ضامناتيو ميمورياي

ضامناتيو ميموريايلّاتينية damnatio memoriae) لي حرفيا كاتعني نّعلة د لميموار ، هوّا مصطلح كيشير ل لحالة فاش شي شخص كيتّمحا من سّجلات تّاريخية بشكل مقصود، سوا بشكل جزئي ؤلا كلي. أقدم حالة معروفة عند تّوارخيا كانت ف ميزوپوطاميا (لعراق دابا) ف مدينة لاڭاش، ف 2000 تال 3000 قبل لميلاد، لي ماتّدكرش فيها لماليك سّوماري د مدينة ؤما ب سميتو، مي غير كا "راجل د ؤما". على حساب تّوارخي سطيفان زاڤادزكي، هادشي كيتّعتابر حتيقار ل داك لماليك من طاراف لحكّام ديال لاڭاش، لي مابغاوش سميتو تّعرف عند لأجيال جّاية.[1]

طونضو سيڤيري: رسمة على شكل طونضو ديال لفاميلة د لإمبراطور سيپتيميوس سيويروس، فيها مراتو يوليا ضومنا، ولدو كاراكالا، ؤ شي ولد أخور. كيتّعتاقد بلي هاد لّخر هوّا ڭيطا لي كان مشارك لحوكم معا بّاه ؤ من بعد معا خوه كاراكالا، ؤ بلي كاراكالا محا وجهو من تّصويرة، بعدما تّقتل ڭيطا، كيما محا سميتو من سجلات تاريخية خرة، بسباب لمطايفة لي كانت بيناتهوم.

أمتيلا خرين كانلقاوهوم عند لمصريين لقدام، بحال لماليك أخيناتون لي تّمحا من بزاف د سّجلات ؤ حتا وجهو تّمسح بشكل مقصود من تّماتيل ديالو، ؤ لماليكة حاتشاپسوت لي تعرّضات ل نفس شّي.[2]

ف ليتيحاد سّوڤياتي، بعض لموعارضين لي كانو ف لحيزب لبولشيڤي ؤ تا مستشارين ديال سطالين لي تتاهمو ب تّجسس ؤ تم لإعدام ديالهوم ؤلا تسيفطو ل سيبيريا، كانلقاو تصاورهوم تحيّدو بشكل كامل، حتا من شي تصاور جماعية لي تخادو معا لينين ؤلا سطالين.[3]

ف لمغريب كانلقاو ميتال ديال هاد لكونصيپط ف تامودا ف لفترة رّومانية، فين تّمحاو سّميات ديال ڭيطا ؤ د سياسيين حيت ولاو مغضوب عليهوم.[4] ف لقرون لوسطانية، لموحدين حتا هوما حاولو يمحيو لأتار ديال لمورابطين ؤ يصفّيوها معا لأفراد د سّلالة ديالهوم.[مصدر؟]

لمصطلح ديال ضامناتيو ميمورياي ماكانش موجود ف لفترة رّومانية، مي تّستعمل لمرة لّولة ف واحد لمقالة لعلمية ف ألمانيا ف 1689.[5]

عيون لكلام بدل

  1. ^ زاڤادزكي، سطيفان (2011). "Puścić w niepamięć, zachować złą pamięć: władcy w asyryjskich inskrypcjach królewskich w pierwszym tysiącleciu przed Chr." [Letting go, keep a bad memory: rulers in Assyrian royal inscriptions in the first millennium BC.]. ف ڭاواي-ديمپنياك، ريناطا؛ ؤكون، دانوتا؛ سيمتشيشين، ماڭدالينا (إيديتورات). Damnatio memoriae w europejskiej kulturze politycznej [Damnatio memoriae in European political culture] (ب لپولونية). IPN. ردمك 978-83-61336-45-7. مأرشيڤي من لأصل ف 2023-03-26. تطّالع عليه ب تاريخ 2022-01-08.
  2. ^ "Damnatio memoriae—Roman sanctions against memory". أكاديمية خان (ب نڭليزية). مأرشيڤي من لأصل ف 2023-06-03. تطّالع عليه ب تاريخ 2022-01-08.
  3. ^ "How Stalin's propaganda machine erased people from photographs, 1922-1953" (ب نڭليزية). مأرشيڤي من لأصل ف 2023-10-13. تطّالع عليه ب تاريخ 2022-05-23.
  4. ^ "Une nouvelle inscription de Tamuda et le contexte militaro-politique de la province de Maurétanie Tingitane" (ب لفرانساوية). doi:10.4000/antafr.3626. مأرشيڤي من لأصل ف 2023-06-14. تطّالع عليه ب تاريخ 2022-01-08.
  5. ^ Omissi، Adrastos (28 يونيو 2018). Emperors and Usurpers in the Later Roman Empire: Civil War, Panegyric, and the Construction of Legitimacy (ب نڭليزية). OUP Oxford. ص. 36. ردمك 978-0-19-255827-5. مأرشيڤي من لأصل ف 2023-03-18. تطّالع عليه ب تاريخ 8 يناير 2022.
 
هادي زريعة ديال مقالة خاصها تّوسع. تقدر تشارك ف لكتبة ديالها.