ويكيپيديا

طيكوك شايع

لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين.
طيكوك شايع
معلومات عامة
سمية لعيلمية Cuculus canorus
(كارولوس لينيوس، 1758)
لخاصية د ترتاب نوع
تابع ل وقواق
حالة د لحماية
مامهددش
UICN22683873
لعيشة
وقيتة لعيشة نهاري
لمناسلة
شحال كايولد ف دقّة 9.2
خصايصو
لكتلة 3.22
117
106
كاياكل حشرات، يسروع، بيض و فرخ
لخواص طبيعية
لخاريطة ديال فين عايش لكائن


طيكوك شايع ولا طيكوك أوراسي (سمية علمية: Cuculus canorus، كوكولوس كانوروس) هو نوع د الطيور عضو ف التنضيمة د طيكوكيات الشكل، لي كاتجمع الطيور الجرايا (roadrunners)، لكروفاݣات (Anis)، و لكوكالات (Coucals).

هاد النوع كايسافر ب شكل عريض ل أوروپا و آسيا ف الصيف، و إفريقيا ف الشتا. و كايتعتابر پارازيط د لعشاش، يعني كايحط بيضو ف لعشاش د نواع د الطيور خرين، ب الضبط برطالات الشوك، پيپيطات لحقول، و هزاجات لقصب. وخا لبيض ديالو كبر من دوك د الطير لمضيّف، لبيضات د الطيكوك الشايع كايشبهو ل لبيضات د الطير لمضيّف على حساب كل نوع من هاد نواع لمضيّفين. لبالغين من الطيكوك الشايع كايقدرو يديرو لميميك (التقليد) د صوات طيور خرين، بحال لباشق؛ لي هو نوع مفتارس، هاد لميميك كايعطي ل النتوا د الطيكوك لوقت باش تحط لبيض بلا ما يتهجم عليها.

لأصل د لكلمة

بدل

السمية لعلمية د هاد النوع مشتقة من لكلمة اللاتينية كوكولوس (Cuculus) لي كاتعني الطيكوكات، و كلمة كانوروس (Canorus) لي كاتعني منغم، مصرفة من لكلمة كانيري (Canere) لي كاتعني غنّى. الطيكوكات خداو السمية الشايعة د لݣنس و لفاميلة ديالهوم ف الداريجة و لوغات خرين ب سباب أونوماطوپيا ديال الصوت د الطيكوك لي كايشبه ل "كوكوو".[1]

الطاكسونوميا

بدل

كاينين ربعة د النواع التحتانيين د هاد الطير ف لعالم:[2]

  • ك.ك.كانوروس - C.c.canorus، النوع التحتاني الساسي، توصف لأول خطرة من عند كارل لينيوس ف الطلقة لعاشرة من كتابو لمعروف النضام الطبيعي - Systema Naturae. موجود من إيرلانضا و غادي على طول سكانديناڤيا، شمال روسيا و سيبيريا ل الجاپون ف الشرق، و من جبال لپيريني حتى ل تركيا، كازاخستان، منݣوليا، شمال الشينوا و كوريا. هاد النويع كايشتوي ف إفريقيا و جنوب آسيا.


  • ك.ك.باكيري - C.c.bakeri، توصف لأول خطرة من عند هاطات ف 1912، كايتجاوج ف غرب الشينوا ل السفوح د جبال لهيمالايا ف شمال لهند، نيپال، ميانمار، شمال غرب الطايلاند و جنوب الشينو. ف جوايه الشتا كايتلقى ف آصام، شرق لبينݣال و جنوب شرق آسيا.


  • ك.ك.بانݣسي - C.c.bangsi، توصف لأول مرة من عند أوبرهولسر ف 1919، هاد النويع كايتجاوج شمال إفريقيا، إيبيريا و ݣزاير لبالياريك، كايدوز الشتا ف إفريقيا.


  • ك.ك.سوبطيليفونوس - C c subtelephonus، توصف لأول مرة من عند زارودني ف 1914، كايتجاوج ف وسط آسيا من توركيستان ل جنوب منݣوليا. كايسافر ل جنوب آسيا و ل إفريقيا باش يدوز الشتا.

لعمر و الديموغرافيا

بدل

وخا النسمة د الطيكوك الشايع ف لعالم كاتبان كاتنزل، باقي مكلاسيفي ب صيفتو نوع مامهددش من عند التيحاد الدولي ل لمحافضة على الطبيعة. كايتقدر بلي لعداد د هاد النوع بين 25 و 100 مليون فرد ف لعالم، و جوايه 12.6 حتى ل 25.8 مليون من هاد الطيور كايتجاوجو ف أوروپا.[3] أطول عمر مشجل د شي طيكوك شايع كان 6 سنين، 11 لشهر، و يوماين ف لمملكة لمتحدة.[4]

لوصف

بدل
 
طيكوك شايع طاير

الطول د الطيكوك الشايع مابين 32–34 سنتيميطر من لمنقار ل لقزيبة، و ب قزيبة طولتها بين 13–15 ل سنتيميطر، و ب عرض د الجنحين بين 55–60 سنتيم.[5] لكراوع عندو قصار.[6] و كسدتو رقيقة و غادية ل الرمادي، و قزيبتو طويلة، و بحال لباشق ف الطيران، عندو ضربات د الجناح منضمين. ف وقيتة موسم لمجاوجة، الطيكوكات الشايعين ف لغالب كايهبطو ل شي عرش ولا عنقود (perch) كايطل برّا الشجرة ب جنحين مدليين و قزيبة مهزوزة.[6] واحد النمط د اللون غادي ل لحمر موجود ف النتوات لبالغات و لاكين دايماً كايكون ف لفراخ.[5] تفتارض بلي هاد اللون تطوور باش يردع الضسارة د الدكور ولا لحْمية (mobbing) د النواع لمضيّفين.[7]

 
طيكوك أوراسي (ك. ك. باكيري) من ملجأ پانݣولاخا د لحياة لبرية ف شرق سيكيم، لهند

ݣاع الدكور رماديين، لقرجوطة عندهم الرمادية مجبّدة حتى ل الصدر ب علمة فاصلة ماضية بين لخطوط د الطراف التحتانيين.[8] لقزحية، الضورة د لعين، الجدر د لمنقار و لكراوع صوفر.[6] النتوات الرماديات لبالغات عندهوم لون وردي فاتح و ضهر فاتح حتى ل لخطوط و الجناب د لعنق، و شي مرّات شي نقطات صغار محمّرين ف الجناوح لبراويين لكبار و لوسطانيين و ف التشبيكات لبرّاويين ف الجناوح التانويين.[8]

النتوات لبالغات ب نمط اللون لي غادي ل لحمر عندهوم طراف فوقانيين ب لقهوي محمّر ب خطوط رماديين ولا كحلين. لخطوط لكوحل د الطراف لفوقانيين ضيّقين على لخطوط لي غاديين ل لحمر، هادشي عكس لفراخ ب نمط اللون لمحمّر، فين لخطوط لكوحل عْرْضْ.[8]

الطياكك الشايعين ف فصل لخريف اللولاني ديالهم كايكون عندهم نمط الريش منوّع. شي وحدين كايكون عندهم طراف فوقانيين ب لقهوي لبندقي ب خطوط مجهدين، ف لوقيتة لي وحدين خرين ب الرمادي، الطيور لي ب اللون لقهوي محمّر عندهم طراف فوقانيين ب خطوط شداد معا شي ريشات، لقمقومة ديالهم ب لبيْض لكريمي. كولّهم عندهم قمقومات ب لبيْض ف الجناوح لبراويين لفوقانيين و الجناوح الرئيسيين. الجناوح التانويين و لبرّاويين لكبار فيهم خطوط ولا نقاط ب لبندقي. ف الربيع، الطيور لي فݣسو ف لعام لفايت يقدر يبقاو عندهم شي خطوط ف الجناوح التانويين و ف لبرّاويين.[8] أوضح خصايل كايئيدونتيفييو فراخ الطيكوك الشايع هوما الطّاشات لبيضين لي ف لقفا و لحواشي لبيضين د الريش.[6]

الطياكك الشايعين كاينسالخو (Moulting) جوج خطرات ف لعام: نسيلاخ جوزئي ف الصيف و نسيلاخ كامل ف الشتا.[8] الدكور كايوزنو جوايه 130 ݣرام و النتوات جوايه 110 ݣرام.[9] الطيكوك الشايع كايبان بزاف بحال الطيكوك الشرقي (Oriental cuckoo)، لي جناوحو قصر ب شوية ف لمتوسط.[8] هاد التشابيهات كايتجبدو حتى ف نماط اللون لمحمّرين، لي حتى هوما حاضرين ف الطياكك الشرقيين. لحضور د نماط اللون لمحمّرين يقدر بزاف يكون من الجدود لقدام د هاد النواع د الطياكك ب جوج.[7]

لميميك عند لبالغين

بدل
 
طيكوك بالغ (لفوق) كايميميكي لباشق لأوراسي، هادشي لي كايعطي ل النتوا لوقت باش تحط لبيض ب شكل پارازيطي

الطراف التحتانيين لمخططين ديال الطيكوك الشايع كايشبهو ل دوك لي عند طير لباشق لأوراسي، لي هو مفتارس ديال الطيور لبالغين. واحد الديراسة لي كاتقارن الستيجابات د هزاجات لقصب، لي هو طير مضيّف د فراخ الطيكوك، و لي كاتّلاعب ب واحد لموضيل د تحنيط الطياكك و طيور لباشق، لقات بلي هزاجات لقصب كانو عنيفين كتر معا الطيكوكات ب طراف تحتانيين ماواضحينش، هادشي كايلمّح بلي التشابيه معا لباشق ف لغالب كايعاون الطيكوك يوصل ل لعش د شي مضيّف محتامل.[10] طيور صغار خرين، كيف لحدّادات لكبار و لحدادات الزورق، وراو واحد لحالة من لخلعة و تجنبو يمشيو ياكلو ف لوقيتة منين شافو يا طيور لباشق يا الطيكوكات؛ هادشي كايعني بلي شكل الطيكوك لي كايشبه ل لباشق و الصقور لخرين كايتوضّف كا ميميك د لحماية، يا على ود باش ينقص لهجمات د الصقور ولا باش يخلّي تبرزيط لعشاش ديالو سهل.[11]

لمضيّفين كايهجمو كتر على الطياكك منين كايشوفو الجيران كايتحاماو عليهوم.[12] لوجود ديال الجوج نماط د الريش ف النتوات واقيلا كاين ب سباب لعزيلة على حساب التردود - frequency-dependant selection يلا كانت لمعلومة كاتطبق غير على نماط اللون لي شافوهوم لمضيّفين و هوما محاميين عليهوم من الطيور الجيران. ف واحد التجريبة تصايبات ب طيكوكات د بلعاني من ݣاع نماط اللون و واحد لباشق، هزاجات لقصب ف لغالب كانو كايهجمو على نماط اللون د الطيكوك كتر من لباشق، و وكانو كتر كايتحاماو على شي نمط د اللون ديال شي طيكوك فلاني منين كايشوفو الطيور الجيران كايتحاماو على هاد النمط اللوني، هادشي كايقلل على هاد نمط اللوني النجاح ف لمناسلة و ف التالي كاتبقى ليه غير عزيلة نمط اللون لي شايع قل.[12]

الصوت و لمغازلة

بدل
صوت الطيكوك الشايع، موخود من فونطان لو كونط، فرانسا

لغنّاية د الدكر، "ݣوو-كو"، كاتطلق ف لعادة من شي عرش برّاوي ف الشجرة. ف وقيتة موسم لملاقية الدكر ف لعادة كايطلق صوات ب تقطاعات ب 1–1.5 تانية، ف ݣروپات فيهم 10–20، معا ستيراحة ل شي تواني بينات لݣروپات. النتوا عندها واحد لعيطة مجهدة كيف لبواقة.[5] لغناية كاتبدا كا طون صغيرة غادة و كاتهبط ف لبدية د لعام ف أبريل، و ماحد لموسم غادي و التقطاع كايولي يعراض، حتى ل الطون التالتة و الرابعة لكبار، و ف يونيو الطيكوك "كاينسى الطونات ديالو" - "Tunes" و يقدر يطلق عيطات خرين بحال التقطاعات لي غاديين و كايطلعو. الجناوح كايتدلاو منين الطير كايعيط ب جهد، و منين الدكر كايكون قريب ل شي نتوا محتاملة، دايماً كايبدا يفرفر قزيبتو من جنب ل جنب ولا كايعوّج كسدتو من جنب ل جنب.[13]

التوزيع و لموؤل

بدل

ف لأصل طير د لأراضي لمحلولين، الطيكوك الشايع مهاجر صيفي كايكون منتاشر ب شكل عريض ف أوروپا و آسيا وشمال إفريقيا، و كايدوز الشتا ف إفريقيا. الطيور كايوصلو ل أوروپا ف أبريل و كايمشيو منها ف شتنبر.[6] الطيكوك الشايع بان عاوتاني كا نوع موضّر ف لبارباضوس، ميريكان، ݣرينادلاند، إندونيسيا، پالاو، سيشيل، طايوان و الشينوا.[14] بينات 1995 و 2015، التوزيع ديال الطيكوكات وسط لمملكة لمتحدة تكبّ ل الشمال، ب نقصان د 69٪ ف النݣليز و لايني زيادة د 33٪ ف سكوتلانضا.[15]

السلوك

بدل

لماكلة و التقاوت

بدل

الريجيم د الطياكك الشايعين مكوّن من لبخوش، بحال ليرقات لمشعرين، لي مداقهوم مرّ ل بزاف د الطيور، هادشي كايخلّيه مختص ف هاد النوع.[16] شي مرّات عاوتاني كاياكلو لبيض و لفراخ.[17]

لمجاوجة

بدل
 
هزاج لقصب لأوراسي كايربّي فرخ د الطيكوك الشايع

الطيكوك الشايع كايتعتابر پارازيط ب السيف؛ كايحط بيضاتو ف عشاش ديال طيور خرين. لبيضات لمفقوسين د الطيكوك يقدرو يدفعو بيضات د لمضيّف برا لعش ولا يقدرو يترباو معا لفراخ ديال لمضيّف.[18] النتوا تقدر تزور حتى ل 50 عش ف وقيتة موسم لمجاوجة. هاد النوع كايتجاوج لأول خطرة ف عمر عاماين.[9]

لميميك د لبيض

بدل

كتر من 100 نوع مضيّف فايت تسجل: پيپيت لحقول، برطال الشوك و هزاج لقصب من أكتر لمضيّفين الشايعين ف شمال أوروپا؛ هزاج الجردة، پيپيت لحقول، هزاز لقزيبة لبيض (لمبرقع) و حمرة الصدر لأوروپي ف أوروپا لوسطانية؛ الجاوج د الجبل (brambling) و حمريطة الشايع (common redstart)ف فينلانضا؛ و هزاج لقصب لكبير ف هنݣاريا.[5]

النتوات د الطيكوك الشايع مقسمين ل سلالات د النواع لمضيّفين (Gentes) – ݣروپات د النتوات كايخيّرو ب الضبط شي عش د شي نوع مضيّف فلاني و كايحطو بيضات كايشبهو ل لبيضات د النوع لمضيّف لفلاني ف اللون و النمط. واحد الدليل من التحاليل على لا دي إن لميطوكندري ورى بلي كل سلالة د نواع لمضيّفين من الطياكك يقدر يكون عندها أصول مبدلين و مساتقلين ب سباب التبرزيط (Parasitism) على شي مضيّفين مضبوطين من عند جدود مبدلين.[19] واحد لفرضية مرتابطة ب لوراتة ديال لميميك د مضهر لبيضة هي بلي هاد لخصلة كاتورّت غير من عند النتوا، هادشي كايعطي بلي هاد لخصلة كاتتهز ف لكروموزوم W لي كايضبط الجنس (النتوات كايكونو WZ و الدكور ZZ). واحد التحليل جيني د سلالات النواع لمضيّفين من الطياكك كايدعم هاد لموقتاراح ب لقيان تنواعات زايدين ف لا دي إن لميطوكندري، و لاكين ماشي ف لا دي إن لميكروساطيليتي.[19] لموقتاراح الجاوج على لوراتة د هاد لخصلة هو الجينات لي كايكونطروليو لخصايل د لبيضة كايتهزو من لأوطوزومات ف بلاصة مايتهزو غير ف لكروموزمات W. واحد التحليل الجيني آخر ديال سلالات النواع لمضيّفين من الطياكك لي متعايشين معا بعضياتهوم (Sympatric) كايدعم لموقتاراح الجاوج د لقيان تنواعات زايدين ف لا دي إن لميكروساطيليتي و لميطوكوندري ب جوج بيهوم.[20] يلا خدينا ف لبال لميلان د الطيكوك الشايع ف لمجاوجة معا بزاف د النتوات و لولادة ديال فراخ كايترباو ف لعش د كتر من نوع مضيّف واحد، كايبان بلي الدكور ما كايعاونوش ف ف لمحافضة على سلالات النواع لمضيّفين (Gentes) د الطياكك الشايعين.[20] و عليها، الدكور و النتوات د الطيكوك الشايع ب جوج بيهوم يقدرو يعاونو ف لمحافضة على لميميك لمتعدد النماط د لبيضة [19][20] تقشع بلي غالبية النواع د الطياكك اللاپارازيطيين كايحطو بيضات بويض، بحال لغالبية د الطيور لي ماشي من عصفوريات الشكل ب ستيتناء الطيور لي كايعششو ف لرض.

 
ربعة د لمجموعات د بيضات هزاج لقصب، كل مجموعة فيها بيضة وحدة (لكبيرة) د الطيكوك الشايع
 
جوج بيضات د الطيكوك الشايع (ك. ك. كانوروس) - (ف ليسر) ب لموقارنة معا بيضات هزاج لقصب لكبير (آكروسيفالوس آرونديناسيوس)
 
بيضة الطيكوك الشايع (كوكولوس كانوروس پانݣسي) - (ف ليسر) ب لموقارنة معا بيضات حمريطة موسيِيه (فينيكوروس موسييري)

مادام الطيكوك الشايع تطوور باش يحط لبيض لي كايقلد لبيض د لمضيّف، النوع لمضيّف حتى هو تآضاپطا و ولا قادر باش يفرّز لبيضة د الطيكوك. واحد الديراسة ديال 248 طيكوك شايع و بيضات د لمضيّف بيّنات بلي النتوات د الطيكوك لي برزطو لعشاش د طير حمريطة الشايع (Common redstart) حطو بيضات لي واتاو حسن من الطيكوكات لخرين لي ستهدفو لعش د برطال الشوك. التاسپيكتريت تخدمات باش ترسم كيفاش النواع لمضيّفين شافو بيضات الطيكوك. الطياكك لي ستهدفو عشاش برطال الشوك حطو بيضات بويض، و بيضات قهويين منقطين، عكس برطال الشوك لي عندو بيضات زورق. لفرضية كاتلمح بلي طيور لحمريطة الشايعين تبرزطو من الطياكك الشايعين لوقت طؤل، و عليها تطوورو حسن من براطل الشوك ف قشيع لبيضات د الطيكوك. الطيكوك، معا لوقت، ولى محتاج يطوور بيضات مّيميكيين ب شكل مضبوط باش يفلحو ف تبرزيط لحمريطة. على لعكس، الطياكك ماكايبانش بلي جربو شي ضغط تطووري باش يطوورو بيضات لي كاتميميكي ب شكل قريب دوك د براطل الشوك، و براطل الشوك ماكايبانش بلي هوما قادرين باش يفرّزو بينات لبيضات د الجوج نواع، وخا اللوان ديالهوم مبدلين بزاف. حيتاش طير الشوك ماقادرش يفرّز بينات لبيض، كايتلمّح بلي ما دوزوش التبرزيط ل شي وقت طويل بزاف، و باقيين ما طووروش شي دفاعات ضد هادشي، عكس لحمريطة.[21]

ديراسات تدارو على عشاش هزاج لقصب لكبير ف هنݣاريا لوسطانية، وراو واحد التردود "زايد ب شكل ماشي عادي" د التبرزيط (پارازيتيزم) د الطيكوك الشايع، ب 64٪ من لعشاش تبرزطو. ف هاد لعشاش لي ستهدفوهم الطياكك، 64٪ منهم كان فيهم بيضة وحدة د الطيكوك، 23٪ فيهم جوج، 10٪ فيهم تلاتة و 3٪ فيهم ربعة د بيضات الطيكوك الشايع. ف الطوطال، 58٪ د بيضات الطيكوك الشايع تحطو ف عشاش لي تبرزطو ل بزاف د لمرّات. منين كايحطو بيضات ف عشاش لي تبرزطو أصلاً، النتوات د الطيكوك كايحيّدو شي بيضة علّاه، هادشي كايبين بلي ماكيديروش لحݣرة بينات لبيضات د هزاجات لقصب معا دوك د الطياكك لخرين.[22]

تلقى بلي لعشاش لقراب من لعروشا د الطيكوك، كانو هوما لمحسوسين كتر: شلاّ عشاش تبرزطو كانو قرب لنقاط لحضية (Vantage)، و لعشاش لي ما تبرزطوش كانو بعاد. تقريباً ݣاع لعشاش لي كانو قراب ل نقاط لحضية وقع ليهوم التبرزيط. لعشاش لي كانو كايبانو واضحين كتر، كان ف لغالب كايعزلهوم الطيكوك الشايع. النتوات د الطيكوك كايخدّمو نقاط لحضية ديالهوم باش يحضيو شي مضيّف محتامل و باش تجيهوم ساهلة يلقاو لعشاش ف لوقيتة لي غايحطو لبيض،[23] وخا هاكداك، الديراسات كاتبين بلي عيطة لالارم ديال لمضيّف تقدر حتى هي تلعب دور موهيم ف لوقيتة د التقلاب على لعشاش.[24]

تنوعات الستيجابات د هزاجات لقصب لكبار على لبيضات د الطيكوك الشايع: 66٪ قبلو ب لبيض؛ 12٪ سيّبوهم؛ 20٪ خلّاو لعش ف خطرة؛ 2٪ دفنو لبيض. 28٪ من بيضات الطيكوك توصفو "متقونين" ف لميميك ديالهوم ل بيضات لمضيّف، و لهزاجات ماقبلوش ب لبيضات د الطيكوك لي "مامتقونينش" ف غالبية لوقات. الدوݣري د لميميك خلات صعيبة على هزاجات لقصب و حتى بنادم يميّزو بينات لبيضات.[22]

لقياس د لبيضة 22 × 16 لميليميطر و كاتوزن 3.2 ݣرام، 7٪ منها قشرة.[9] لباحتين وراو بلي النتوا د الطيكوك الشايع قادرة تخلي لبيضة ف كسدتها ل 24 ساعة إكسطرا قبل ماتحطها ف عش لمضيّف. هادشي كايعني بلي لفرخ د الطيكوك يقدر يفقس قبل من لفراخ د لمضيّف، و يقدر يسيّب لبيضات لي مامفقوسينش من لعش. عولاما حضنو بيضات د الطيكوك الشايع ل 24 ساعة ف نفس حرارة د كسدة الطير لي هي 40 سيلسيوس، و فحصو لأجنّة، لي لقاوهوم "ف ضروف حسن" من النواع لخرين لي تفحصو. لفكرة ديال 'لحضانة الدخلانية' تحطات لأول مرة ف 1802 و الجامعين د لبيض من لقرن 18 و 19 قالو بلي من لي لقاو لأجنة د الطيكوك ف ضروف حسن من دوك ديال النواع لمضيّفين.[25]

واحد الديراسة خدمات التصوير لفوطوݣرافي و التاسپيكتريت معا واحد لموقاربة تحليلية أوطوماتيكية باش يحللو بيضات الطيكوك و باش يتوقعو لهوية د نتوات الطير على حساب الشكل د بيضتهوم ورات بلي النتوات د الطيكوك لفرّاديات (Individual) حطو بيضات ب شكل مشابه، و لبيضات لي تحطو من النتوات لمباعدين جينيا مبدلين كتر ف اللون.[26]

هادي ليستة كاملة على النواع لمضيّفين د الطيور لي كايطرا ليهم تبرزيط من الطيكوك الشايع، ديال د. نوميروڤ (2003)؛ السميات ديال الطيور لي تلقاو ف عشاشهم بيضات و فراخ د الطيكوك كتر من 10 د لخطرات (مكتوبين ب لون غلض).[27]

  1. هزاج الشجر صفر لكرش (Abroscopus superciliaris)
  2. لينوط شايع (Acanthis cannabina)
  3. كاماتشو(Acanthis flammea)
  4. هزاج حقول الروز (Acrocephalus agricola)
  5. هزاج بو موسطاش (Acrocephalus melanopogon)
  6. هزاج لقصب كبير (Acrocephalus arundinaceus)
  7. هزاج لقصب كحل لحجبان (Acrocephalus bistriqiceps))
  8. هزاج لقصب د بلايث (Acrocephalus dumetorum)
  9. هزاج لما (Acrocephalus paludicola)
  10. هزاج لݣلتات لحادرين (Acrocephalus palustris)
  11. هزاج التارة (Acrocephalus schoenobaenus)
  12. هزاج لقصب أوراسي (Acrocephalus scirpaceus)
  13. هزاج لقصب غوّات (Acrocephalus stentoreus)
  14. مخطط الجناح بو جبهة مصدية (Actinodura eqertoni)
  15. حداد طويل لقزيبة (aegithalos caudatus)
  16. قوبع أوراسي (Alauda arvensis)
  17. فولڤيطا قهوية (Alcippe brunnea)
  18. فولڤيطا كستناوية الجناح (Alcippe castaneceps)
  19. فولڤيطا صفرة لحلق (Alcippe cinerea)
  20. فولڤيطا نيپالية (Alcippe nipalensis)
  21. فولڤيطا قهوية لحنك (Alcippe poioicephala)
  22. پيپيت الصحرا (Anthus campestris)
  23. پيپيت حمر لحلق (Anthus cervinus)
  24. پيپيت د بلايث (Anthus godlewskii)
  25. پيپيت زيتي الضهر (Anthus hodgsoni)
  26. پيپيت نيوزيلانضي (Anthus novaeseelandiae)
  27. پيپيت لحقول (Anthus pratensis)
  28. پيپيت وردي (Anthus roseatus)
  29. پيپيت صفر لكرش (Anthus rubescens)
  30. پيپيت لما (Anthus spinoletta)
  31. پيپيت المرتفعات (Anthus Sylvanus)
  32. پيپيت الشجر (Anthus trivialis)
  33. صياد الرتيلا الصغير (Arachnothera longirostris)
  34. صياد الرتيلا بمخطط (Arachnothera magna)
  35. قصير الجناح لݣليول (Brachypteryx leucophrys)
  36. قصير الجناح د جاڤا (Brachypteryx Montana)
  37. قوبع بو طربوش حمر (Calandrella cinerea)
  38. لونݣسپور د اللاپلاند (Calcarius Lapponicus)
  39. كاردويليس كانيسيپس (Carduelis caniceps)
  40. موقنين شايع (Carduelis Carduelis)
  41. جوييش صفر لمنقار (Carduelis flavirostris)
  42. جاوج حمر شايع (Carpodacus erythrinus)
  43. جاوج حمر د پالاص (Carpodacus roseus)
  44. دابة الشجر قصيرة الصبع (Certhia brachydactyla)
  45. دابة الشجر أوراسية (Certhia familiaris)
  46. هزاج د سيتي (Cettia Cetti)
  47. هزاج الشجيرات بو كبوط قهوي (Cettia fortipes)
  48. دخلة كستناوية لقزيبة (Cercotrichas qalactotes)
  49. خضري شايع Chloris Chloris)
  50. خضري بو طربوش رمادي (Chloris sinica)
  51. طير لورق دهبي الجبهة (Chloropsis aurifrons)
  52. طير لورق ليموني لكرش (Chloropsis hardwickii)
  53. غرّاف قهوي Cinclus pallasii)
  54. سيستيكولا بو بتور (Cisticola juncidis)
  55. سيستيكولا دهبي الراس (Cisticola exilis)
  56. جوييش زيتي كبير لمنقار (Coccothraustes (coccothraustes
  57. كوتشووا حجري (Cochoa purpurea)
  58. كوتشووا خضر (Cochoa virdis)
  59. شاما بيض لقاع (Copsychus malabaricus)
  60. عقعق مو حنا شرقي (Copsychus saularis)
  61. عتريس كحل الجناح (Coracina melaschistos)
  62. خطاف الدبان رمادي الرأس (Culicicapa ceylonensis)
  63. عقعق لازوردي الجناح (Cyanopica cyanus)
  64. خطاف الدبان زرق (Cyanoptila cyanomelana)
  65. خطاف الدبان زرق بو حلق زرق (Cyornis rubeculoides)
  66. خطايفة الدار شايعة (Delichon urbica)
  67. ضرونݣو برونزي (Dicrurus aeneus)
  68. ضرونݣو مرمد (Dicrurus leucophaeus)
  69. تيبيبط صفر الصدر (Emberiza aureola)
  70. تيبيبط حمر الراس (Emberiza bruniceps)
  71. تيبيبط لݣمح (Emberiza calandra)
  72. تيبيبط صفر لحجبان (Emberiza chrysophrys)
  73. تيبيبط الصخر (Emberiza CIA)
  74. تيبيبط لحقول (Emberiza cioides)
  75. تيبيبط سيرل (Emberiza cirlus)
  76. تيبيبط صفر (Emberiza citrinella)
  77. تيبيبط صفر لحلق (Emberiza elegans)
  78. تيبيبط كستناوي لودنين (Emberiza fucata)
  79. تيبيبط جارديني (Emberiza hortulana)
  80. إمبيريزا إكطيريكا (Emberiza icterica)
  81. تيبيبط كحل الراس (Emberiza melanocephala)
  82. تيبيبط صغير (Emberiza pusilla)
  83. تيبيبط مصدي (Emberiza rustica)
  84. تيبيبط كستناوي (Emberiza rutila)
  85. تيبيبط لغابة الشايع (Emberiza schoeniclus)
  86. تيبيبط كحل لوجه (Emberiza spodocephala)
  87. تيبيبط د تريسطرام (Emberiza tristami)
  88. قزيبة لفورشيطة كحل الضهر (Enicurus immaculatus)
  89. قزيبة لفورشيطة منقط (Enicurus maculatus)
  90. قزيبة لفورشيطة رمادي الضهر (Enicurus schistaceus)
  91. حمرة الصدر/مو حنا شايع (Erithacus rubecula)
  92. قوبع بو ݣرون (Eremophila alpestris)
  93. جوييش جاپوني كبير لمنقار (Eophona personata)
  94. خطاف الدبان رمادي الضهر (Ficedula hodgsonii)
  95. خطاف الدبان أرورپي منقط (Ficedula hypoleuca)
  96. خطاف الدبان النرجس (Ficedula narcissina)
  97. خطاف الدبان حمر الصدر (Ficedula parva)
  98. خطاف الدبان لبلومارين (Ficedula supercialis)
  99. خطاف الدبان زرق رمادي (Ficedula tricolor)
  100. جوييش أوراسي شايع (Fringilla coelebs)
  101. جوييش الجبل (Fringilla montifringilla)
  102. قوبع بو عرف (Galerida cristata)
  103. سمنة ضاحكة مخططة (Garrulax lineatus)
  104. يطروك مرمد (Hemixos flavala)
  105. سيبيا حمرانية الضهر (Heterophasia annectans)
  106. سيبيا رمادية (Heterophasia gracilis)
  107. هزاج مصبّط (Iduna caligata)
  108. هزاج صفريط (Hippolais icterina)
  109. هزاج الزيتون شرقي (Hippolais pallida)
  110. هزاج نغايمي (Hippolais polyglotta)
  111. هزاج د سايكس (Iduna rama)
  112. خطايفة د لخزين (Hirundo rustica)
  113. خطاف الدبان زرق بو قرفادة كحلة (Hypothimis azurea)
  114. يطروك ملغاشي (Hypsipetes madagascariensis)
  115. يطروك الجبل (Ixos mcclellandi)
  116. حمريطة بيض لكرش (Luscinia phoenicuroides)
  117. صرد معكّس (Lanius bucephalus)
  118. صرد حمر الضهر (Lanius collurio)
  119. صرد قهوي (Lanius cristatus)
  120. صرد رمادي كبير (Lanius excubitor)
  121. صرد رمادي صغير (Lanius minor)
  122. صرد طويل لقزيبة (Lanius schach)
  123. صرد حمر لݣنة (Lanius senator)
  124. صرد ببري (Lanius Tigrinus)
  125. ميسييا فضي لودنين (Leiothrix argentarius)
  126. سمنة ضاحكة حمرة لمنقار (Leiothrix lutea)
  127. هزاج حدادي بيض لحجبان (Leptopoecile sophiae)
  128. سمنة ضاحكة حمرة لوجه (Liocichla Phoenicia)
  129. وكال الجراد د لواد (Locustella fluviatilis)
  130. وكال الجراد د ساڤي (Locustella luscinioides)
  131. وكال الجراد قهوي د الشجيرات (Locustella luteoventris)
  132. وكال الجراد شايع (Locustella naevia)
  133. وكال الجراد د ميديندوغف (Locustella ochotensis)
  134. قوبع لغابة (Luscinia arborea)
  135. مو حنا زرقا هندية (Luscinia brunnea)
  136. ياقوتي لحلق سيبيري (Calliope calliope)
  137. مو حنا زرقا سيبيرية (Luscinia cyane)
  138. حسنية سمنية (Luscinia luscinia)
  139. حسنية شايعة (Luscinia megarhynchos)
  140. ياقوتي لحلق د لهيمالايا (Luscinia pectoralis)
  141. زرق لحلق (Luscinia svecica)
  142. ترتار حدادي مشرّط (Macronous gularis)
  143. طير الربيع مشرّط (Megalurus palustris)
  144. مينلا زرقة الجنحين (Minla cyanouroptera)
  145. سمنة الصخر مو طربوش زرق (Monticola cinclorhyncha)
  146. مونتيكولا إيريثروكاصطرا (Monticola erythrogastra)
  147. سمنة الصخر بيضة لحلق (Monticola gularis)
  148. سمنة الصخر كستناوية لكرش (Monticola rufiventris)
  149. سمنة الصخر شايعة (Monticola saxatilis)
  150. سمنة الصخر زرقا (Monticola solitarius)
  151. هزاز لقزيبة بيض (Motacilla alba)
  152. هزاز لقزيبة رمادي (Motacilla cinerea)
  153. هزاز لقزيبة سيطروني (Motacilla citreola)
  154. هزاز لقزيبة صفر غربي (Motacilla flava)
  155. هزاز لقزيبة جاپوني (Motacilla grandis)
  156. خطاف الدبان قهوي الصدر (Muscicapa muttui)
  157. خطاف الدبان منقط (Muscicapa striata)
  158. خطاف الدبان زرق مخضر (Eumyias thalassinus)
  159. كبير لمنقار بيض الجنحين (Mycerobas carnipes)
  160. سمنة صفارة زرقا (Myophonus caeruleus)
  161. ترتار نمنمي مخطط (Napothera brevicaudata)
  162. ترتار نمنمي بو حجبان (Napothera epilepidota)
  163. نيلطاڤا كبيرة (Niltava grandis)
  164. نيلطاڤا صغيرة (Niltava macrogrigoriae)
  165. نيلطاڤا حمرانية لكرش (Niltava sundara)
  166. بلق غربي كحل لودنين (Oenanthe hispanica)
  167. بلق شهب (Oenanthe isabellina)
  168. بلق شمالي (Oenanthe oenanthe)
  169. بلق مبرقع (Oenanthe pleschanka)
  170. أوريول دهبي أوراسي (Oriolus oriolus)
  171. خياط غالق لعنق (Orthomus atrogularis)
  172. خياط شايع (Orthomus sutorius)
  173. حداد بو موسطاش (Panurus biarmicus)
  174. منقار لپاپاغيو كحل الصدر (Paradoxornis flavirostris)
  175. منقار لپاپاغيو خمري لحلق (Sinosuthora webbiana)
  176. حداد زرق أوراسي (Cyanistes caeruleus)
  177. حداد كبير (Parus major)
  178. حداد صفر لحناك (Parus spilonotus)
  179. جاوج د الدار (Passer domesticus)
  180. جاوج صبليوني (Passer hispaniolensis)
  181. جاوج الشجر أوراسي (Passer montanus)
  182. جاوج صهب (Passer rutilans)
  183. ترتار منقط لحلق (Pellorneum albiventre)
  184. ترتار ليموني الصدر (Pellorneum tickelii)
  185. ترتار منفوخ لحلق (Pellorneum ruficeps)
  186. مينيڤيط رمادية لݣادومة (Pericrocotus solaris)
  187. حمريطة شرقي (Phoenicurus auroreus)
  188. حمريطة حمراني الضهر Phoenicurus erythronotus)
  189. حمريطة زرق الجبهة (Phoenicurus frontalis)
  190. حمريطة لما رمادي مزرقط (Phoenicurus fuliginosus)
  191. حمريطة مغريبي (Phoenicurus moussieri)
  192. حمريطة كحل (Phoenicurus ochruros)
  193. حمريطة شايع (Phoenicurus phoenicurus
  194. هزاج غليض لمنقار (Phragamticola aedon)
  195. هزاج بونيلي غربي (Phylloscopus bonelli)
  196. هزاج قطبي (Phylloscopus borealis)
  197. هزاج صفر غناي (Phylloscopus cantator)
  198. شفشاف شايع (Phylloscopus collybita)
  199. هزاج كبريتي لكرش (Phylloscopus griseolus)
  200. هزاج صفر لحجبان (Phylloscopus inornatus)
  201. هزاج لوراق د پالاس (Phylloscopus proregulus)
  202. هزاج لورق د بلايث (Phylloscopus reguloides)
  203. هزاج لخشب (Phylloscopus sibilatrix)
  204. هزاج د رادي (Phylloscopus schwarzi)
  205. هزاج الصفصاف (Phylloscopus trochilus)
  206. عقعق أوراسي (Pica pica)
  207. جناح لكاس مقشر الصدر (Pnoepyga albiventer)
  208. جناح لكاس قزم (Pnoepyga pusilla)
  209. ترتار حدب مصدي لحناك (Pomatorhinus erythrogenys)
  210. ترتار حدب بو تاج كحل (Pomatorhinus ferruginosus)
  211. ترتار حدب مخطط الصدر (Pomatorhinus ruficollis)
  212. ترتار حدب بيض لحجبان (Pomatorhinus schisticeps)
  213. پرينيا كحلة لحلق (Prinia atrogularis)
  214. پرينيا لهيمالايا (Prinia crinigera)
  215. پرينيا صفرة لكرش (Prinia flaviventris)
  216. پرينيا رشيقة (Prinia gracilis)
  217. پرينيا محمرة (Prinia rufescens)
  218. پرينيا قهوية الضهر (Prinia subflava)
  219. برطال الشوك كحل لحلق (Prunella atrogularis)
  220. برطال الشوك الصنوبري (Prunella collaris)
  221. برطال الشوك قهوي (Prunella fulvescens)
  222. برطال الشوك شايع (Prunella modularis)
  223. برطال الشوك مو حنا (Prunella rubeculoides)
  224. برطال الشوك حمراني الصدر (Prunella strophiata)
  225. ترتار سمني زغرات (Pteruthius aenobarbus)
  226. يطروك حمر لقاع (Pycnonotus cafer)
  227. يطروك صفريط (Pycnonotus flavescens)
  228. يطروك لهيمالايا (Pycnonotus leucogenys)
  229. يطروك بو طربوش كحل (Pycnonotus melanicterus)
  230. دغناش أوراسي (Pyrrhula pyrrhula)
  231. بو عرف دهبي (Regulus regulus)
  232. فرفار لقزيبة بيض لحلق (Rhipidura albicollis)
  233. فرفار لقزيبة بيض لحجبان (Rhipidura aureola)
  234. جوييش الصحرا (Rhodospiza obsoleta)
  235. ترتار نمنمي طويل لمنقار (Rimator malacoptilus)
  236. قليعي مبرقع د الشجيرات (Saxicola caprata)
  237. قليعي رمادي د الشجيرات (Saxicola ferrea)
  238. قليعي بيض لقزيبة (Saxicola leucurus)
  239. قليعي الصخر صغير (Saxicola rubetra)
  240. قليعي سيبيري (Saxicola maurus)
  241. نمنم الشجر مخطط (Scotocerca inquieta)
  242. هزاج بو تاج خضر (Seicercus burkii)
  243. هزاج بو تاج كستناوي (Seicercus castaniceps)
  244. هزاج بو قناع رمادي (Phylloscopus xanthoschistos)
  245. كانار سيبيري (Serinus canaria)
  246. سيرين/كانار حمر الجبهة (Serinus pusillus)
  247. هراس لݣوز هندي (Sitta castanea)
  248. هراس لݣوز رطب الجبهة (Sitta frontalis)
  249. هزاج نمنمي ليموني الصدر (Spelaeornis longicaudatus)
  250. جوييش الشوك أوراسي (Spinus spinus)
  251. يطروك بو عرف (Spizixos canifrons)
  252. ترتار رمادي لحلق (Stachyris nigriceps)
  253. ترتار حمراني الجبهة (Stachyris rufifrons)
  254. زرزور شايع (Sturnus vulgaris)
  255. بو طربوش أوراسي (Sylvia atricapilla)
  256. هزاج دهبي (Sylvia borin)
  257. هزاج لبلقان (Sylvia cantillans)
  258. بيض لحلق شايع (Sylvia communis)
  259. هزاج بو مضاضر (Sylvia conspicillata)
  260. بيض لحلق صغير (Sylvia corruca)
  261. هزاج طريسطرام (Sylvia deseticola)
  262. هزاج أورفيوس غربي (Sylvia hortensis)
  263. هزاج كحل الراس (Sylvia melanocephala)
  264. هزاج مشرط (Sylvia nisoria)
  265. هزاج مموّج (Sylvia undata)
  266. خطاف الدبان فردوسي هندي (Terpsiphone paradisi)
  267. طيسيا رمادية لكرش (Tesia cyaniventer)
  268. ترتار كستناوي الطربوش (Timalia pileata)
  269. سمنة ضاحكة قهوية الطربوش (trochalopteron austeni)
  270. سمنة ضاحكة شاعلة (Trochalopteron virgatum)
  271. نمنم أوراسي (Troglodytes troglodytes)
  272. سمنة جاپونية (Turdus cardis)
  273. سمنة كحلة الصدر (Turdus dissimilis)
  274. سمنة حمرة الجنحين (Turdus iliacus)
  275. جحمومية شايعة (Turdus merula)
  276. سمنة مو حجبان (Turdus obscurus)
  277. سمنة غناية (Turdus philomelos)
  278. أجيرة لحقول (Turdus pilaris)
  279. سمنة مو سنسلة (Turdus torquatus)
  280. سمنة وحدانية اللون (Turdus unicolor)
  281. سمنة الدبق (Turdus viscivorus)
  282. جوييش مسكي طويل لقزيبة سيبيري (Uragus sibiricus)
  283. هزاج الشجيرات باهت الرجلين (Urosphena pallidipes)
  284. يوهينا مو شوارب (Yuhina flavicolis)
  285. يوهينا حمرانية لكرش (Yuhina occipitalis)
  286. سمنة ليمونية الراس (Geokichla citrina)
  287. سمنة غالقة الجناب (Zoothera marginata)
  288. سمنة طويلة لمنقار (Zoothera monticola)
  289. بيض لعينين هندي (Zosterops palpebrosa)

لفراخ

بدل
 
فرخ ديال الطيكوك الشايع ف عش د پيپيت الشجر

لفراخ كايفقسو من بعد 11–13 ليوم.[9] و كايكونو عريانين و مامكمولينش. هاد لفراخ د الطيكوك كايسيّبو ب شكل منهاجي ݣاع التفريخات د لمضيّف من وسط لعش د لمضيّف. و كايكونو كبر ب زايد من لمضيّفين ديالهوم، و كايخصهوم يهرفو على لماكلة لي كاتجيهوم من لوالدين. لفرخ د هاد النوع كايزاوط لبيضات لخرين برّا لعش ب دفيعهوم ب اللور ديالو من لحاشية د لعش. يلا لبيضة د لمضيّف فقسات قبل من الطيكوك، لفرخ د الطيكوك كايولي يدفع لفراخ لخرين برا لعش ب نفس الطريقة. ف 14 ليوم، فرخ الطيكوك الشايع كايولي لقد ديالو تلاتة د لمرات كبر من شي هزاج لقصب بالغ.

الضارورة د الطياكك ل هاد السلوك د الطريد باقية ما واضحاش. واحد لفرضية هي لمنافسة معا لفراخ د لمضيّف كاتودي ل نقصان ف لوزن ديال فرخ الطيكوك، و هادشي لي كايحط واحد الضغط عزيلي (Selective pressure) ل السلوك د الطريد. واحد التحليل ديال كمية لماكلة لمعطية من لوالدين لمضيّفين ل فراخ الطيكوك ف لحضور و لغياب د خوت مضيّفين، ورى بلي منين فراخ الطيكوك كايتنافسو ضد لخوت لمضيّفين، ما كاتبقاش ليهوم ماكلة كافية، و هادشي كايخليهوم ݣاعما قادرين على لمنافسة.[28] الضغط لعزيلي ل السلوك الطرد يقدر يكون جاي من نقصان السينيالات الشوفيين (Visual signals) الصحاح ديال طليب لماكلة عند فراخ الطيكوك، حيتاش لمضيّفين كايفرّقو لماكلة على لمعششين ب شكل مساوي، ولا يقدر يكون جاي منين لمضيّف كايعيق ب لپارازيط.[28][29] فرضية خرة كاتقول بلي النقصان ف لوزن د فرخ الطيكوك ماشي ضغط عزيلي ل سلوك الطرد. واحد التحليل د لموارد لمعطيين ل فراخ الطيكوك ف لحضور و لغياب د خوت مضيّفين، حتى هو ورى بلي التقل د الطياكك لمربيين معا فراخ مضيّفين كانو صغر ب زايد ف لوقيتة منين كايبداو ينوّضو ريش الطيران على الطياكك لمربيين بوحدهوم، و لايني من مورا 12 ليوم، الطياكك لمربيين معا خوت مضيّفين كبرو دغيا على الطياكك لمربيين بوحدهوم و لي دوزو تربية مبدلة، هادشي كايبين واحد لفليكسيبيليتي لي ماشي ب لضاروري كاتتعزل على ود سلوك الطرد.[30]

النواع لي لعشاش دياولهوم تبرزطو من الطيكوك الشايع تطوورو باش يتعداو على لبيض د الطيكوك و لايني ماشي لفراخ.[31] التجارب وراو بلي فراخ الطيكوك الشايع كايقنعو والديهوم لمضيّفين ب عيطة د الطليب مزروبة لي كاتّسمع بحال "شي عش كبير عامر ب فراخ لمضيّفين." لباحتين قالو بلي "الطيكوك محتاج ل التقوليب الصوتي باش يحفز واحد التهلية كافية باش يعوّض لحقيقة بلي لموحفيز شوفي (Visual stimulus) ديالو فيه غير جوف واحد (الداخل د لفم)".[29] وخا هاكداك، فرخ الطيكوك خصو كمية د لماكلة قد عش كامل د لفراخ لمضيّفين، و كايجيه صعيب يشد النتيباه د لوالدين غير ب لموحفيز الصوتي بوحدو. هادشي يقدر يكون كايعكس واحد التناقوض–فرخ الطيكوك كايستافد من الطرد د لفراخ لخرين حيت كاتجيه ݣاع لماكلة لمعطية، و لاكين ف نفس لوقت هو بوحديتو لي ملزوم عليه يأتر على لموعدال د لماكلة. على وديت هادشي، فراخ الطيكوك كايستاغلو التهلية د لوالدين من لمضيّفين ب لبقو معا لوالدين لمضيّفين ل مدّة طوْل على لفراخ د لمضيّفين. قبل و بعد ما ينوّضو ريش الطيران.[29]

فراخ الطيكوك الشايع كايبداو ينوضو ريش الطيران ف جوايه 17–21 يوم مرا لفقيس،[9] ب لموقارنة معا 12–13 ليوم عند هزاجات لقصب لأوراسيين.[32] يلا نتوا الطيكوك لقات شي مجموعة د بيضات هزاج لقصب لأوراسي، غادي تاكلهوم كولهم باش غايكون بزز على لمضيّفين يبداو يصايبو عش جديد آخر.

عيون لكلام

بدل
  1. ^ "Cuckoo". Oxford English Dictionary (Online ed.). Oxford University Press. (Subscription or participating institution membership required.
  2. ^ "Common Cuckoo (Cuculus canorus)". Internet Bird Collection. Lynx Edicions. Retrieved 20 August 2011.
  3. ^ BirdLife International (2019) [amended version of 2016 assessment]. "Cuculus canorus". IUCN Red List of Threatened Species. 2019: e.T22683873A155496731. doi:10.2305/IUCN.UK.2016-3.RLTS.T22683873A155496731.en
  4. ^ Robinson, R. A. (2005). "Cuckoo Cuculus canorus". BirdFacts: Profiles of Birds Occurring in Britain & Ireland. British Trust for Ornithology. BTO Research Report 407.
  5. ^ a b c d Snow, D. W.; Perrins, C. (1997). The Birds of the Western Palearctic (Abridged ed.). Oxford University Press. ISBN 978-0-19-854099-1.
  6. ^ a b c d e Mullarney, K.; Svensson, L.; Zetterstrom, D.; Grant, P. (1999). Collins Bird Guide. HarperCollins. pp. 204–205. ISBN 978-0-00-219728-1.
  7. ^ a b Merondun, Justin; Marques, Cristiana I.; Andrade, Pedro; Meshcheryagina, Swetlana; Galván, Ismael; Afonso, Sandra; Alves, Joel M.; Araújo, Pedro M.; Bachurin, Gennadiy; Balacco, Jennifer; Bán, Miklós; Fedrigo, Olivier; Formenti, Giulio; Fossøy, Frode; Fülöp, Attila (2024-04-26). "Evolution and genetic architecture of sex-limited polymorphism in cuckoos". Science Advances. 10 (17): eadl5255. doi:10.1126/sciadv.adl5255. ISSN 2375-2548. PMC 11042743. PMID 38657058.
  8. ^ a b c d e f Baker, K. (1993). Identification Guide to European Non-Passerines. British Trust for Ornithology. pp. 273–275. ISBN 978-0-903793-18-6. BTO Guide 24.
  9. ^ a b c d e Robinson, R. A. (2005). "Cuckoo Cuculus canorus". BirdFacts: Profiles of Birds Occurring in Britain & Ireland. British Trust for Ornithology. BTO Research Report 407. Retrieved 12 August 2011.
  10. ^ Welbergen, J.; Davies, N. B. (2011). "A parasite in wolf's clothing: hawk mimicry reduces mobbing of cuckoos by hosts". Behavioral Ecology. 22 (3): 574–579. doi:10.1093/beheco/arr008.
  11. ^ Davies, N. B.; Welbergen, J. A. (2008). "Cuckoo–hawk mimicry? An experimental test". Proceedings of the Royal Society B: Biological Sciences. 275 (1644): 1811–1816. doi:10.1098/rspb.2008.0331. PMC 2587796. PMID 18467298.
  12. ^ a b Thorogood, R.; Davies, N. B. (2012). "Cuckoos combat socially transmitted defenses of reed warbler hosts with a plumage polymorphism". Science. 337 (6094): 578–580. Bibcode:2012Sci...337..578T. CiteSeerX 10.1.1.1030.5702. doi:10.1126/science.1220759. PMID 22859487. S2CID 8898295.
  13. ^ Ali, Salim; Ripley, S. Dillon (1981). Handbook of the birds of India and Pakistan together with those of Bangladesh, Nepal, Bhutan and Ceylon. Volume 3. Stone Curlews to Owls (2nd ed.). Oxford University Press. p. 209.
  14. ^ BirdLife International (2019) [amended version of 2016 assessment]. "Cuculus canorus". IUCN Red List of Threatened Species. 2019: e.T22683873A155496731. doi:10.2305/IUCN.UK.2016-3.RLTS.T22683873A155496731.en. Retrieved 12 March 2021.
  15. ^ Denerley, Chloe; Redpath, Steve M.; Wal, Rene van der; Newson, Stuart E.; Chapman, Jason W.; Wilson, Jeremy D. (2019). "Breeding ground correlates of the distribution and decline of the Common Cuckoo Cuculus canorus at two spatial scales" (PDF). Ibis. 161 (2): 346–358. doi:10.1111/ibi.12612. hdl:10871/37563. ISSN 1474-919X. S2CID 91171632.
  16. ^ Barbaro, Luc; Battisti, Andrea (2011). "Birds as predators of the pine processionary moth (Lepidoptera: Notodontidae)". Biological Control. 56 (2): 107–114. Bibcode:2011BiolC..56..107B. doi:10.1016/j.biocontrol.2010.10.009.
  17. ^ Moksnes, Arne; Røskaft, Eivin; Hagen, Lise Greger; Honza, Marcel; Mørk, Cecilie; Olsen, Per H. (2000). "Common Cuckoo Cuculus canorus and host behaviour at Reed Warbler Acrocephalus scirpaceus nests". Ibis. 142 (2): 247–258. doi:10.1111/j.1474-919X.2000.tb04864.x.
  18. ^ Thorogood, Rose. "The Conversation: Cuckoo Chicks Bring Benefits to Nests They Parasitize". Scientific American. Retrieved 2021-01-19.
  19. ^ a b c Gibbs, H. L.; Sorenson, M. D.; Marchetti, K.; Brooke, M. D.; Davies, N. B.; Nakamura, H. (2000). "Genetic evidence for female host-specific races of the common cuckoo". Nature. 407 (6801): 183–186. Bibcode:2000Natur.407..183G. doi:10.1038/35025058. PMID 11001055. S2CID 3936659.
  20. ^ a b c Fossoy, F.; Antonov, A.; Moksnes, A.; Roskfaft, E.; Vikan, J. R.; Moller, A. P.; Shykoff, J. A.; Stokke, B. G. (2011). "Genetic differentiation among sympatric cuckoohost races: Males matter". Proceedings of the Royal Society B. 278 (1712): 1639–1645. doi:10.1098/rspb.2010.2090. PMC 3081775. PMID 21068043.
  21. ^ Brennand, E. (24 March 2011). "Cuckoo in egg pattern 'arms race'". BBC News. Retrieved 22 August 2011.
  22. ^ a b Moskát, C.; Honza, M. (2002). "European Cuckoo Cuculus canorus parasitism and host's rejection behaviour in a heavily parasitized Great Reed Warbler Acrocephalus arundinaceus population". Ibis. 144 (4): 614–622. doi:10.1046/j.1474-919X.2002.00085.x.
  23. ^ Moskát, C.; Honza, M. (2000). "Effect of nest and nest site characteristics on the risk of cuckoo Cuculus canorus parasitism in the great reed warbler Acrocephalus arundinaceus". Ecography. 23 (3): 335–341. Bibcode:2000Ecogr..23..335M. doi:10.1111/j.1600-0587.2000.tb00289.x.
  24. ^ Marton, Attila; Fülöp, Attila; Ozogány, Katalin; Moskát, Csaba; Bán, Miklós (December 2019). "Host alarm calls attract the unwanted attention of the brood parasitic common cuckoo". Scientific Reports. 9 (1): 18563. Bibcode:2019NatSR...918563M. doi:10.1038/s41598-019-54909-1. ISSN 2045-2322. PMC 6898711. PMID 31811179.
  25. ^ Moskvitch, K. (24 September 2010). "Extra incubation time lets cuckoo chicks pop out early". BBC News. Retrieved 22 August 2011.
  26. ^ Šulc, Michal; Hughes, Anna E.; Troscianko, Jolyon; Štětková, Gabriela; Procházka, Petr; Požgayová, Milica; Piálek, Lubomír; Piálková, Radka; Brlík, Vojtěch; Honza, Marcel (2022). "Automatic identification of bird females using egg phenotype". Zoological Journal of the Linnean Society. 195 (1): 33–44. doi:10.1093/zoolinnean/zlab051.
  27. ^ Numerov, A. D. Inter-species and Intra-species brood parasitism in Birds. Voronezh: Voronezh University. 2003. 516 p. [In Russian] Нумеров А. Д. Межвидовой и внутривидовой гнездовой паразитизм у птиц. Воронеж: ФГУП ИПФ Воронеж. 2003. C. 38-40.
  28. ^ a b Martín-Gálvez, D.; Soler, M.; Soler, J. J.; Martín-Vivaldi, M.; Palomino, J. J. (2005). "Food acquisition by common cuckoo chicks in rufous bush robin nests and the advantage of eviction behaviour". Animal Behaviour. 70 (6): 1313–1321. doi:10.1016/j.anbehav.2005.03.031. S2CID 1255850.
  29. ^ a b c Davies, N. B.; Kilner, R. M.; Noble, D. G. (1998). "Nestling cuckoos, Cuculus canorus, exploit hosts with begging calls that mimic a brood". Proceedings of the Royal Society B. 265 (1397): 673–678. doi:10.1098/rspb.1998.0346. PMC 1689031.
  30. ^ Geltsch, N.; Hauber, M. E.; Anderson, M. G.; Ban, M.; Moskát, C. (2012). "Competition with a host nestling for parental provisioning imposes recoverable costs on parasitic cuckoo chick's growth". Behavioural Processes. 90 (3): 378–383. doi:10.1016/j.beproc.2012.04.002. PMID 22521709. S2CID 5754886.
  31. ^ Davies, N. B.; de L. Brooke, M. (1989). "An experimental study of co-evolution between the Cuckoo, Cuculus canorus, and its hosts. II. Host egg markings, chick discrimination and general discussion". Journal of Animal Ecology. 58 (1): 225–236. Bibcode:1989JAnEc..58..225D. doi:10.2307/4996. JSTOR 4996. S2CID 10594670.
  32. ^ Robinson, R. A. (2005). "Reed Warbler Acrocephalus scirpaceus". BirdFacts: Profiles of Birds Occurring in Britain & Ireland. British Trust for Ornithology. BTO Research Report 407. Retrieved 12 August 2011.
مرجّعة من "https://ary.wikipedia.org/w/index.php?title=طيكوك_شايع&oldid=380386"