عبدو شريف

عبدو شريف (مزيود ف 1971، توفى ف 8 مارس 2024) موغني مغريبي كانت كايتلقّب ب "لعندليب الجديد". سميتو لحقيقية عبد الله التازي.

عبدو شريف
معلومات عامة
زيادة	1971 الدار البيضا
لموت	8 مارس 2024 (52/53 عام) الدار البيضا
طريقة دلموت	موتة طبيعية
سباب لموت	نوبة قلبية
لجنسية	لمغريب
لحرفة	مغني
لّوغات لي كيعرف	عربية
معلومات خرى
ستيل	ؤپيرا و موسيقى عربية
لألة	عود و صوت

حياتو

تزاد عبد الله التازي ف الدارلبيضا ف عائلة فنية عريقة. عمّو هوّ عبد الوهاب أكومي، لي كان من روّاد لمزيكة لمغريبية. و التلميد ديالو كان محمد السعدي لي كان عضو مؤسس ف لفراقي د جيل جيلالة و ناس لغيوان.

ف 1999، غنّى عبدو شريف ف دار لؤپيرا لمصرية قدّام جمهور كبير لي كان كيبغي عبد الحليم حافظ (لملقّب ب "العندليب الأسمر")، و هاد النجاح خلا لمصريين يعتابروه لولد الشرعي ديال واد النيل، و تلقّب ب "العندليب الجديد". عبدو شريف كان متأتر ب عدد ديال لمشاهير ديال الطرب، بحال نيت عبد الحليم حافظ، لموغني لفرانساوي لأرميني شارل أزناڤور، و لموسيقي سليم الهلالي.

أعمال ديالو

شارك عبدو شريف ف عدد ديال لأحدات لفنية لكبيرة، منها:

• فبراير 1997: مهرجان أوربيت د لأغنية لعربية ف منتدى بيروت (لبنان).
• أبريل 1997: لحفل لختامي ديال مهرجان دبي السينمائي الدولي (لإمارات).
• غشت 1997: لحفل لختامي ديال مهرجان أصيلة (لمغريب).
• ماي 1999: حفل تكريم و تحية ل عبد الحليم حافظ ف دار لؤپيرا الخديوية ف القاهرة (مصر).
• ماي 2002: لإحتفال مهرجان الربيع ف دار لؤپيرا الخديوية ف القاهرة (مصر).
• فبراير 2003: قصيدة «عيد الحب» ف الجناح الملكي ف مركز بيال ف بيروت (لبنان).
• يوليوز 2004: حفل فتيتاح مهرجان القاهرة الدولي لفني (مصر).
• يونيو 2005: حفل فتيتاح مهرجان البحر الأبيض المتوسط ف دار ؤپيرا سيد درويش ف لإسكندرية (مصر).
• مارس 2007: حفل خيري ل صالح الجمعية لمغريبية ديال مكافحة لكونصير ف الدارلبيضا (لمغريب).
• فبراير 2009: ريسيتال ف دار لؤپيرا الخديوية ف القاهرة (مصر).
• يوليوز 2010: حفل تكريم و تحية ل عبد الحليم حافظ ف مهرجان بيت الدين (لبنان).
• يونيو 2012: حفل مشروع باب البحر (دبي - أبو ظبي).
• أكتوبر 2012: حفل فتيتاح جولة 2012 - 2013 الدارلبيضا (لمغريب).
• مارس 2013: حفل تكريم و تحية ل عبد الحليم حافظ. جولة 2012 - 2013 مراكش (لمغريب).
• ماي 2013: لحفل لختامي ديال جولة 2012 - 2013 الدارلبيضا (لمغريب).
• فبراير 2016: حفل لمغريب ف عيد الحب على مسرح ميڭاراما الدارلبيضا (لمغريب).
• نونبر 2016: حفل مهرجان لموسيقى لعربية لخمسة و عشرين ف دار لؤپيرا (حتيفال ب ليوبيل لفضي) (مصر).
• أكتوبر 2017: حفل فتيتاح مهرجان مكناس الدورة الثانية (لمغريب).

تشريفات

• مارس 2004: توشيح ب وسام الصولجان د لفضة على ود التفاني ديالو ف مصلحة لخدمة لإجتماعية (مصر).
• يوليوز 2005: وسام الريباب الدهبي ف مهرجان لفنون الشعبية ف قصر المؤتمرات ف مراكش (لمغريب).

عيون لكلام

هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها.