صدام حسين
صدام حسين عبد لمجيد التكريتي (تولد ف لعوجا - 28 أبريل 1937، مات ف بغداد ف 30 دجنبر 2006)، لمعروف ب صدام حسين، كان سياسي عراقي. كان هو الرئيس لخامس د لعراق ولأمين لعام د حزب لبعث و لقايد لعام د لعسكر د لعراق من 1979 تال 2003. صدّام كان من الناس اللي ساهمو ف لإنقلاب ديال 1968، اللي طلّع حزب لبعث للحكيم. الشخصية ديال صدام كل واحد وشنو تيقول عليها، كاين اللي تيقول باللي كان قايد كبير و خدم لبلدان لعربية، و كاين اللي تيقول باللي كان دكتاتور قمع و قتل بزاف د الناس.[1]
تعرفات لوقت اللي حكم فيها صدام لعراق ببزاف د لمشاكيل منها: لحرب مع إيران (من 1980 ل 1988)، لقمع ديال لمعارضة (كتيرشي الشيعة و لأكراد - تقريبا ربع مليون عراقي تقتلو ف وقتو)، لحصار د لعراق (1990-2003[2])، لحرب د لخليج اللولا، و لحرب د لخليج التانية. ملّي بدات هاد لحرب ف 2003، و مور ما دخلات لميريكان و لبلدان اللي محالفا معاها للعراق، حيّدو صدام من الرئاسة و عتاقلوه. دارت السلطة القضائية العراقية محاكمة حاكمات فيها صدّام، و حكمو عليه بلإعدام، اللي تدار عليه نهار 30 دجنبر 2006.
عيون لكلام
بدل- ^ "في الذكرى الـ12 لإعدام صدام حسين - حكاية قتل 5 آلاف شخص في يوم واحد - سيوتنيك عربي (2018)". مأرشيڤي من لأصل ف 2021-09-22. تطّالع عليه ب تاريخ 2021-07-07.
- ^ "في ذكرى مقتل حسين كامل - الجزيرة (2021)". مأرشيڤي من لأصل ف 2022-07-05. تطّالع عليه ب تاريخ 2021-07-07.
 هادي زريعة ديال مقالة خاصها تّوسع. تقدر تشارك ف لكتبة ديالها. |
|
تقدر تزيد شوف بزاف د تّصاور و لمعلومات ديال Saddam Hussein ف ويكيميديا كومنز. |