شمعون ليڤي
شمعون ليڤي (بلأمازيغية: ⵛⵎⵄⵓⵏ ⵍⵉⴼⵉ - تولد ف 1934 ف فاس، مات نهار 2 دجنبر 2011 ف الرباط) كان كتاتبي و لساني و أنطروپولوجي و مناضل سياسي يهودي مغريبي. ليڤي كان من الشيفان ديال لحزب الشيوعي لمغريبي، و كان هو لمؤسس ولمدير ديال لمؤسسة د لورت التقافي ليهودي لمغريبي، و لمدير ديال لمتحف ليهودي د الدار لبيضا. ليڤي معروف باللي كان من الناس اللي تيدافعو على النضال ديال الشعب د فلسطين، و على لقضية ديالهم.[1]
شمعون ليڤي
| ||
.jpg)
| ||
| معلومات عامة | ||
| زيادة | 1934 فاس | |
| لموت | 2 دجنبر 2011 (76/77 عام) الرباط | |
| لجنسية | لمغريب | |
| لحرفة | سياسي | |
ف لوقت د لإستعمار لفرانساوي للمغريب، ما بغاش شمعون ليڤي ياخد لجنسية د فرانسا (كانت فرانسا تاتعطيها نيشان لأي يهودي ف لمنطقة اللي كانت مستعمرة ف لمغريب لكبير)، و بقا عايش بلا وراق تا خدا لجنسية د لمغريب اللي تعطاتلو من مورا لقانون د لجنسية د 1958. حيت ما بغاش ياخد لجنسية ديالها، عاقباتو فرانسا و ماخلاتوش باقي يدخل للأراضي ديالها.[2]
ليڤي كانت عندو تجربة تا ف الصحافة، كان هو الرايس ديال التحرير ديال لجرائد د "لا ناسيون" و "لجماهير" (ف 1958 و 1959)، و كان تيكتب تا ف لجريدة د لبيان، اللي كانت تابعة ل حيزب التقدم ؤلشتيراكية.
عيون لكلام بدل
- ^ "وفاة شمعون ليفي ذاكرة التراث الثقافي اليهودي المغربي - الصحراء المغربية (2011)". مأرشيڤي من لأصل ف 2022-05-20. تطّالع عليه ب تاريخ 2021-10-02.
- ^ "شمعون ليفي - السياسي المغربي الذي وهب حياته لإبراز أثر اليهودية في الهوية المغربية 1\2 - مرايانا (2021)". مأرشيڤي من لأصل ف 2021-10-02. تطّالع عليه ب تاريخ 2021-10-02.
 هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها. |