عوام 2000
عوام 2000 ؤلا عقد 2000 ؤلا لألفينات هوّ عقد ديال الزمان بدا ف 1 يناير 2000 و سالا ف 31 دجنبر 2009.
ف هاد لعقد، تولدو 1,35 مليار د لباشار، و ماتو علاين 550 مليون واحد. التعداد د بنادم فوق لأرض داز من 6,1 ل 6,9 مليار.[1]
قتيصاد
بدل
مقالة متعمقة: عوام 2000 ف لقتيصاد
هاد لعقد بدا ب تطور قتيصادي كبير ف أسيا، كيما كان متوقع، بحال ف الشينوا و لهند. التطور لقتيصادي الزربان ديال شي بلدان نامية، لي قلّصات لفرق بينها و بين لبلدان لمتقدّمة، نتجات عليه سياسة حيمائية لي طلّعات لأتمنة د الطاقة و لماكلة معا اللخر د هاد لعقد. لأزمة د السكنى و لكريديات ف لميريكان تاهيّ تسببات ف لأزمة لقتيصادية د 2007-2008.
لأنتيرنيت
بدل- مقالة متعمقة: عوام 2000 ف لأنتيرنيت
لاكصي ل لأنتيرنيت نتاشر بزاف ف عقد عوام 2000، و النسبة د الناس ف لعالم لي كيخدّموه دازت من 6,7% ل 25,7%. هادشي سرّع لعولامة و التواصل بين بنادم ف لعالم كامل. السيتات د الصوشل ميديا (التواصل لإجتماعي) بانو كا طاريقة جديدة د التواصل معا لحباب و الصحاب و لپارطاج د لمحتوى، و تا لملاقية معا صحاب جداد.[2][3][4][5][6] تال يونيو 2009، كان مايسپيس أكتر سيت د الصوشل ميديا ف شعبيتو ف لميريكان، ملي فيسبوك فاتو ب عدد لخدايميا لميريكانيين. لإيميل زاد نتاشر ك وسيلة د التواصل، و خدا لبلاصة د لبوسطة ب عتيبارو الطاريقة لمفضلة عند الناس ف تبادل لبريّات و لميصاجات. سيتات بحال ڭووڭل، يوتيوب و ويكيپيديا بانو و شدو بلاصتهوم من بين 10 د السيتات اللولين ف شعبيتهوم. ف 2008، أمازون خدا بلاصت إيباي ب عتيبارو أكبر سيت د لبيع و الشرا ف أنتيرنيت. ياهو بقى شاد لبلاصة اللولة كا أكتر سيت كيتزار ف لعقد كامل.
السياسة
بدل- مقالة متعمقة: عوام 2000 ف السياسة
لحرب على لإرهاب و لحرب ف أفغانيستان بداو من مور لهجمات لإرهابية د 11 شتنبر 2001. ف 2002، تأسسات لمحكامة الجنائية الدولية. ف 2003، لميريكان و لحولافا ديالها دارو جتياح عسكاري ف لعراق باش يطيّحو النضام ديال حزب لبعت و صدام حسين. ف هاد لعقد بزاف د الجماعات لي تابعة ل لقاعدة ؤلا عندها نفس التوجهات، دارو هجومات إرهابية، بحال ف تفرڭيعات د كازا 2003، تفرڭيعات د إسطنبول 2003، تفرڭيعات د مدريد 2004، و تفرڭيعات د لندن 2005. كاينين حروب خرين لي سالاو ف هاد لعقد، بحال لحرب د لكونڭو التانية (سالات ف 2003)، لي كانت أميت صراع مسلّح من لحرب لعالمية الجاوجة، لحرب لأهلية د دزاير، لحرب لأهلية د أنڭولا، و غيرهوم. حروب خرين لي بداو كاين منهوم تمرد لحوتيين ف ليامان، و لحرب على لاضروڭ ف لمكسيك.
لبيئة
بدل- مقالة متعمقة: عوام 2000 ف لبيئة
التبدال د لكليما climate change ولّا من أهم لأجوندات ف هاد لعقد. من بين أميت لكوارت لي طراو فيه كاين إعصار نارڭيس ف ميانمار، زلازل طراو ف پاكيستان ف 2005 و ف الشينوا ف 2008، و أميت كاريتة طبيعية ديال لقرن 21 لي هيّ زلزال و تسونامي لموحيط لهندي 2004 لي ماتو بسبابهوم كتر من 230.000 واحد.[7]
السينيما
بدل- مقالة متعمقة: عوام 2000 ف السينيما
لبون و لإنتشار ديال التصاور لمولّدين ب لورديناتور خلقو إمكانيات جديدة ف السينيما، سيرتو ملي بان و تّشهر لفيلم شريك Shrek. لأنيمي توسعات لقاعدة د لمتابعين ديالو برا الجاپون، بعدما خرج ف 2001 فيلم لمخطوفة د سين و تشيهيرو (جاپونية: 千と千尋の神隠し) ؤلا ب ختيصار لمخطوفة Spirited away ديال ستوديو ڭيبلي لي تّشهر بزاف. فيلم أڤاطار لي خرج ف دجنبر 2009، كان أكتر فيلم ف لمداخيل ف السينيما ف هاد لعقد و بشكل عام تال ليوم. أفلام وتائقية بحال سوپر سايز مي و بوراط كانو مشهورين ف عقد عوام 2000. فارنهايت 9/11 ديال مايكل مور لي خرج ف 2004 هوّ أكتر فيلم وتائقي ف لمداخيل ف التاريخ. التفراج ف لأفلام ف أنتيرنيت كبرات الشعبية ديالو ف هاد لعقد.
اللوعاب د التيليجو
بدل- مقالة متعمقة: عوام 2000 ف اللوعاب د التيليجو
لكونصولات د لوعاب التيليجو لي بانو ف هاد لعقد، كاين منهوم پلييستيشن 2، إكس بوكس، ڭيم كيوب، وي، پلييستيشن 3 و إكس بوكس 360. ف لكونصولات پورطابل كانلقاو ڭيم بوي أدڤانس، نينتاندو دي إس، و پليستييشن پورطابل. أكتر لعبة تباعت ف هاد لعقد كانت وي سپورتس، و نيو سوپر ماريو بروص. كانت أكتر وحدة تباعت ف اللوعاب پورطابل.
لأداب
بدل- مقالة متعمقة: عوام 2000 ف لأداب
ف لكتوبا و الروايات، كانت النڭليزية دجي كي رولينڭ أكتر كاتبة ؤلا كاتب ربحات من لمبيعات د لكتوبا ديالها، و بشكل خاص من السيرية د هاري پوطر. رولينڭ كانت أول ملايري ؤلا ملايرية لي خدات التروة ديالها ب لكتوبا، وخا مابقاتش ملايرية مدة طويلة حيت عطات أغلبية د فلوسها ل لخيريات. أكتر كتاب تباع كان لكوض د داڤينتشي The Da Vinci Code ديال لكاتب لميريكاني دان براون.[8]
لمزيكة
بدل- مقالة متعمقة: عوام 2000 ف لمزيكة
ف لمزيكة، مجلة بيلبورد عتابرات إمينيم لموسيقي د لعقد.
شوف تا
بدلكرونولوجيا
بدلمقالات د لعقد د 2000:
عيون لكلام
بدل- ^ "World Population Growth Rate 1950-2022". مأرشيڤي من لأصل ف 2023-10-05. تطّالع عليه ب تاريخ 2023-10-17.
- ^ Ludden D (1998). "The newness of globalization: A schematic view of the historical zones of territoriality, University of Pennsylvania, Unfinished draft". مأرشيڤي من لأصل ف 2012-03-13. تطّالع عليه ب تاريخ 2009-12-30.
- ^ Gordon PH; Meunier S (2001). The French challenge: Adapting to globalization. Washington, D.C.: Brookings.
- ^ Heizo T; Ryokichi C (1998). "Japan, Domestic Adjustments to Globalization" (PDF). Tokyo: CE Morrison & H Soesastro, Eds. pp. 76–102. تطّالع عليه ب تاريخ December 30, 2009.
- ^ Fry EH (2003). "Local governments adapting to globalization, National League of Cities" (PDF). مأرشيڤي من لأصل (PDF) ف January 5, 2011. تطّالع عليه ب تاريخ December 30, 2009.
- ^ Haarstad، Håvard؛ Fløysand، Arnt (March 2007). "Globalization and the power of rescaled narratives: A case of opposition to mining in Tambogrande, Peru". Political Geography. 26 (3): 289–308. doi:10.1016/j.polgeo.2006.10.014.
- ^ "Magnitude 9.1 - OFF THE WEST COAST OF NORTHERN SUMATRA". مأرشيڤي من لأصل ف 17 غشت 2012.
- ^ Savage، Mark (31 دجنبر 2009). "The noughties in literature". BBC News. مأرشيڤي من لأصل ف 1 أبريل 2022. تطّالع عليه ب تاريخ 10 يناير 2021.
