حاييم نحماني


حاييم نحماني، تولد ف فبراير 1902 ف سّطات ؤ مات ف 1984 ف كفار سابا، كان تاجر د جّملة ف دارلبيضا. ف لّول د تلاتينات، خدم وكيل تقافي باش يروج ل لقراية د لوغة لعبرية، ؤ كان كيمتل لحراكة لمزراحية ف لمغريب.

حاييم نحماني
معلومات عامة
زيادة فبراير 1902
سطات
لموت 1984 (81/82 عام)
كفار سابا
لجنسية لمغريب
إسرائيل
لحرفة Wholesaler و ناشر

كان كينشر جورنال خبارات على خوانينا ف إسرائيل و ف دياسپورا لي كان كيتفرق ف سيناݣوݣات ف لويكاند، ؤ طرجم كتاب "تاريخ يهود د لمغريب" ب دّاريجة ليهودية.

حياتوعدل

تولد نحماني ف فبراير 1902 ف مدينة سّطات ف لمغريب، لي بعيدة ب 80 كيلوميتر تحت دارلبيضا. ملي كان صغير، كان كيقرا ف بلايص د تعليم تّقليدية، ؤ ف ليل كان كيقرا لفرانساوية ؤ لمواد لعامة. هاجر ف شبابو ل دارلبيضا فين خدم تاجر د لݣرو د سلاعي د ديور جايبينها من فرانصا ؤ روسيا.[1]

ف نص د تلاتينات، ملي كبر نشاط صهيوني ؤ لعيبري ف لمغريب، خدا نحماني دور مركزي فيه. ف لول، شارك ف لجنة تنضمية د لجمعية لمركزية د تفراق لوغة لعيبرية ف دارلبيضا - "نجمة داود".[2] ف لحرب لعالمية تانية، أسس جمعية أخرا د تفراق لعيبرية سميتها "حباب لوغة".[3] ف إطار لجمعية، نضم ف دارو ؤ ف سيناݣوݣ لي كيملك، جتماعات ؤنݣ شباط شارك فيهم شاعر لحاخام ديڤيد بوزاݣلو، ؤ أشر حسين، لي ولا عضو د لكنيست من بعد معا حيزب ماپاي. زيادة علا هاد لجمعية، دار مؤسسة ماشي رسمية د دراسات لعيبرية ف دارو. ف هاد لمؤسسة، بانت شخصية د بنت نحماني، دينا، لي خدمات سكرتيرة د بّاها، ؤ لعبات دور نشيط ف لقراية د لأخبار ؤ لخطبات ل لجمهور.

ف 1954، هاجر نحماني معا فاميلتو ؤ عاش ف كفار سابا. خدم ف إسرائيل كا عضو ف حراكة هاپويل هامزراحي، ؤ عاون ف لحريݣ ؤ لمجيب د ليهود لمغاربة، ؤ كبّر نشاط ديالو بين ليهود لمغاربا ف إسرائيل. توفا حاييم نشماني ف 1984.

لأعمالعدل

نحماني دار طرجامة ديال طرف من كتاب على تاريخ لمغاربا ليهود من لفرانساوية ل دّاريجة ليهودية، لي كان أصلاً كاتبو إسحاق داڤيد عبو، لي كان رائيس جّماعة د ليهود ف رّباط، ؤ من بعد ف كازا.[4]

  • هيسطوريا د لياهود د لماروك ب لعربية موطرزامة مين لفارانسية [تاريخ د ليهود د لمغريب مطرجم ب لعربية من لفرانساوية] (ب دّاريجة لمغريبية ليهودية). غشت 1953.

عيون لكلامعدل

  1. ^ בני ציפר (21 ماي 2015). "על שולחן האוכל בבית במושב בני דרום גיליתי אוצר". هارتس (ب العبرية).
  2. ^ דוד גדג' (8 يوليوز 2018). "העיתון שעדכן את יהודי מרוקו ב"חדשות על אחינו בארץ ובגולה"". لمكتابة لوطنية د إسرائيل (ب العبرية).
  3. ^ רפאל בזיז (2017). אלה תולדות קבוצת חובבי השפה: מנערותנו במרוקו לימינו בישראל (2016־1953) (ب العبرية). Ofir Bikurim. ص. 204.
  4. ^ "موسوعة ليهود ف لعالم لإسلامي". Cite journal requires |journal= (معاونة)

لمزاودعدل