عصفوريات الشكل
عصفوريات الشكل
| ||
| ||
| معلومات عامة | ||
| سمية لعيلمية | Passeriformes (كارولوس لينيوس، 1758) | |
| لخاصية د ترتاب | تنضيمة | |
| تابع ل | باباغوجويشات | |
| لعيشة | ||
| عايش فلفترة | 52,500,000 عام قبل لميلاد | |
عصفوريات الشكل (نّݣليزية: Passeriformes) هي تنضيمة ديال الطيور فيها تقريباً كتر من النص د النواع ديال ݣاع الطيور. عصفوريات الشكل ب شكل عام عندهوم الترتاب د الصبعان آنيسوداكتيل (مامتماتلينش) تلاتة كاينعّتو ل لقدام و واحد ل اللور، هادشي لي كايسهل ليهوم لوقوف.
ب كتر من 140 فاميلة و 6500 نوع معروف حتى ل دابا،[1] عصفوريات الشكل هي أكبر تنضيمة بينات التقسيمة لمنوعة ديال السلسوليات لرضية، كايمتلو 60٪ من ݣاع الطيور.[2][3] مقسمين ل تلاتة د التنضيمات التحتانيين: نمنميات نيوزيلانضا (كاينين غير ف نيوزيلانضا)، شباه الطيور لغنّايا (جلهوم ف أمريكا الجنوبية)، و الطيور لغنّايا (ولا الطيور لي كاتغرد).[4][5] عصفوريات الشكل تأصّلو ف النص التحتاني د لرض ف جوايه 60 مليون عام هادي.[6]
تقريباً ݣاع عصفوريات الشكل بخايشيين ولا قارتين، و كايقدرو ياكلو لبخوش (حشرات) و لفروي (لفاكهة) ولا الزريعة.
لوصف
بدلالتنضيمة مقسومة ل تلاتة د التنضيمات التحتانيين، الطيور لغناية (Passeri/Oscines)، شباه الطيور لغنايا (Suboscines/Tyranni)، و نمنميات نيوزيلانضا (Acanthisitti) لبيدائيين.[7] الطيور لغنايا عندهوم أحسن كونطرول على عضلة لمصفار (Syrinx) بينات الطيور، هادشي كايخليهوم قادرين على طليق قاعيدة كبيرة ديال لغنايات و صوات خرة، غير هو، شي وحدين منهوم، بحال لغربان، ماكايتسمعوش موسيقيين ف ودنين بنادم. و شي وحدين خرين، بحال طير لݣيطار، معلمين ف لميميك.[8] نمنميات نيوزيلانضا هوما طيور ݣليولين محصورين ف نيوزيلانضا، ف هاد الزمان لعصري علّاقل؛ كانو مدة و هوما مبلاصيين معا الطيور لغنّايا.
جل عصفوريات الشكل صغار ب لموقارنة معا التنضيمات ديال الطيور لخرة. أتقل و أكبر عضو ف هاد التنضيمة هو لغراب غليض لمنقار[9] و أكبر سلالة من لغراب الشايع كاتوزن كتر من كيلو و نص و كاتتعبر كتر من 70 سنتيم. طير لݣيطار لفتّان و شي طيور د الجنة، ب سباب قزازبهوم الطوال بزاف و لغطا د قزازبهوم، كايخليوهوم هوما الطوال ف هاد التنضيمة. أصغر عصفوري الشكل هو عصفور لملك لقزم قصير لقزيبة، ب 6.5 سنتيم و 4.2 ݣرام.[10]
لآناطوميا
بدلالرجل د عصفوريات الشكل فيها تلاتة د الصباع منيشين ل لقدام و واحد منيش ل اللور، هاد الشكل د الصباع سميتو الترتيبة الصبعية لمامتماتلاش (anisodactyl). الصبع اللوراني (لبهام د الرجل) طويل و كايتربط معا لكراوع تقريبا ف نفس النيڤو معا الصبعان لقداميين. هاد الترتيب كايخلي عصفوريات الشكل يوقفو ب شكل ساهل على لعروشا. الصباع ما فيهومش التشبيكة ولا لمفاصل، و لايني ف طيور لكوتينݣا، الصبع التاني و التالت ملاقيين ف التلت لقاعيدي ديالهوم.
لكراوع ديال عصفوريات الشكل فيهم آضاپطاسيوات زايدين و سپيسيال على ود لوقوف. واحد الطونضو (tendon) ف اللور د لكراع غادي من لتحت ديال الصباع حتى ل مور لعضلة د التيبيوطارسوس - Tibiotarsus كايتجر ب شكل أوطوماتيك و كايتزير منين لكراع كايتطوى، هادشي كايخلي الرجل تتفتل و تولي قايمة منين الطير كايهبط ل شي عرش ف الشجر. هادشي كايخلي عصفوريات الشكل قادرين ينعسو و هوما واقفين بلا ما يطيحو.[11][12]
أغلب الطيور د هاد التنضيمة عندهوم 12 ريشة ف لقزيبة و لايني طير لݣيطار لفتّان عندو 16،[13] و بزاف من طيور سلسوليات لقزيبة من لفاميلة د لفرّانيات عندهوم 10، 8، ولا حتى 6 د الريشات، بحال لي ف لحالة د الطير بو قزيبة مسلكة د ديموغ Des murs wiretail. النواع لي مآضاپطيين على التشعبيط ف الجدوعا د الشجر بحال دابة الشجر و دابة لخشب عندهوم ريش لقزازب قايم كايتخدم كا سوپور منين كايكونو يتشعبطو.[14] لقزازب الطوال فوق لقياس كايتخدمو كا زينة جنسية تشافو ف شي نواع ف فاميلات مبدلين. أشهر ميتال هو طير لهجّال طويل لقزيبة.
لبيض و لعشاش
بدللفراخ د عصفوريات الشكل كايكونو مامكمولينش altricial: عميين، بلا ريش، و ضعاف منين كايتفقسو من لبيضات نتاوعهوم. عليها، لفراخ محتاجين ل تهلية زايدة من لوالدين. جل عصفوريات الشكل كايحطو بيضات ملونين، لكونطرير ديال الطيور لي ماشي من هاد التنضيمة، لي لأغلابية د بيضاتهوم بيضين من غير شي ݣروپات كاتعشش ف لرض بحال زقزاقيات الشكل و طيور السبدية، فين لكاموفلاج ضروري، و ف شي طيكوكات پارازيطية، لي كاتشابه معا لبيضة د عصفوريات الشكل.
لعشاش كاتنوع ب شكل كبير ف لقد: شي عصفوريات الشكل كبار د أوصطراليا بحال لݣيطار و حمرة الصدر د الشجيرات كايحطو غير بيضة وحدة، أغلب عصفوريات الشكل الصغار لي كايعيشو ف لبلايص الدافيين كايحطو بين جوج و خمسة لبيضات، أمّا ف خطوط لعرض لي ف النص الشمالي، النواع لي كايعششو ف التقابي بحال لحدادات يقدرو يحطو حتى ل طناش لبيضة و النواع لخرين منهوم ف جوايه خمسة ولا ستة. فاميلة لهجاليات ماكايبنيوش عشهوم، ف عوض هادشي، كايحطو لبيض ديالهوم ف لعشاش د طيور خرين.
عصفوريات الشكل فيهوم بزاف ديال لݣروپات كايتعتابرو پارازيطات د لعشاش بحال لهجالات، الطيكوكات-الشرشور و جحمومات لبݣر.
لأصل و التاطوور
بدل
التاريخ التاطووري د فاميلات عصفوريات الشكل و لعالاقة بيناتهوم بقى غامض حتى ل اللخر ديال لقرن 20. ف بزاف د لحالات، لفاميلات دياولهوم تجمعو على ساس التشابيهات لمورفولوجية، دابا كايتشاف، بلي هادشي لحاصول د التاطوور التقاروبي، ماشي حيت قراب جينيا. إيكزومپل، النمانم د أمريكا الشمالية و الجنوبية و ديال أوراسيا، و دوك ديال أوصطراليا، و لخرين د نيوزيلانضا كايبانو كايتشابهو و كايتصرفو ب نفس الشكل، وخا هاكداك كاينتاميو ل تلاتة د لعروش مباعدة ف الشجرة د التنضيمة د عصفوريات الشكل؛ هوما ماعندهومش عالاقة بيناتهوم وخا باقيين منتاميين ل عصفوريات الشكل.
التاقدوم ف لبيولوجيا لجوزيئية و التحسان ف الضونيات د الجغرافيا لحاياوية لقديمة ب شوية ب شوية بدات توري تصويرة وضح على أصل عصفوريات الشكل و التاطوور لي كايوافق بينات التقاروب لجوزيئي، لقيود لمورفولوجية، و الديطاي ديال التسجال د لفوصيل.[15] عصفوريات الشكل اللولانيين دابا كايتشافو بلي تطورو ف النص الجنوبي د لأرض ف اللخر د عصر لپاليوجين ولا ف اللول د عصر لإيوصين، جوايه 50 مليون عام هادي.[5][6]
التنواعات لبديانية د عصفوريات الشكل كاتصادف معا التفراق د لقارات الجنوبية ف لبدية د لإيوصين. نمنميات نيوزيلانضا هوما اللولين لي تفرّقو (تعزلو/خرجو) من لعرش ف زيلانضيا، و التفراق الجاوج شمل لأصل د شباه الطيور لغنّايا ف أمريكا الجنوبية و الطيور لغنايا ف لقارة لأوصطرالية.[2][3][16] الطيور لغنايا طرا ليهوم تنواع كبير ف الشكال ف أوصطراليا. واحد لعرش كبير ف الطيور لغنّايا، التنضيمة لقزمة Parvorder عصفوريات passerida، تفرقات ف أوراسيا و إفريقيا هادي 40 مليون عام، فين طرا ليهوم تنواع كبر ب نسولا جداد.[16] هادشي ف اللخر ودى ل تلاتة د النسولا كبار د لعصفوريات كايجمعو شي 4000 نوع، لي من غير لغرابيات، و بزاف د النسولا صغار لي كايشكّلو التنواعات ديال الطيور لغنايا د دابا. معا واحد التخلاط د الجغرافيا لحاياوية كايوقع، الشكال الشمالية كاترجع ل الجنوب، و الشكال الجنوبية كاتحرك ل الشمال.[3]
السيسطيماتيكات و الطاكسونوميا
بدلعصفوريات الشكل دابا مقسمين ل تلاتة د التنضيمات التحتانيين: نمنميات نيوزيلانضا Acanthisitti (فاميلة وحدة فيها 7 د النواع، غير جوج لي باقيين)، شباه الطيور لغنايا Tyranni (16 فاميلة فيها 1365 نوع)، و الطيور لغنايا Passeri (125 فاميلة فيها 5158 نوع). الطيور لغنايا دابا مقسمين ل جوج ݣروپات كبار معروفين دابا ب سمية شباه لغرابيات و لعصفوريات لي فيهوم لفاميلات لفوقانيين لكبار غربانيات و شباه وكالات لعسل، زيد حتى النسولا الصغار، و لفاميلات لفوقانيين شباه لخطايفيات، شباه الزرزوريات، و عصيفريات ولايني الترتاب تلقى بلي تبسط فوق لقياس. من وسط د عوام 2000، الديراسات بداو يقلبو ف لفيلوجينيا ديال عصفوريات الشكل و لقاو بلي بزاف د لفاميلات من أوصطراليا ف لأصل فايتين تشملو ف لݣروپ د لغربانيات ف لحقيقة كايمتلو نسولا بيدائيين تعرشو هوما اللولين من التنضيمة التحتانية الطيور لغنايا. و ب نفس الشكل، تلقى بلي الترتاب د لفاميلات لفوقانيين التقليديين التلاتة ف وسط من الطيور لغنايا زايد ف التعقاد و كايخصو تبدالات ف لكلاصاج.
بزاف د لفاميلات لي هي "طاكسون مهمول" wastebin taxon بحال غنايات لعالم لقديم و ترتارات لعالم لقديم تلقاو بلي هوما متشابهات لعروش paraphyletic عليها ترتابهوم تعاود. بزاف د الطاكسونات تصابو كايمتلو نسولا مفرزين بيناتهوم ب زايد، عليها لفاميلات الجداد كان لا بدّا يتصاوبو، منهم – طير لغرزة stitchbird د نيوزيلانضا و لحداد بو لحية لأوراسياوي – لي هو وحداني الطراز monotypic ب غير نوع واحد باقي عايش.[17] غير ف لعصفوريات بوحدها، بزاف د النسولا صغار غايعتارفو بيهوم ف اللخر كا فاميلات فوقانيين مفرزين. متلا، الصعويات كايتكونو من ݣنس واحد ب قل من عشرة د النواع ليوم و لاكين كايبان بلي هوما من النسولا اللوالا د الطيور لوقايفية (perching birds) لي تعرشو برا لݣروپ من لي بدا يتفرق على طول أوراسيا. بينات الديراسات الشاملة على لعصفوريات لحية بلي باقي ماتلقى حتى واحد من لقراب لقريبين ل الصعويات، وخا يقدو يكونو قراب من شي ݣروپات ستيوائية آسياوية لي ماتبحتش فيها بزاف. هراسيات لݣوز، النمنميات، و لقراب لقريبين ليهوم دابا تݣروپاو ف فاميلة فوقانية مفرزة السيرثييويدات certhioidea.
الليستة الطاكسونومية د فاميلات عصفوريات الشكل
بدل
هاد الليستة مستفة على ترتاب طاكسونومي، لفاميلات لمرتابطة مبلاصيين حدا بعضياتهم. لفاميلات لي ف الليستة معتارف بيهوم عند التيحاد الدولي ديال لعولاما د الطيور.[18] التنضيمة و لقسيم ديالها ل تنضيمات صغيورانيين، تنضيمات قزميين، و فاميلات فوقانيين جاو من بعد التحليل لفيلوجيني د كارل أوليڤيروس و معاونينو لي تنشر ف 2019.[19] لعالاقات بينات لفاميلات ف التنضيمة التحتانية شباه الطيور لغنايا كانو محددين، و لاكين شي عقدات ف التنضيمة التحتانية الطيور لغنايا بقاو ماواضحينش ب سباب التفراق لمزروب د النسولا.[19]
تنضيمة تحتانية نمنميات نيو زيلانضا
بدل- نمينميات نيوزيلانضا: نمانم الصخور النيوزيلانضيين، طيور التيرور.
_male_Antioquia_2.jpg)
تنضيمة تحتانية شباه الطيور لغنايا
بدلتنضيمة صغيورانية شباه الطيور لغنايا د لعالم لقديم
بدل- آسيتيات: طيور لآسيتي
- عريضات لمنقار: عراض لمنقار لعاديين
- شباه عريضات لمنقار: عراض لمنقار لخوضر و لإفريقيين
- ساپايويات: طيور الساپايوا
- غناجيات: لغنانج
تنضيمة صغيورانية شباه الطيور لغنايا د لعالم الجديد
بدلتنضيمة قزمة فرّانيات
بدل- هلاليات الصدر: طيور هلالي الصدر
- وكّاليات الناموس: وكّالات الناموس
- ثامنوفيليدات: طيور النمل
- ݣرالاريدات: لپيطات د النمل
- طاپاكولويات: طيور الطاپاكولو لعاديين
- سمنيات النمل: طيور سمن النمل
- فريرنيات: طيور لفرّان و متشعبطات لخشب
تنضيمة قزمة طاغيّات
بدل- ماناكينيات: طيور لماناكين
- كوتينݣيات: طيور لكوتينݣا
- شباه الطويغيات: طيور التيتيرا
- طويغيات: طيور الطاغية صيادة الدبان
تنضيمة تحتانية طيور غنايا (مغردة)
بدل
- شباه لݣيطاريات: طيور الشجيْرات
- ݣيطاريات: طيور لݣيطار
- كليماكتيريدات: متشعبطات الشجر لأوصطرالوسياويين
- تعريشيات: طيور التعريشة
- صعويات أوصطرالوسياوية: صعوات أوصطرالوسياويين و نواع خرين
- تشويكيات: طيور التشويكة
- پارضالوطيات: طيور لپارضالوطي
- آكانثيزيدات: صعوات الشجيرات و طيور منقار الشوكة و الجيريݣونات
- وكّاليات لعسل: وكّالات لعسل
- ترتاريات مزوّرة: الترتارات لمزورين
- أورطونيشيدات: طيور جرايا د لحطب
تنضيمة صغيورانية شباه لغرابيات
بدل- همًاقيات: هماقات لمنقطين، و نواع خرين
- عتريسيات: لعتريسات و نواع خرين
- موهويات: طيور لموهوا
- سيطيلّيات: طيور السيطيلّا
- فاميلة فوقانية أويرولويدات
- سوطيات المنقار: طيور منقار السوط
- محراتيات لمنقار: طير منقار لمحرات
- صريديات حدادية: نواع من الصرارد
- سرساريات: طيور السرسار لأوصطرالوسياويين
- نقّابيات التوت: نقابات التوت لمطليين
- ڤيرييويدات: طيور لڤيريو
- شباه الصفّاريات: طيور الصفار و نواع خرين
- صفّاريات: لأوريولات و طيور لكرموس و لپيطوات
- فاميلة فوقانية دقناشيات الشكل
- فلوكيات لمنقار: طيور منقار لفلوكة
- آرطاميدات: لكوراوونݣات، طيور لݣزار و نواع خرين
- صيايديات التوت: صيادات التوت
- دقناشيات: الدقناشات و نواع خرين
- پيتيرياسيدات: غرابات قورع الراس د بورنيو
- إيوريات: طيور لإيورا
- سنطيات لعين: طيور عين السنط و لباتيزات
- ڤانݣيات: طيور لڤانݣا
- فاميلة فوقانية غربانيات
- فرفاريات لقزيبة: طيور فرفار لقزيبة
- ضرونݣيات: طيور الضرونݣو
- سلطانيات: خطافات الدبان السلطانية
- عفريتيات: طيور لعغريت بو طربوش زرق
- فردوسيات: طيور الجنة
- عشيات الطين لأوصطرالية: طير عش الطين و طير الرسول
- ميلامپيطيات: طيور لميلامپيطا
- صريديات: الصرارد
- تميليات متوجة: طير التميلة لمتوج
- غرابيات: لغربان، الزيغان و نواع خرين
تنضيمة صغيورانية شباه لعصفوريات
بدل- شيطانيات: طيور الشيطان
- طويلات لمنقار: نواع من نقابات التوت و الطيور بو منقار طويل
- سنطيات نيو زيلانضا: نواع من السنط
- غرزيات: طيور لغرزة
- حمريات الصدر لأوصطرالية: حمرات الصدر لأوصطرالية
- راليات ترتارة: طيور الرالي الترتارة
- دجاجيات الصخر: دجاجات الصخر
- نقازيات الصخر: نقازات الصخر
تنضيمة قزمة شباه لهزاجيات
بدل- هيليوطيات: طيور لهيليوطا
- خطافيات الدبان الجنية: خطافات الدبان الجنية
- حداديات: لحدادات و نواع خرين
- رميزيات: طيور الرميز و نواع خرين
- پانوريدات: طيور لحداد بو لحية
- قوبعيات: طيور لقوبع
- نيكاطوريات: طيور النيكاطور
- دخليات إفريقية: طيور الدخلة لإيفريقية
- سيستيكوليدات: طيور السيستيكولا و نواع خرين
- فاميلة فوقانية شباه وكاليات الجراد
- هزاجيات لقصب: هزاجات لقصب، هزاجات ݣراور و النواع لقراب
- وكاليات الجراد: الطيور د لعشاب و النواع لقراب
- ضوناكوبيدات: طير الضوناكوبيوس بو طربوش كحل
- هزاجيات ملغاشية: لهزاجات لملغاشية
- كاسيات الجناوح: طيور جناح الكاس
- خطايفيات: لخطايفات و النواع لقراب
- فاميلة فوقانية هزاجيات
- يطروكيات: طيور اليطروك (البلبل)
- هزازجيات: لهزاجات لحقيقية
- پاپاغاوات لمنقار: طيور منقار لپاپاغييو و النواع لقراب
- بيضات لعينين: طيور بيض لعينين
- ترتاريات: ترتارات الشجر
- سمنيات ضاحكة: طيور السمنة الضاحكة
- فولڤيطيات: طيور الفولڤيطا
- ترتاريات أرضية: ترتارات لرض
- فاميلة فوقانية آيجيطالويدات
- هزاجيات لورق: طيور دخلة لورق
- هيلييات: طيور لهيليا
- آيجيطاليدات: لحدادت طويلة لقزيبة و حدادات الشجيرات
- نمنيات الشجر: طير نمنم الشجر
- هزاجيات السيتي: هزاجات السيتي و النواع لقراب
- خطافيات الدبان الصفرا: خطافات الدبان الصوفر
تنضيمة قزمة شباه خطافيات الدبان
بدل- فاميلة فوقانية شباه شمعيات الجناوح
- بلقيات النخل: طير بلق النخل
- شمعيات الجناوح: طيور شمعي الجناح
- خطافيات الدبان لحريرية: لخطافات لحريرية
- هيلوسيطريدات: طير الصفار زيتوني الضهر
- هيپوكوليدات: طير لهيپوكوليوس الرمادي
- موهوويدات (نقارض): طيور لموهو
,_M._A._Pe%C3%B1a.jpg)
- فاميلة فوقانية خطافيات الدبان
- إيلاتشوريدات: طير لإيلاتشورا لمنقط
- دنقليات: الدناقل
- خطيطفيات الدبان: خطافيات الدبان و النواع لقراب
- سمنيات: طيور السمنة و النواع لقراب
- نقابيات لكسيبة: نقابات لكسيبة
- زرزوريات: الزرازر و طيور لمينا و النواع لقراب
- ميميكيات: الطيور لمقلدة و النواع لقراب
- صعويات: طيور الصعو و النواع لقراب
- فاميلة فوقانية شباه متشعبطيات الشجر
- متشعبطيات لحيط: طيور دابة لحيط
- هراسيات لݣوز: هراسات لݣوز
- متشعبطيات الشجر: طيور دابة الشجر
- خطافيات الناموس: خطافات الناموس
- نمنميات: النمانم
تنضيمة قزمة عصفوريات
بدل.jpg)
- حيقليات: طيور السكر (لحياقل)
- منقطيات لحلق: منقطة لحلق و النواع لقراب
- نيكطاريات: طيور الشمش
- نقاريات النوار: نقارات النوار
- طيريات لورق: طيور لورق
- جنيات زرقا: طيور الجنية الزرقا
- هزاجيات زيتونية: طير لهزاج الزيتوني
- برطاليات برجيڤالسكي: برطال پرجيڤالسكي
- حباكيات: طيور لحباك
- هجاليات: طيور لهجال
- شمعيات لمنقار: طيور شمعي لمنقار، لمونيا، و النواع لقراب
- برطاليات الشوك: براطل الشوك
- عصفوريات حقيقية: عصافر، براطل، جاوجات لعالم لقديم
- هزازيات لقزيبة: هزازات لقزيبة و طيور لپيپيت
- جوييشيات: لموقنينات، الجوييشات، و النواع لقراب
- فاميلة فوقانية شباه الدرسيات
_..._Southern_Morocco_(53460985289).jpg)
- سمنيات وردية: طير طاناجر-السمنة لوردي
- كالكاريدات: درسات التلج و طيور اللونݣسپور
- تيبيبطيات: التيبيبطات
- كارديناليات: طيور لكاردينال
- ميطروسپينݣيدات: شي نواع من الطاناجر
- طاناجريات: طيور الطاناجر و النواع لقراب
- عصفوريات مزورة: عصافر لعالم الجديد
- هزازجيات مزورة: هزاجيات لعالم الجديد
- شباه الصفراويات: طير صفر الصدر
- صفراويات: أوريولات و جحموميات لعالم الجديد
- طاناجريات وكالات الدبان: طاناجرات وكالة الدبان
- زيليضونيات: طير الزيليضونيا
- هزاجيات كوبية: لهزاجات لكوبية
- طاناجريات پويرطوريكية: طير الطاناجر لپويرطوريكي
- سپينضاليات: طيور السپينضاليس
- طاناجريات هيسپانيولية: طيور الطاناجر لهيسپانيولية
عيون لكلام
بدل- ^ Gill, Frank; Donsker, David; Rasmussen, Pamela, eds. (2020). "Family Index". IOC World Bird List Version 10.1. International Ornithologists' Union.
- ^ a b Ericson, P.G.P. et al. (2003) Evolution, biogeography, and patterns of diversification in passerine birds. J. Avian Biol, 34:3–15.
- ^ a b c Selvatti, A.P. et al. (2015) "A Paleogene origin for crown passerines and the diversification of the Oscines in the New World". Molecular Phylogenetics and Evolution, 88:1–15.
- ^ "A phylogenetic hypothesis for passerine birds: Taxonomic and biogeographic implications of an analysis of nuclear DNA sequence data". Proceedings of the Royal Society B: Biological Sciences. 269 (1488): 295–308
- ^ a b "A Gondwanan origin of passerine birds supported by DNA sequences of the endemic New Zealand wrens". Proceedings of the Royal Society B. 269 (1488): 235–241
- ^ a b "A new time tree reveals Earth history's imprint on the evolution of modern birds". Science Advances. 1 (11): e1501005
- ^ Chatterjee, Sankar (2015). The Rise of Birds: 225 Million Years of Evolution. JHU Press. pp. 206–207.
- ^ Lyrebirds (Menuridae), version 1.0. In Birds of the World (S. M. Billerman, B. K. Keeney, P. G. Rodewald, and T. S. Schulenberg, Editors). Cornell Lab of Ornithology, Ithaca, New York, US.
- ^ Thick-billed Raven (Corvus crassirostris), version 1.0. In Birds of the World (J. del Hoyo, A. Elliott, J. Sargatal, D. A. Christie, and E. de Juana, Editors). Cornell Lab of Ornithology, Ithaca, New York, US.
- ^ Short-tailed Pygmy-Tyrant (Myiornis ecaudatus), version 1.0. In Birds of the World (J. del Hoyo, A. Elliott, J. Sargatal, D. A. Christie, and E. de Juana, Editors). Cornell Lab of Ornithology, Ithaca, New York, US.
- ^ Stefoff, Rebecca (2008). The Bird Class. Marshall Cavendish Benchmark.
- ^ Brooke, Michael and Birkhead, Tim (1991) The Cambridge Encyclopedia of Ornithology, Cambridge University Press
- ^ Jones, D. (2008) "Flight of fancy". Australian Geographic, (89), 18–19.
- ^ "Ecological Opportunity and Diversification in a Continental Radiation of Birds: Climbing Adaptations and Cladogenesis in the Furnariidae". The American Naturalist. 179 (5): 649–666
- ^ "The evolutionary radiation of modern birds (Neornithes): Reconciling molecules, morphology and the fossil record". Zoological Journal of the Linnean Society. 141 (2): 153–177
- ^ a b Claramunt, S.; Cracraft, J. (2015). "A new time tree reveals Earth history's imprint on the evolution of modern birds". Science Advances. 1 (11): e1501005.
- ^ The former does not even have recognized subspecies, while the latter is one of the most singular birds alive today. Good photos of a bearded reedling are for example here Archived 16 October 2007 at the Wayback Machine and here Archived 31 July 2008 at the Wayback Machine.
- ^ Gill, Frank; Donsker, David; Rasmussen, Pamela, eds. (2020). "Family Index". IOC World Bird List Version 10.1. International Ornithologists' Union
- ^ a b Oliveros, C.H.; et al. (2019). "Earth history and the passerine superradiation". Proceedings of the National Academy of Sciences of the United States of America. 116 (16): 7916–7925.