خبار بلادنا
خبار بلادنا
| ||
| ||
| معلومات أساسية | ||
| نوع د الدورية | جورنال | |
| اللوغات د النشر | الداريجة لمغريبية | |
| ناشر | إلينا پرينتيس | |
| لإصدار اللول | 28 فبراير 2002 | |
خبار بلادنا هوّا جورنال مغريبي ب دّاريجة، كانت كاتصدرو كولا سيمانة نهار جّمعة مؤسسة دار خبار بلادنا، لي أسساتها لفنانة لميريكانية إلينا پرينتيس ف 28 فبراير 2002 ف طانجا. صّحافية ؤ لؤستادة زهور لعرفاوي حتا هيّا ساهمات ف تّأسيس ؤ تّحرير ف هاد جّورنال. تّمويل ديال جّورنال ف لبدية كان سيرتو من جّيب ديال إلينا پرينتيس، ؤ من بعد كانو موساعدات مالية من طاراف نّاس لي كيساندو لفيكرة د لمشروع.[1]
تّوزيع د جّورنال كان فابور ف لمغريب كامل ف 26 مدينة ف لمقرات ديال تّيحاد نّيسائي لمغريبي، و ف لكيوصكات ؤ لمكتابات ف طانجا. ؤ كانو كيصدرو منو 4000 تال 6000 نوسخة لي كانو كيتوزّعو بشكل كامل.[2]
جّورنال ب شكل عام كان عندو توجه فيمينيست. كان موجّه ل عامة لمغاربا، ولاكين سيرتو ل لعيالات لي نص قاريات ؤلا يالله كيفكو لحرف، ؤ كيلقاو صعوبة باش يقراو لعربية لفوصحة، ب لإضافة ل نّاس لي مهتمين ب لكتابة ؤ تطوير دّاريجة كا لوغة.[1]
لقسام ديال جّورنال
بدلف لپاج تّانية كانت ديما مقولة ديال لأمين لعام د لمنضمة لعالمية د لفرونكفونية ديك سّاع بطرس بطرس غالي. لپاج تّالتة كانت خاصة ب تّيحاد نّيسائي لمغريبي، ب عناوين ؤ تيليفونات ديال لمقرات ديالها ف لمغريب ؤ نوامر خرين بحال ديال لبوليس، لامبيلانس، لمطارات ؤ غيرهوم.[5] ف لپاج رّابعة نضرة عامة علا صّحافة لوطنية ؤ لخبار ف لمغريب. صّفحة تّامنة كانت خاصة ب دّراري صّغار ؤ فيها فقرة ديال تّلوين.
- تقافة ؤ ماواعيد: ف صّفحة لخامسة، كاتهضر علا أهم لمهرجانات ؤ لمعارض ؤ ليقائات تّقافية لي كاينين.
- آش طرا ؤ جرا؟: ف صّفحة سّاتة، علا أهم لأخبار تّقافية ؤ لفنية.
- رياضة: ف صّفحة سّابعة علا سّپور ف لمغريب.
- صفحة د نّسا: ف لپاج تّاسعة، فيها مواضيع علا طّبخ، بحال وصفات، ؤ داكشي ديال تّجميل.
- نصايح لكل يوم: ف صّفحة لعاشرة، عادتن نصايح ل لمّاوات من طاراف دّكتور عبد السلام التراب، متخصص ف طب لأطفال.
- ترات: ف لپاج حضاش (علّاقل حتال 2003)، علا عناصر توراتية مغريبية ماكيعرفوهاش لمغاربا.
ؤ كانو قسام خرين بحال: حكاية، صحة، رتاحو شوية، أمتال ؤ كلمات، ألف ليلة ؤ ليلة، حكايات، بيئة، إبداع. فاش بدا لإصدار د جّورنال كانت فقرة فيها ديكسيونير د دّاريجة لي من بعد تحيدات ؤ ولات بلاصتها لپاج ديال لإبداع.[1]
موساهيمين
بدلتحرير
بدل- زهور لعرفاوي: كتاتبية ؤ سكريتيرة د تّحرير
- جليلة الصبحان
- منتصر
- كارلا
- دّكتور عبد السلام التراب
- امحمد البغدادي
- سعيدة أمزاد
- رحيمو حجوب
- سعيد أمنشار
رسم
بدل- امحمد
عيون لكلام
بدل- ^ a b c أنجيلا دايانا لانݣون (2003). "Khbar Bladna. Une expérience journalistique en arabe dialectal marocain" (ب لفرانساوية). estudios de dialectología norteafricana y andalusí: 143–151. Cite journal requires
|journal=(معاونة) - ^ "Actualité : La "darija" ou correctement la langue marocaine sort ses griffes". lavieeco.com (ب لفرانساوية). 9 يونيو 2006. مأرشيڤي من لأصل ف 2023-04-11. تطّالع عليه ب تاريخ 2021-09-21.
- ^ ڤالينتينا فيرارا (2017). "À propos de la darija" (ب لفرانساوية). Cite journal requires
|journal=(معاونة) - ^ "طينجيطانا، خبار بلادنا" (ب نڭليزية). مأرشيڤي من لأصل ف 2021-11-17. تطّالع عليه ب تاريخ 2021-11-17.
- ^ خبار بلادنا نمرة 177 (PDF) (ب دّاريجة). 21 أكتوبر 2005. مأرشيڤي من لأصل (PDF) ف 7 يوليوز 2006. تطّالع عليه ب تاريخ 21 شتنبر 2021.