزا ف رياض لعروس ف مراكش. كبر ف عائيلة على قدّها بحيت بّاه كان كايخدم خرّاز و من بعد خدم ف لفلاحة و تاكسّابت. كبر عبد الجبار ف لمدينة لقديمة د مرّاكش و ما كمّلش قرايتو، بدا صّنعة بكري و خدم ف دّباغة و تانجّارت.[2]
فاش وصل ل 15 لعام تقيّد ف لكوكاب لمرّاكشي (ف نفس لعام لّي تأسّسات فيه لفرقة ف 1948) و لعب ݣارديان ديال لفرقة د جونيور.[2]
عبد الجبار بدا لمسرح مع لفرقة د "الأطلس الشعبي" لّي كان كايسيرها مولاي عبد الواحد حسنين. أول مسرحية ديالو كانت هي "الفاطمي و الضاوية" ف 1951 لّي لعبها معا محمد بلقاس، و هي لمسرحية كانت تعرضات قدام لماليك محمد لخاميس ف قصر لباهية ف مراكش ف 1957.[1]
عبد الجبار لوزير كان ناشط ف لحركة لوطنية يامات لستيعمار و تحبس من بعد ما تّنفا محمد لخاميس ف 1953. كان تّحبس ف حبس لعلو ف رّباط و تمّا تعلّم لقراية و لكتابة على يد مقاومين كانو معاه ف لحبس. من بعد لستيقلال خدم مردة ف لقوات لموساعيدة ل مدة 4 سنسن قبل ما يخرج منها و يتفرّغ ل لكاريير ديالو ف لمسرح و تّمتيل.[4]
مع بلقاس، شكّلو بجوج تونائي فوكاهي و كانو كايقدّمو عروض تونائية كوميدية.[1]
عبد الجبار توفا ف 2 شتنبر 2020 من بعد ما قاسا عوام طويلة مع مرض سّكار.[2]
لأعمال ديالو
بدللمسرح
بدل- الفاطمي و الضاوية (1951) - فرقة الأطلس الشعبي.
- أنا مزاوك ف الله.
- سيدي قدور العلمي.
- الزواج بالحيلة (1977).
- غلطة أم.
- الشلح و العساس.
- وليدات جامع لفنا.[5]
- الحراز (1968) - إخراج الطيب الصديقي.
- حمان المهزلة.
تلفازا
بدل- دار الورثة - مسلسل (2010).
- ولد مو - فيلم تيليفيزيوني (2009).
سينيما
بدل- لورنس العرب (1962) - إخراج ديفيد لين.
- عندما تنضج الثمار.
- حلاق درب الفقراء (1982) - إخراج محمد الرݣاب.
- فرسان المجد.
- عبدو عند الموحدين.
عيون لكلام
بدل- ^ a b c d "عبد الجبار الوزير في ذمة الله - الصباح". مأرشيڤي من لأصل ف 2023-09-06. تطّالع عليه ب تاريخ 2020-09-03.
- ^ a b c d "عن عمر 92 سنة.. الفنان عبد الجبار الوزير يغادرنا الى دار البقاء". مأرشيڤي من لأصل ف 2023-09-06. تطّالع عليه ب تاريخ 2020-09-03.
- ^ "الراحل عبد الجبار لوزير .. احتراف الفكاهة بعد تجربة جيش التحرير". مأرشيڤي من لأصل ف 2020-10-25. تطّالع عليه ب تاريخ 2020-09-03.
- ^ "أكادير 24 - وفاة الفنان عبد الجبار الوزير عن سن ناهز 92 سنة". مأرشيڤي من لأصل ف 2023-09-06. تطّالع عليه ب تاريخ 2020-09-03.
- ^ "عبد الجبار لوزير : عرضنا مسرحية فوجدنا انفسنا في الكوميسارية".[ليان مهرس ديما]