راضي بن عبدسلام
راضي بن عبدسلام ولا عبد السلام الرّاضي (خلاق ف ظهر سّوق، إقليم تاونات ف 28 فبراير 1929 - توفّا ف 4 أكتوبر 2000 ف فاس) جرّاي مغريبي كان متخصّص ف لمسافات نصف طّويلة (ضّومي فون). هو أول مغريبي دّا ميدالية ف لألعاب لأولمپية (روما - 1960).
راضي بن عبدسلام
| ||
| ||
| معلومات عامة | ||
| زيادة | 28 فبراير 1929 الراشيدية | |
| لموت | 4 أكتوبر 2000 (71 عام) فاس | |
| طريقة دلموت | موتة طبيعية | |
| سباب لموت | داء قلبي إقفاري | |
| لجنسية | لمغريب | |
| لحرفة | جراي(ة) د لمسافات الطوال و بطل(ة) د ألعاب القوى | |
| لّوغات لي كيعرف | لعربية و لوغات أمازيغية | |
| لكاريير ديال الشخص | ||
| شارك ف | ||
| رياضة | ||
| رياضة | ألعاب القوى | |
| تخصص | ماراطون | |
  
| ||
حياتوعدل
الراضي ف يّامات لحيماية كان خدّام ف لجيش لفرانصاوي، لّي تطوع فيه ف 1950، و تمّا فين بانت لميولات رّياضية ديالو ب حيت كان كان كايقدر يجري مسافات طويلة بزّاف.[1]
الراضي كان يمكنليه يلعب ب الراية د فرانسا ولا بلجيكا ف لألعاب لأولمپية د 1956 ف ميلبورن - ؤسطراليا، غير هو ختار يلعب ب تّوني د المغريب.[2]
الراضي شارك ف لألعاب لأولمپية د روما ف 1960 و كان دّا ميدالية فضّية ف لماراطون. لّي كان دّا دّهبية هو جّراي لأسطوري لإيتيوپي أبيبي بيكيلا.
ف فرانسا كانت صّحافة رياضية كاتلقبو ب "رّياضي مول 5 كيلو د لميداليات" ب سباب لألقاب لكتيرة ديالو.[3]
ف 1960 كان فاز ب بطولة العالم د العدو الريفي ف ݣلاسݣو، سكوتلاندا.[2]
الراضي كان بقا شادّ أغلبية لأرقام لقياسية لمغريبية ديال دومي فون و لمسافات طّويلة ( لعشرالاف متر و لماراطون) تّال فاش حطّموهوم ف تّمانينات لجيل د سعيد عويطة، خالد السكاح، براهيم بوطيب و من بعد منهوم صلاح حيسّو و لخوت بولامي (براهيم ؤ خالد).[3]
الراضي قاسا بزّاف ف حياتو و مانفعو ب والو لإنجاز ديالو. من بعد ما حبسات لانتريت ديالو لّي كانت كاتجيه من عند لعسكر د فرانسا (1300 درهم ف تلت شهور)، خدم ف الإنعاش الوطني ب صالير ديال 900 درهم ف الشهر، و خدّموه شاوش ف الولاية ديال فاس (مكلف ب التّوجاد د أتاي). لفقر و تّنحسيرة لمادّية رغموه باش يبيع لميدالية لفضّية ديالو .[2] خدم تا عساس د طوموبيلات ف واحد لفترة.[3]
ف لّخر د حياتو قدر لوالي ديال فاس محمد الظريف يضبر ليه ف ݣريمة ديال طاكسي صغير.[2]
سالا حياتو عايش كتيئاب ل مدة طويلة و عانى من لكونسير.[3] مات ب سّدان د شرايين د لقلب[2] و هو عندو 71 عام.
عيون لكلامعدل
- ^ "عبد السلام الراضي: أول مغربي يتوج المغرب في الألعاب الأولمبية". anwarpress.com (ب لعربية). 14 يونيو 2018.
- ^ a b c d e محمد الشبوني (12 غشت 2009). "عبد السلام الراضي الذي قتلته «الفقصة» قبل أن يجهز عليه المرض". المساء (ب لعربية).
- ^ a b c d "الراضي صاحب أول ميدالية أولمبية للمغرب يقاوم السرطان". الشرق الأوسط (ب لعربية). 14 شتنبر 2000.
|
تقدر تزيد شوف بزاف د تّصاور و لمعلومات ديال Rhadi Ben Abdesselam ف ويكيميديا كومنز. |