ويكيپيديا

حماميات

لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين.
حماميات
معلومات عامة
سمية لعيلمية Columbidae
(يوهان كارل فيلهلم إيليغر، 1811)
لخاصية د ترتاب فاميلة
تابع ل حماميات
لمناسلة
شحال كايولد ف دقّة 2
لمودة د رضاعة 2 سيمانة
خصايصو
كاين منو Columbidae wing
لخواص طبيعية
لخاريطة ديال فين عايش لكائن
معلومات خرين
لكائن مصدر ديال لحم د لحمام


حماميات (السمية لعلمية Columbidae) هي فاميلة د الطيور كاتجمع لحمام و ليمام (دكر الله). هي لفاميلة لفرّادية ف التنضيمة د حماميات الشكل. هاد الطيور كسدتهوم وافية ب عناق قصار و مناقر قصار و رقاق، شي نواع منهوم كايكون عندهوم زوايد لحميين. كاياكلو ب شكل لولاني النبات، و يقدرو يتعتابرو ب شكل طاكسونومي من لحبايبيات، لي كاياكلو ف لغالب الزريعة ف لرض، و من لفكايهيات، لي كاياكلو ف لغالب لفروي، من لعروشا. هاد لفاميلة موجودة ف لعالم كامل، دايماً ف لبلايص لي حدا بنادم، و لايني أكبر التنويعات كاينين ف لبلايص لإيندوماليزيين و لأوصطرالوسياويين.

لحماميات كايجمعو 344 نوع مقسمين ل 50 ݣنس. تسعود و خمسين نوع مليستي مهدد، و طلطاش منقارض،[1] منهوم الضوضو، لي هو طير د لݣزيرة، و لحمام لڤواياجور، نوع الطير لوحيد لي ماكانش محصور ف ݣزيرة صغيرة و نقارض ف هاد الزمان لعصري، وخا لفروݣا ديالو فايتين تحسبو ب لملاير.

لحمام و ليمام كايبنيو عشاش هشاش نسبياً، ف لغالب ب لعصي د الرديم، لي يقدر يكون ف لعروش د الشجر، ف الركاني، ولا ف لرض، هادشي على حساب النوع. كايحطو وحدة ولا جوج (ف لعادة) بيضات بويض من وقت ل وقت، و لوالدين ب جوج كايربيو الصغار، عكس جل الطيور، الجناس ب جوج من ليمام و لحمام كاينتجو "حليب لحوصلة" باش يوكلو صغارهم، هاد لحليب كايتّفرز من تقشار لخلايا لعامرين ب السوايل من لبطانة ديال لحوصلة.

الصغار د ليمام و لحمام كايتسماو شنابر و ب شكل عام كايقدرو يطيرو منين كايقفلو 5 د السيمانات ف عمرهم، هاد الشنابر، ب صواتهوم لي فيهم التزغنين، ماكايبقاوش يطلقوهوم غير كايفطمو،[2] و كايخلّيو لعش من بعد 25 حتى ل 30 يوم.

من الزمانات لقدام، بزاف د النواع من لحماميات طوْرو واحد الرابطة تقافية و پراتيك معا بنادم. نواع من دكر الله موخود عليهوم تصويرة زوينة ف بزاف د الديانات بحال، لإسلام، لمسيحية، و ليهودية. و كانو رموز موهيمين ل لإيلاهات إنّانا، عشيرة، و آفروديط. الضوميستيكاسيو د لحمام ب شكل كبير ودات ل تخدام لحمام كا وسيلة ل التواصول، من بينهوم حمامة لݣيرّة، بحال ال 32 حمامة لي توسمو ب ميدالية ديكين د "السيرڤيس الشوجاع" ل بلادهوم ف لحرب لعالمية الجاوجة.

لأصل و التطوور

بدل

حماميات الشكل وحدة من أكتر التقسيمات لمنوعين ديال الطيور الجداد (Neo-aves) لي ماشي من عصفوريات الشكل، و لأصول ديالهم كايرجعو ل لعصر الطاباشيري،[3] و لحاصول ديال واحد التنواع مزروب ف اللخر ديال حدود لعصر الطاباشيري لپاليوجيني.[4] التحاليل لكاملين د الجينوم لقاو بلي حماميات الشكل كاتكوْن تقسيمة خت ديال واحد لݣروپ لي كايتوافق معا ݣريݣريات الشكل (Pyerocliformes) و هدابيات الشكل (mestitornithiformes).[5][6]

الطاكسونوميا و السيسطيماتيكات

بدل

لحماميات هوما لفاميلة لي بوحدها باقية عايشة ف التنضيمة د حماميات الشكل. لݣريݣر (pteroclidae) كان شحال هادي مبلاصي معاهوم، و لايني تحيد ل واحد التنضيمة مفرقة، ݣريݣريات الشكل، هادشي تبازا على التبدالات لي ف لآناطوميا (كيف لقدرة على الشريب ب "لمصان" ولّا "الضخّان").[7]

لحماميات ف لعادة مقسمين ل خمسة د لفاميلات تحتانيين يقدرو يكونو ماشي إيكزاكط،[8] كا إيكزومپل، ليمامات السمانيين و يمامات لرض لأمريكيين (Geotrygon)، لي ف لعادة تبلاصاو ف حمييْميات، بانو بلي هوما جوج فاميلات تحتانيين مفرّزين على بعضياتهم. التنضيمة لي حاضرة هنا تابعة لكلاصاج د باپتيسطا و آل. (1997)،[9] معا شي ميزاجورات.[10][11][12]

الترتاب د لݣنوس و التْسْمية د لفاميلات التحتانيين كايكون ف شي حالات غير وقتي حيتاش التحاليل لمبدلين ديال التسلسيلات د لا دي إن كايعطيو نتايج مبدلين، ب شكل جدري ف لغالب، ف التستاف ديال شي ݣنوس (هندوأوصطراليين ب شكل رئيسي). هاد لغموض، ف لغالب جا من الجديب د لعروش الطوال (Long branch radiation)، كايبان كايكونفيرمي بلي لحمامات اللولين تطوورو ف لمنطاقة لأوصطرالاسيوية، و بلي لمحاسيات (Treronidae) و الشكال لقراب (حمام الدراج و لمتوج كا متال) كايمتلو التعراشات لبديانيين د هاد لݣروپ.

لفاميلة د لحماميات كانت كاتجمع شحال هادي فاميلة الرافينيات، لي فيها ناسك رودريݣيس و الضوضو لمنقارضين.[13][14][15] من لمحتامل هاد النواع طرف من التعراش لهندوؤصطرالي لي خرّج التلاتة د لفاميلات التحتانيين الصغار لي تدكرو لفوق،[16] معا يمامات لفروي و لحمام (ب حسبان حمام النيقوبار). عليها، هوما هنا محسوبين كا فاميلة تحتانية الرافينيات، ف التْسْنية د شي براهن مقيوصين (ملموسين) ديال لعالاقة ديالهم لإيكزاكط.[17]

تفاقمات هاد لأومور الطاكسونومية د لحماميات حيتاش النواع د هاد لفاميلة ماكايتمتّلوش مزيان ف التسجالات د لفوسيل،[18] ب حتى شي شكل بيدائي (basal) فايت تلقى قبل. ݣنس الجيرانديا - Gerandia توصف من واحد الرواسب من عصر لميوصين لبدياني ف فرانسا، و لاكين ف لوقيتة لي تشاف ل مدة طويلة كا حمامة،[19] دابا كايتعتابر ݣريݣر.[20] شي بقايا مقسمين ديال شي حمامة من عصر لميوصين ف لغالب "يمامة د لفاكهة" تلقاو ف لفورماسيو د بانوكبورن ف نيوزيلانضا و توصفو كا روپيفاپس-Rupephaps؛[20] "ياموم" پراطي ديال واحد الرواسب معاصرين ف فلوريدا، دابا حطوها بشكل وقتي ف ݣنس آرينيكولمبا-Arenicolumba، و لاكين التفراز ديالها من ݣنس لياموم-Columbina و لݣنوسا لقراب خصو يزيد يتتبْت ب شكل مجهد (ب تحاليل كلاديستيكيين).[21] من غير هادشي، ݣاع لفوسيلات لخرين كاينتاميو ل لݣنوسا لباقيين.[22]

 
شنبور لحمام
 
حمامة شايعة (columba Livia) طايرة
 
كوپل د لحمام الشايع كايتحابّو
 
دكر الله لأوراسي (streptopelia decaocto) ف سطح ف فرانسا
 
لݣريݣر (streptopelia turtur)، محطوط ف نفس لݣنس معا دكر الله لأوراسي

ليستة د لݣنوس

بدل

نواع د لفوسيلات لي ف ترتاب ماميقنش منّو:

  • ݣنس "آرينيكولومبا" (منقارض) سطيدمان، 2008
  • ݣنس "روپيفاپس" (منقارض) وورثي، هاند، وورثي، تينيسن، & سكوفيلد، 2009 (حمام سان بايثانز، ديال نيوزيلانضا ف عصر لميوصين)

فاميلة تحتانية حمايميات (ليمام و لحمام لعاديين)

بدل
  • قبيلة زينايدينات (يمامات السمان و قرابهوم)
    • ݣنس يماميات السمان (10 د النواع)
    • ݣنس يماميات لحجل (يمامة لحجل زرقة الراس)
    • ݣنس يماميات السمان الزيتية (يمامة السمان زيتية الضهر)
    • ݣنس ليپطوتيلا (11 نوع)
    • ݣنس زينايدا (7 د النواع)
    • ݣنس شباه يماميات السمان (8 د النواع)
  • قبيلة حمييْميات
    • ݣنس حماميات أمريكية (17 نوع)
    • ݣنس ڤواياجورات (حمامة لڤواياجور - منقارضة من 1914)
    • ݣنس حماميات أوقيانوسية (3 د النواع)
    • ݣنس حماميات إيندونيسية (3 د النواع)
    • ݣنس يماميات طيكوكية (13 نوع)
    • ݣنس يماميات حقيقية (ݣريݣرات و دكر الله - 13 نوع)
    • ݣنس ديسموروپيليا أولسن، (حمامة سان هيلينا) (نقارضات قبل التاريخ)
    • ݣنس حماميات حقيقية (حماميات لعالم لقديم - 35 نوع جوج منهوم نقارضو)
    • يماميات منقطة (2 نواع)
    • حماميات لݣزيرة (3 د النواع)

فاميلة تحتانية شباه لياموميات (يمامات لرض لأمريكية)

بدل
  • ݣنس كلاراڤيس (يمامة لرض الزرقة)
  • ݣنس پاراكلاراڤيس (2 نواع)
  • ݣنس أوروپيليا (يمامة لرض طويلة لقزيبة)
  • ݣنس ميطريوپيليا (4 د النواع)
  • ݣنس ياموميات (9 د النواع)

رافينيات

بدل
  • قبيلة فابيني/برونزيات الجناح
    • ݣنس هينيكوفاپس (2 نواع)
    • ݣنس رعايفيات لقلب (بو قلب راعف و النواع لقراب، 7 د النواع)
    • ݣنس پامپوسانا (13 نوع، 3 منهوم نقارض)
    • ݣنس حماميات مّو عرف (حمامة مو عرف)
    • ݣنس حماميات الصخر (حمامات الصخر، 2 نواع)
    • ݣنس حماميات لوونݣا (حمامة لْوُونݣا)
    • ݣنس يماميات لرض لأوصطراسيوية (5 د النواع)
    • ݣنس برونزيات الجناح لحقيقية (3 د النواع)
    • ݣنس شباه برونزيات الجناح (3 د النواع)
  • قبيلة رافيني/شباه الضوضويات
    • ݣنس ناتوناورنيس (حمامة ڤيطي ليڤو لعملاقة - نقارضات قبل التاريخ)
    • ݣنس طروݣون (حمامة لرض غليضة لمنقار)
    • ݣنس ميكروݣورا (لحمامة مو عرف د شواسول - نقارضات ف لبدية د لقرن 20)
    • ݣنس دراجيات (حمامة الدراج)
    • ݣنس حماميات متوجة (4 د النواع)
    • ݣنس حماميات مسننة (حمامة مو منقار مسنن)
    • ݣنس ديليافاپس دي پييطري، سكوفيلد، طينيسن، هاند، & وورثي، 2017 (يمامة من زيلانضية من لعصر لپاليوجيني)
    • ݣنس حماميات نيقوبار (حمامة نيقوبار)
    • ݣنس رافوس/ضوضويات (الضوضو، نقارض ف اللخر د لقرن 17)
    • ݣنس پيزوفاپس (حمامة رودريݣيس، نقارضات ف 1730)
    • ݣنس باونتيفاپس وورثي & راݣ، 2008 (حمامة ݣزيرة هينديرسن - نقارضات قبل التاريخ)
  • قبيلة شباه يماميات لخشب
    • ݣنس يماميات قهوية (3 د النواع)
    • ناماكويات (يمامة الناماكوا)
    • يماميات لخشب (5 د النواع)
    • يماميات زمردية (3 د النواع)
  • قبيلة شباه لحماميات لخضرا
    • ݣنس حماميات خضرا
  • قبيلة شباه يماميات لفاكهة
    • ݣنس يماميات إيمپيريالية (42 نوع)
    • ݣنس يماميات لفاكهة (50 نوع، 1–2 منهوم نقارض ف اللواخر)
    • ݣنس حماميات نيوزيلاندية (2 نواع)
    • ݣنس حماميات مقنزعة (لحمامة لمقنزعة)
    • ݣنس حماميات مضلمة (لحمامة لمضلمة)
    • ݣنس حماميات الجبل (4 د النواع)
    • ݣنس طونݣوويناس سطيدمان & طاكانو، 2020 (لحمامة لعملاقة د الطونݣا - نقارضات قبل التاريخ)

لوصف

بدل
 
يمامة لرض الشايعة (columbina passerine) من النواع الصغر ݣاع ف لفاميلة

الشكل و لقد

بدل
 
أزطوط ولا حمامة الشجر الشايعة (columba palumbus)، شايعة على طول أوروپا و ب شكل قل ف شمال إفريقيا

لحمام و ليمام كايوريو تنواعات كبار ف لقد، كايتفاوتو ف الطول من 15 ل 75 سونتيميطر، و ف التقل من 30 ݣرام ل كتر من 2,000 ݣرام.[23] أكبر نوع هو لحمامة لمتوجة د غينيا الجديدة،[24] لي تقريباً ݣد ل بيبي، تقل ديالو كايتفاوت بين 2–4 كيلو.[25] أصغر نوع هو يمامة لرض الشايعة (Columbina passerina) من ݣنس لياموم، لي ف لقد كيف الجاوج د الدار، كاتوزن غير 22 ݣرام.[9] يمامة لفاكهة لقزمة، لي تقدر تتعبر حتى ل 13 سونتيميطر، عندها أصغر طول على أي نوع خر من هاد لفاميلة.[9] واحد من أكبر النواع الشجريين، حمامة د ماركيز لإيمپيريالية، دابا كاتطايف معا الريسك د النقيراض.[26]

لآناطوميا و لفيزيولوجيا

بدل

ب شكل عام، لآناطوميا د لحماميات مخصلة ب كراوع قصار، مناقر قصار ب زوايد لحميين، و ريوس صغار على كسدات كبار و وافيين.[27] بحال شي طيور خرين، لحماميات ماعندهومش لمرّارة.[28] شي عولاما د الطابيعة د لعصور لوسطى ستنتجو بلي ماعندهومش الصفرا (لمرّارة)، هادشي لي كايفسر الترتاب لحلو د لحمام على حساب نضرية الربعة د لأخلاط ديال لعصور لوسطى.[29] غير هو ف لحقيقة، عندهوم الصفرا (كيف ما عرف آريسطو قبل منهوم)، لي كاتتفرْز نيشان ف لمصارن.[30]

 
دكر الله أوراسي (streptopelia decaocto) على پيك و غايهبط من الطيران، كايوري لكونطور و ريش الطيران د جناوحو

الجناوح كايكونو كبار، و فيهم 11 الريشة رئيسية؛[31] لحمام عندهوم عضلات د الجناح مجهدين (لعضلات د الجناح كايكوْنو 31–44٪ من لوزن د كسدتهوم)[32] و كايتعتابرو أقوى طيارا من بينات ݣاع الطيور.[31]

ف واحد السيريات د التجارب ف 1975 من عند الدوكتور مارك بي فريدمان، ب تخدام ليمام، لخصلة نتاعهوم د تضوار الراس تورّات ب سباب لغريزة الطابيعية نتاعهوم باش يخلّيو لڤيزيو ديالهوم تابتة.[33] هاد لخصلة تورّات عاوتاني ف تجريبة د عام 1978 من الدوكتور باري دجاي فروست، فين حط لحمام ف الطاپي رولو؛ و تقشع بلي ماضوروش ريوسهوم، حيت داكشي لي ضاير بيهم تابت.[34]

الريش

بدل

لحماميات عندهوم الريش د لكسدة أونيك، لعمود د الريش ب شكل عام كايكون عريض، قوي، و مسطح و كايبقى يرقاق حتى كايتقطع ف واحد النقطة على غفلة.[31] ب شكل عام، عمود الريش اللوراني غايب؛ وخا هاكداك، شي ريش د لقزازب و الجنحين يقدر يكون حاضر ف النواع الصغار منهوم.[35] ريش لكسدة كايكون فيهم قواعد كتيفين و واسعين بزاف، و لاصقين ب شكل مرخي ف الجلد، و دغيا كايتݣلعو.[36] هادشي واقيلا كايتخدّم كا ميكانيزم جتينابي ضد لمفتارسات،[37] حيت واحد لعدد كبير من الريش كايطيح ف فم لمفتارس يلا الطير تشقم، هادشي لي كايسهل لهروب ديالو. نمط الريش ديال هاد لفاميلة كايتنوع.[38]

النواع لحبايبيين كايميلو باش يكون عندهم نمط الريش كاشف (باهت)، ب ستيتناءات قلال، ف لوقيتة لي النواع لفكايهيين عندهوم نمط الريش ضاوي (فاتح).[39] يمامات لفاكهة وحدين من أفتح لحمامات ف اللون، ب تلاتة د النواع من لحمامة الزرقا مستوطنين ب شكل أصلي ف فيجي و لموحيط لهندي هوما لفاتحين ݣاع. لحمام و ليمام يقدرو يكونو وحدانيين (Monochromatic) ولا جاوجيين (Dichromatic) الشوفة.[40] زيد على اللوان الضاويين، لحمام يقدر يكون عندو لعرف و شي تزواقات خرين.[41]

الطيران

بدل
 
آنيماسيو د لحمام و هو كايطير

لحماميات طيارا واعرين ب سباب لهزّان لي كايطرا ليهوم من جناوحهوم لكبار، هادشي لحاصول د لعمارة/الشارج د الجناح نازل - low wing loading؛[42] هوما مراوغين ب شكل زايد ف لوقيتة د الطيران[43] و عندهوم النسبة د لمطاولة نازلة - low aspect ratio ب سباب لعرض د جناوحهوم، هادشي كايخليهوم يبداو الطيران دغيا و كايعطيهوم لقدرة على لهريب من لمفتارسات، و لايني كايدّي ليهوم الطاقة ب شكل زايد.[44]

التوزيع و لموؤل

بدل
 
يمامة الزيبرا (geopelia striata) تدخّلات ل شلّا قنات ف لعالم
 
ݣراب حداه فرݣ من لحمام الشايع كاياكلو من لرض، لمغريب

لحمام و ليمام موزعين ف ݣاع لقنات ف لأرض، من غير لبلايص الناشفين ݣاع ف الصحرا لكبرى، آنطاركتيكا (لقطب الجنوبي) و لݣزاير لي ضايرين بيها، و ف لقطب الشمالي لفوقاني.[45] هاد الطيور ستعمرو جل لݣزاير لأوقيانوسية، و وصلو شرق پولينيزيا و ݣزاير التشاتهم ف لموحيط لهادي، لموريشوس، السييْشيل و و ريونيون ف لموحيط لهندي، و لآزور ف لموحيط لأطلاسي.

هاد لفاميلة تآضاپطات ف ݣاع لموايل لموفرين ف لكوكب. هاد النواع يقدرو يكونو شجريين، أرضيين، ولا نص أرضيين. بزاف د النواع لخرين عاوتاني كايسكون ف الصاڤانا، التيرات د لݣازو، الصحاري، لغابات و غابات الشجر لمعتادلين، غابات لمانݣروڤ، و حتى الرملة و لحصى لي ف لحلقات لبرية د لحواض لمرجانية.[46]

شي نواع عندهوم مادى طبيعي كبير. دكر الله (يمامة) بو ودنين شاد مادى ف أمريكا الجنوبية كلّها، من كولومبيا ل أرض لعافية،[47] دكر الله لأوراسي عندو توزيع هايل شاد بريطانيا على طول أوروپا، شمال إفريقيا، الشرق لأوسط، لهند، پاكيستان، و الشينوا،[48] و دكر الله الضاحك شاد على طول إفريقيا جنوب الصحرا، و حتى ل هند، پاكيستان، و الشرق الأوسط.[49]

أكبر مادى د شي نوع من هاد لفاميلة هو اللي عند لحمامة الشايعة.[50] هاد النوع عندو توزيع طبيعي كبير من إيرلاضا و بريطانيا ل شمال إفريقيا، على طول أوروپا، شبه لݣزيرة لعربية، آسيا لوسطى، لهند، و لهيمالايا و حتى ل الشينوا و مونݣوليا.[50] لمادى د النوع تزاد ب شكل كايخوف قبل مايتضوميستيكا، حيتاش النوع ولا مطلوق ف شي مدون ف ضايرين ب لعالم.[50] لحمامة الشايعة دابايا ولا ساكن على طول أمريكا الشمالية، و نصّب راسو ف لمدون و لبلايص لمدينية ف أمريكا الجنوبية، إفريقيا جنوب الصحرا، جنوب شرق آسيا، الجاپون، ؤصطراليا و نيوزيلانضا.[50]

بحالهوم بحال لحمام الشايع، بزاف د النواع لخرين من لحمام نصبو ريوسهوم برّا من لمادى الطبيعي ديالهوم من بعد ما هربو من لكاپتيڤيطي، و نواع خرين زادو من لمادى الطبيعي ديالهوم ب سباب التبدال ف لموايل لي جا من عند بنادم.[51] واحد الديراسة د عام 2020 لقات بلي الساحل الشرقي ديال ميريكان فيه جوج جينات مبدلين ديال لحمام ف لمدون لعملاقة ف نيويورك و بوسطن، و قشعو بلي هاد الطيور ماكايتخالطوش معا بعضياتهوم.[52]

شي نواع ف لحماميات عندهوم توزيع ݣليول و محصور، ف لعادة كايتشافو ف لݣزاير الصغيورين، كيف ما ليمامة د لفاكهة الصفارة، لي هي مستوطنة أصلية ف ݣزيرة كاداڤو الصغيورة ف فيجي،[53] يمامة لرض د كارولاين، محصورة ف جوج ݣزاير، لي هوما طروك و بوهنپييْ ف ݣزاير لكارولاين،[54] و دكر الله د ݣريناضا، لي كايتلقى غير ف ݣزيرة ݣريناضا ف لكاريبي.[55]

شي نواع قارّيين حتى هوما عندهوم توزيع ݣليول، كيف يمامة لفامهة مّو خطوط كوحل، لي محصورة ف منطاقة صغيرة ف آرنيم لاند ف ؤصطراليا،[56] لحمامة الصومالية، كاتلقى غير ف واحد لمنطاقة صغيورة ف الشمال د الصومال،[57] و يمامة لرض د مورينو، لي مستوطنة أصلية ف لبلايص لي ضايرين ب سالطا و طوكومان ف شمال د لارجونتين.[39]

السلوك

بدل

لماكلة

بدل
 
حمامة خضرا مّو كرش صفرا (treron sieboldii) كاتاكل لفروي

الزريعة و لفاكهة كايكوْنو طرف كبير ف الريجيمات ديال لحمام و دكر الله،[58][59] و لفاميلة تقدر تتقسّم ما بين النواع لوكالا د الزريعة، ولا لحبايبيا (فاميلة تحتانية د لحمايميات) و النواع لوكالا د لفاكهة، ولا لفكايهيا، لي كايكوْنو الربعة د لفاميلات التحتانيين لباقيين.[60]

النواع لحبايبيا ف لعادة كاياكلو الزريعة لي كاتتلقى ف لرض، ف لوقيتة لي النواع لفكايهيا كايميلو باش ياكلو ف الشجر.[60] لآضاپطاسوات لمورفولوجية تخدّمات باش تفًرّز بينات لݣروپات ب جوج، لحبايبيا منهوم كايميلو باش يكون عندهوم حيوط غلاض ف لمصارن و لمريء، أما لفكايهيا تطوورو عندهوم حيوط رقاق،[61] و النواع لوكالا د لفاكهة عندهوم مصارن قصار، هادشي عكس النواع لوكالا د الزريعة لي عندهوم مصارن طوال.[62] لفكايهيا قادرين باش يتعلّقو ف لعروش و قادرين حتى يتعلقو و هوما مقلوبين باش يوصلو ل لفاكهة.[60][63]

زيد على لفاكهة و الزريعة، كاين بزاف د النواع كايتغداو على مواد د لماكلة خرة. شي وحدين، ب الضبط يمامات لرض و يمامات السمان كاياكلو كم كبير من لمواد د لفرايس بحال لبخوش (حشرات) و الدود.[60] واحد النوع، يمامة لفاكهة د لحلق لمرجاني، متخصّة ف فريس لبخوش و الزواحف.[60] لغلال (ببوش)، لعت، و حشرات خرين كايتكالو من لحمام بو تاج بيض، يمام لفاكهة الليموني، و يمام لرض لحمراني.[63]

لحمام لمديني (Urban) لمطلوق، لحفايد ديال لحمام الشايع لمربّي (Columbia Livia)، كايسكن ف لبيئات لمدينية، هادشي لي كايخلخل لعادات د لماكلة الطبيعية ديالهوم. كايعولو على لأنشيطة و التفاعولات د بنادم باش ياخدو لماكلة، هادشي لي كايخليهوم يعلفو من لماكلة لمرمية ولا لماكلة لمعطية ليهوم من عند بنادم.[64]

الضوميستيكاسيو

بدل

لحمام الشايع تضوميستيكا من بنادم هادي مياوات لعوام.[65] خرّجو منو بزاف ديال السلالات مملوكين عند لمولوعين و لمبليين ب تربية لحمام، أشهر متال على التخدامات دياولهوم هو تسابيق لحمام.[65] شي سلالات شعبيين خرين كايتشقلبو بحال حمامة لقلاب د بيرمينݣهم، و شي تنويعات لوكس (فاخر) كايلاقيوهوم على ود شي خصايل فيزيائية كيف ما الريش لكبير لي ف لكراوع ولا لقزازب لي على شكل فرفارة. لحمام الشايع لمربّي (مضوميستيكي) كايلاقيوهوم عاوتاني كا حمام زاجل،[66] تخدّمو ل آلاف لعوام باش يهزو و يوصلو لميساجات لمختاصرين،[67] و ليمام د الطليق تخدم ف لحفالي.[68] ليماما لبيض كايتخدّم عاوتاني على ود الترفيه و التفلية، ب صيفتهوم قادرين على حل لألغاز و قادرين يأدّيو التقوليبات (tricks).[69] واحد التنويعة سميتها الزوريطو، كايلاقيوهوم على ود السرعة ديالهوم، تقدر تتخدم ف لأنشيطة د قنص لحمام.[70][71]

لحالة و لمحافضة

بدل
 
يمامة صوكورّو (zenaida graysoni) منقارضة ف لبرّيّة
 
الضوضو (raphus cucullatus)، نوع من لحماميات لي نقارض ب سباب بزاف د لعواميل بحال بنادم
 
حمامة لڤواياجور (ectopistes migratorius)، نقارضات ف لبدية د لقرن 20 وخا لفروݣا ديالها كانو كايتحسبو ب لملاير

ف لوقيتة لي بزاف د النواع من لحمام و ليمام تنفّعو من لأنشيطة د بنادم و زادو من لمادى نتعاهوم، شلا نواع خرين نقص ف التعداد ديالهوم و شي وحدين خرين ولاو مهددين ولا نقارضو أصلاً.[72] من بينات لعشرة د النواع لي نقارضو من عام 1600 (الضاط التقليدية ل تقدار النقيراضات لعصرية) كاينين جوج من أشهر النقيراضات د النواع، الضوضو و حمامة لڤواياجور.[72]

ل بزاف د لأسباب حمامة لڤواياجور كانت فريدة من نوعها. ف الزمان لعصري، هي نوع لحمام لوحيد لي نقارض وخا ماكانش نوع د لݣزيرة،[72] وخا كان ف واحد لوقت أكتر نوع من الطيور كتير ف لأرض. التعداد لفايت صعيب ف التقدار، و لايني واحد لعالم د الطيور، آلكزاندر ويلسن، قدّر بلي واحد لفرݣ شافو كان فيه كتر من 2 مليار طير.[73] النقصان د النوع كان على غفلة؛ ف 1871، واحد لمسعمارة د لملاقية تقدّر بلي فيها كتر من 100 مليون طير، وخا هاكداك آخر فرد من النوع مات ف 1914.[74] وخا خسران لموايل كان عامل معاون، تشاف بلي السباب هو الصيادة ديالهوم لي فوق لقياس، تخدمو كا ماكلة ل لعبيد، و ف اللاحق، لفوقارا.

النقيراض د الضوضو، كان بحال النقيراضات د شي حمام شحال هادي. بحال بزاف د النواع لي كايستعمرو لݣزاير لمعزولين ب مفتارسات قلال، خسرو السلوك ديالهوم د جتيناب لمفتارسات، زيد لقدرة على الطيران.[75] لمجية ديال بنادم، هوما و النواع لي دخلوهوم ل لمرة اللولى بحال الطوبات، لحلالف، و لمشاش، دغيا وداو ل لمسالية د هاد النوع هو و ݣاع الشكال د لݣزيرة لخرين لي نقارضو.[75]

جوايه 59 نوع من لحمام و ليمام مهدد ب النقيراض ليوم، شي 19% من ݣاع النواع د لحماميات.[76] ف لغالب نواع ستيوائية و لي عايشين ف لݣزاير. ݣاع النواع مهددين من لمفتارسات لي تدخلو، خسران لموايل، الصيادة، ولا شي تخليطة من هاد لعوامل.[75] ف شي حالات، يقدرو يكونو منقارضين ف لبرية، بحال يمامة ݣزيرة سوكورو، لميكسيك، لي آخر مرة تشافت ف برية كان ف 1972، تجرات ل النقيراض ب سباب خسران لموايل و لمشاش لمطلوقين لي تدخّلو.[77] ف شي بلايص، قلة لمعريفة كاتعني بلي لحالة د بصح ديال النوع باقية مامعروفاش؛ يمامة النيݣرو د لفاكهة ماتشافتش من عام 1953،[78] و تقدر تكون منقرضة ولا ماتقدرش، و يمامة لرض لپولينيزية مكلاصية مهددة ب شكل خطير، و واش نجات ولا لا ف لݣزاير لمعزولين ف لقنت لغربي ديال لموحيط لهادي باقي مامعروفش.[79]

عيون لكلام

بدل
  1. ^ Gill, Frank; Donsker, David; Rasmussen, Pamela, eds. (2020). "Pigeons". IOC World Bird List Version 10.1. International Ornithologists' Union.
  2. ^ Crome, Francis H.J. (1991). Forshaw, Joseph (ed.). Encyclopaedia of Animals: Birds. London: Merehurst Press. pp. 115–116.
  3. ^ 9]Pereira, S.L. et al. (2007) Mitochondrial and nuclear DNA sequences support a Cretaceous origin of Columbiformes and a dispersal-driven radiation in the Paleocene. Syst Biol. 56:656–72
  4. ^ 10]Soares, A.E.R. et al. (2016) Complete mitochondrial genomes of living and extinct pigeons revise the timing of the columbiform radiation. BMC Evolutionary Biology, 16(230).
  5. ^ 11]Jarvis, E.D.; et al. (2014). "Whole-genome analyses resolve early branches in the tree of life of modern birds". Science. 346 (6215): 1320–1331.
  6. ^ Prum, R.O.; et al. (2015). "A comprehensive phylogeny of birds (Aves) using targeted next-generation DNA sequencing". Nature. 526 (7574): 569–573.
  7. ^ 15]Cade, Tom J.; Willoughby, Ernest J.; MacLean, Gordon L. (1966). "Drinking Behavior of Sandgrouse in the Namib and Kalahari Deserts, Africa" (PDF). The Auk. 83 (1): 124–126.
  8. ^ 16]Allen, Barbara (2009). Pigeon. Reaktion Books. ISBN 978-1-86189-711-4.
  9. ^ a b c 17]Baptista, L. F.; Trail, P. W.; Horblit, H. M. (1997). "Family Columbidae (Doves and Pigeons)". In del Hoyo, J.; Elliott, A.; Sargatal, J. (eds.). Handbook of birds of the world. Vol. 4: Sandgrouse to Cuckoos. Barcelona: Lynx Edicions. ISBN 978-84-87334-22-1.
  10. ^ Johnson, Kevin P.; Clayton, Dale H. (2000). "Nuclear and Mitochondrial Genes Contain Similar Phylogenetic. Signal for Pigeons and Doves (Aves: Columbiformes)" (PDF). Molecular Phylogenetics and Evolution. 14 (1): 141–151.
  11. ^ Johnson, Kevin P.; de Kort, Selvino; Dinwoodey, Karen; Mateman, A. C.; ten Cate, Carel; Lessells, C. M. & Clayton, Dale H. (2001). "A molecular phylogeny of the dove genera Streptopelia and Columba" (PDF). Auk. 118 (4): 874–887.
  12. ^ Shapiro, Beth; Sibthorpe, Dean; Rambaut, Andrew; Austin, Jeremy; Wragg, Graham M.; Bininda-Emonds, Olaf R. P.; Lee, Patricia L. M.; Cooper, Alan (2002). "Flight of the Dodo". Science. 295 (5560): 1683.
  13. ^ 20]Shapiro, Beth; Sibthorpe, Dean; Rambaut, Andrew; Austin, Jeremy; Wragg, Graham M.; Bininda-Emonds, Olaf R. P.; Lee, Patricia L. M.; Cooper, Alan (2002). "Flight of the Dodo". Science. 295 (5560): 1683.
  14. ^ Janoo, Anwar (2005). "Discovery of isolated dodo bones Raphus cucullatus (L.), Aves, Columbiformes from Mauritius cave shelters highlights human predation, with a comment on the status of the family Raphidae Wetmore, 1930". Annales de Paléontologie. 91 (2): 167.
  15. ^ Cheke, Anthony; Hume, Julian P. (2010). Lost Land of the Dodo: The Ecological History of Mauritius, Réunion and Rodrigues. Bloomsbury Publishing. ISBN 978-1-4081-3305-7.
  16. ^ "dodo | extinct bird". Encyclopedia Britannica
  17. ^ Christidis,es; Boles, Walter E. (2008). Systematics and Taxonomy of Australian Birds. Csiro Publishing. ISBN 978-0-643-09964-7.
  18. ^ 25]Fountaine, Toby M. R.; Benton, Michael J.; Dyke, Gareth J.; Nudds, Robert L. (2005). "The quality of the fossil record of Mesozoic birds". Proceedings of the Royal Society B: Biological Sciences. 272 (1560): 289–294.
  19. ^ Olson, Storrs L. (1985). "The fossil record of birds". In Farmer, Donald S.; King, James R.; Parkes, Kenneth C. (eds.). Avian Biology, Vol. VIII. Academic Press. pp. 79–238
  20. ^ a b Worthy, Trevor H.; Hand, Suzanne J.; Worthy, Jennifer P.; Tennyson, Alan J. D.; Scofield, R. Paul (2009). "A large fruit pigeon (Columbidae) from the Early Miocene of New Zealand". The Auk. 126 (3): 649–656.
  21. ^ "Fossilworks: Gateway to the Paleobiology Database". fossilworks.org.
  22. ^ Mayr, Gerald (2009). Paleogene Fossil Birds. Springer. ISBN 978-3-540-89628-9.
  23. ^ ""Columbidae (doves and pigeons)"".
  24. ^ "Victoria crowned-pigeon videos, photos and facts – Goura victoria". Arkive
  25. ^ "Southern crowned-pigeon videos, photos and facts – Goura scheepmakeri". Arkive
  26. ^ horsen, M., Blanvillain, C., & Sulpice, R. (2002). Reasons for decline, conservation needs, and a translocation of the critically endangered upe (Marquesas imperial pigeon, Ducula galeata), French Polynesia. Department of Conservation.
  27. ^ Smith, Paul. "COLUMBIDAE Pigeons and Doves FAUNA PARAGUAY". www.faunaparaguay.com.
  28. ^ 35]Hagey, LR; Schteingart, CD; Ton-Nu, HT; Hofmann, AF (1994). "Biliary bile acids of fruit pigeons and doves (Columbiformes)". Journal of Lipid Research. 35 (11): 2041–8. doi:10.1016/S0022-2275(20)39950-8. PMID 7868982.
  29. ^ ""Doves"".
  30. ^ Browne, Thomas (1646). Pseudodoxia Epidemica. Vol. III.iii (1672 ed.). available online at University of Chicago.
  31. ^ a b c ""Columbiformes (Pigeons, Doves, and Dodos) – Dictionary definition of Columbiformes (Pigeons, Doves, and Dodos)"".
  32. ^ Clairmont, Patsy (2014). Twirl: A Fresh Spin at Life. Harper Collins. ISBN 978-0-8499-2299-2.
  33. ^ "Why do pigeons bob their heads when they walk? Everyday Mysteries: Fun Science Facts from the Library of Congress". www.loc.gov
  34. ^ Necker, R (2007). "Head-bobbing of walking birds" (PDF). Journal of Comparative Physiology A. 193 (12): 1177–83.
  35. ^ Schodde, Richard; Mason, I. J. (1997). Aves (Columbidae to Coraciidae). Csiro Publishing.
  36. ^ Skutch, A. F. (1964). "Life Histories of Central American Pigeons" (PDF). Wilson Bulletin. 76 (3): 211.
  37. ^ "DiversityofLife2012 – Pigeon". diversityoflife2012.wikispaces.com. Archived from the original on 6 November 2020
  38. ^ Hilty, Steven L. (2002). Birds of Venezuela. Princeton University Press. ISBN 978-1-4008-3409-9.
  39. ^ a b Baptista, L. F.; Trail, P. W.; Horblit, H. M. (1997). "Family Columbidae (Doves and Pigeons)". In del Hoyo, J.; Elliott, A.; Sargatal, J. (eds.). Handbook of birds of the world. Vol. 4: Sandgrouse to Cuckoos. Barcelona: Lynx Edicions.
  40. ^ Valdez, Diego Javier; Benitez-Vieyra, Santiago Miguel (2016). "A Spectrophotometric Study of Plumage Color in the Eared Dove (Zenaida auriculata), the Most Abundant South American Columbiforme". PLOS ONE. 11 (5): e0155501.
  41. ^ ""Pigeon family Columbidae"".
  42. ^ Alerstam, Thomas (1993). Bird Migration. Cambridge University Press. ISBN 978-0-521-44822-2.
  43. ^ Forshaw, Joseph; Cooper, William (2015). Pigeons and Doves in Australia. Csiro Publishing. ISBN 978-1-4863-0405-9.
  44. ^ Pap, Péter L.; Osváth, Gergely; Sándor, Krisztina; Vincze, Orsolya; Bărbos, Lőrinc; Marton, Attila; Nudds, Robert L.; Vágási, Csongor I. (2015). Williams, Tony (ed.). "Interspecific variation in the structural properties of flight feathers in birds indicates adaptation to flight requirements and habitat". Functional Ecology. 29 (6): 746–757.
  45. ^ "Columbidae (doves and pigeons)". Animal Diversity Web.
  46. ^ "Pigeons and Doves (Columbidae) – Dictionary definition of Pigeons and Doves (Columbidae)". www.encyclopedia.com
  47. ^ "Zenaida auriculata (eared dove)". Animal Diversity Web.
  48. ^ "Eurasian collared dove (Streptopelia decaocto) detail". natureconservation.in. 5 February 2019
  49. ^ "Laughing Dove This Bird Is Native To Subsaharan Africa The Middle East And India Where It Is Known As The Little Brown Dove It Inhabits Scrubland And Feeds On Grass Seeds And Grain Stock Photo". www.gettyimages.in. Archived from the original
  50. ^ a b c d "Rock Pigeons (Columba livia) aka Feral or Domestic Pigeons". www.beautyofbirds.com
  51. ^ 17]Baptista, L. F.; Trail, P. W.; Horblit, H. M. (1997). "Family Columbidae (Doves and Pigeons)". In del Hoyo, J.; Elliott, A.; Sargatal, J. (eds.). Handbook of birds of the world. Vol. 4: Sandgrouse to Cuckoos. Barcelona: Lynx Edicions.
  52. ^ Sokol, Joshua (23 April 2020). "New York and Boston Pigeons Don't Mix". The New York Times. ISSN 0362-4331.
  53. ^ Whistling Fruit Doves". www.beautyofbirds.com. 16 September 2021.
  54. ^ Gibbs, David (2010). Pigeons and Doves: A Guide to the Pigeons and Doves of the World. Bloomsbury Publishing. ISBN 978-1-4081-3555-6.
  55. ^ ["Grenada Dove (Leptotila wellsi) – BirdLife species factsheet". datazone.birdlife.org
  56. ^ Schodde, Richard; Mason, I. J. (1997). Aves (Columbidae to Coraciidae). Csiro Publishing. ISBN 978-0-643-06037-1.
  57. ^ Baptista, Luis F.; Trail, Pepper W.; Horblit, H. M.; Sharpe, Christopher J.; Boesman, Peter F. D.; Garcia, Ernest (4 March 2020). Del Hoyo, Josep; Elliott, Andrew; Sargatal, Jordi; Christie, David; De Juana, Eduardo (eds.). "Somali Pigeon (Columba oliviae)". Birds of the World.
  58. ^ ""Columbidae (doves and pigeons)"".
  59. ^ "What Do Doves Eat – Best Food For Doves". www.birdfeedersspot.com. Archived from the original
  60. ^ a b c d e "Pigeons And Doves – What's The Differance?". birdsofeden.co.za. 22 July 2011. Archived from the original
  61. ^ {{مرجع ويب | url = https://animaldiversity.org/accounts/Columbidae/ | title = "Columbidae (doves and pigeons)"
  62. ^ ]Campbell, Bruce; Lack, Elizabeth (2010). A Dictionary of Birds. Bloomsbury Publishing. ISBN 978-1-4081-3838-0.
  63. ^ a b Baptista, L. F.; Trail, P. W.; Horblit, H. M. (1997). "Family Columbidae (Doves and Pigeons)". In del Hoyo, J.; Elliott, A.; Sargatal, J. (eds.). Handbook of birds of the world. Vol. 4: Sandgrouse to Cuckoos. Barcelona: Lynx Edicions. ISBN 978-84-87334-22-1.
  64. ^ Belguermi, Ahmed; Bovet, Dalila; Anouck, Pascal; Prevot-Julliard, Anne-Caroline; Jalme, Michel Saint; Rat-Fishcer, Lauriane; Leboucher, Gerard (2011). "Pigeons discriminate between human feeders". Animal Cognition. 14 (6): 909–914. doi:10.1007/s10071-011-0420-7. PMID 21647649. S2CID 8632076.
  65. ^ a b Shapiro, Michael D.; Domyan, Eric T. (2013). "Domestic pigeons". Current Biology. 23 (8): R302–R303. Bibcode:2013CBio...23.R302S. doi:10.1016/j.cub.2013.01.063. PMC 4854524. PMID 23618660.
  66. ^ "Pigeon family Columbidae". creagrus.home.montereybay.com
  67. ^ "WysInfo Docuwebs – The Columbidae Family". www.wysinfo.com
  68. ^ "Release of White Doves for your wedding from Pangroove Elegant Events In Barbados". www.pangroove.com. Archived from the original
  69. ^ Brough, Clarice. "White Dove". Animal World.
  70. ^ Montague, Andrew (16 August 2000). Successful Shotgun Shooting. Derrydale Press. ISBN 978-1-4617-0270-2. Archived from the original on 16 December 2020.
  71. ^ Montague, Andrew (2000). Successful Shotgun Shooting. The Derrydale Press. p. 98. ISBN 1-56833-164-9.
  72. ^ a b c "Species Extinction Time Line | Animals Lost Since 1600". National Geographic. Archived from the original
  73. ^ "The Birds". The New Yorker. 6 January 2014.
  74. ^ "Passenger Pigeon". Nebraska Bird Library
  75. ^ a b c Gibbs, David (2010). Pigeons and Doves: A Guide to the Pigeons and Doves of the World. A&C Black. ISBN 978-1-4081-3556-3.
  76. ^ Walker, J. (2007). "Geographical patterns of threat among pigeons and doves (Columbidae)". Oryx. 41 (3): 289–299. doi:10.1017/S0030605307001016.
  77. ^ BirdLife International (2009). "Socorro Dove Zenaida graysoni". Data Zone. BirdLife International. Archived from the original on 5 January 2009.
  78. ^ "Ptilinopus arcanus (Negros Fruit-dove, Negros Fruit Dove, Negros Fruit-Dove)". IUCN Red List of Threatened Species. October 2016.
  79. ^ "Alopecoenas erythropterus (Polynesian Ground-dove, Polynesian Ground Dove, Polynesian Ground-Dove, Society Islands Ground-dove, White-collared Ground-dove)". IUCN Red List of Threatened Species. October 2017
مرجّعة من "https://ary.wikipedia.org/w/index.php?title=حماميات&oldid=380686"