سيدي حمو الطالب

حمو بن عبد الله ولا سيدي حمو كوتفنوت، سيدي حمو الطالب عاش ما بين (1706 - 1789م) واحد من اشهر شاعرين امازيغين في منطقة سوس جنوب لمغريب.

سيدي حمو الطالب
معلومات عامة
زيادة	1706 أولوز
لموت	1789 (82/83 عام) مولاي ابراهيم
لجنسية	لمغريب
لحرفة	شاعير
لّوغات لي كيعرف	عربية و لوغات أمازيغية

مكان و زمان لي تزاد فيه حمو الطالب

تزاد فعام 1706م فدوار تغكالت في منطقة و قبيلة تفنوت فرقة ازكروز حدا جبل توبقال.

اصل سيدي حمو و تسميات لي كان معروف بيها

تفنوت معروفا عند سواسة ب"راس لواد" حيت اسيف (واد) نتيفنوت واحد من ويدان لي كي صب في واد سوس دكشي علاش تسميات لي كانو كي يعطو ليه بيها ولا لي معروف بيها كتكون متعلقة بقبيلتو لي هيا تفنوت ولا منين جاي و هادو هما تسميات لي كان معروف بيها :

• سيدي حمو
• سيدي حمو الطالب
• سيدي حمو باب ن اومارك
• الطالب سيدي حمو الراسلوادي
• سيدي حمو الزكموزى
• سيدي حمو كوتفنوت
• سيدي حمو كوتغكالت

و من تسميات تقدر تعرف بلي هو ماشي من سوس ولا اطلس صغير حيت سواسة كانو تيعرفو تفنوت براس وادي زيد كوتفنوت لي كتعني بشلحة من تفنوت و زيد كوتغالكات لي كتعني من تاغلكات و هاد دوار راه من تفنوت.

حياة ديال سيدي حمو طالب

سيدي حمو طالب نزل من تفنوت الى سوس و بدبت فأولوز باش اقرى و لتاحق بواحد من اعتق مدارس فسوس و خرج منها فقيه، موراها قلبها شعر و كان كي شارك في مناسبات شعر فقبايل اطلس صغير و سهل سوس.

تشهر بزاف فمنطقة سوس و تعرف ب باب نومارݣ (أمارݣ هوّا الشعر عند امازيغ) و جا سيدي حمو طالب فوقية كان عامرة مشاكل من إضطرابات السياسية والثورات فمنقطة سوس فأواخر حكم ديال مولاي إسماعيل.

أعمال ديال سيدي حمو طالب

رجع سيدي حمو طالب من تورة شعرية فتراب شعبي للمنطقة و عاون باحت فلأدب والتاريخ باش اعرفو جوانب المجتمع سوسي خلال القرن الثاني عشر (18 م).

يتردد اسم حمو الطالب في التراث الأدبي الشعبي في سوس فقلما تجد شاعراً أمازيغيا من المنطقة لا يستشهد بقول سيدي حَمّو، أثناء الإنشاد، ومازال الشعراء يستهلون قصائدهم بقولة: «ءِرْحمْك أسيدي حمو ءينّا ءِيكلّين» أو يرحمك الله يا سيدي حمّو، قال المسكين.

قوالو

كلام سيدي حمو الطالب ماتزممش بقلم ولايني كان كلامو كايتعاود بين جيال و جيال من بين قوالو:

-" ئرحم ربي سيدي حمو الطالب باب ن ؤمارݣ، إس ئنا ئݣلين:"

زعما، الله يرحم سيدي حمو الطالب لمعلم ديال أمارݣ ،راه ݣال هاد لفاقير: (هاد لجوملة على ماضهر كانت كاتبدا بيها ݣاع لقوال ديالو.)

-"واد تيموزّونين مقار ئصفا زوند أيور، واد ئيات أور إيݣي يات مقار نيت ئيدر ئيمّوت"

زعما ، هاداك اللي مزلوط واخا يبري بحال لݣمرة، اللي ماعندو والو ماكايسوا والو. واخا نيت عايش، ميّت.

-"ئفولكي الصبر، ئݣا غيمكاد لحرير، أور سار إدبر يان، إغ إصبر يان ئ ݣار بنادم، الدنوب أد روران"

زعما، الصبر مزيان، داير بحال لحرير ماعمرو يدبر شي واحد، إلا صبر شي واحد لشي بنادم خايب،راه دار الدنوب.

-" أداك أور إينا يان أور إيلين إيمدوكالنس -نزريتيد-، أشكو الدونيت إيمدوكال كاسازراينت"

زعما، مايݣولش شي واحد اللي ماعندو صحاب -دوزت الدنيا بيخير-، لاحقاش الدنيا الصحاب اللي كايدوزوها.

بعض الاغاني الامازيغية لي تذكر فيهم

•إيواليون ن سيدي حمو الطالب -غمكلي تنا ترابوت ن أرشاش. (لقوال د سيدي حمو الطالب- داكشي اللي ݣالت لفرقة د أرشاش)

• لوركيسطرا السمفونية لامازيغية (علي شوهاد).

لوفات

مات سيدي حمو الطالب عام 1789م فعمر 83 عام و تدفن ف مولاي براهيم.

عيون لكلام

هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها.