خبارات على خوانينا ف إسرائيل و ف دياسپورا

جورنال مغريبي سيماني ب دّاريجة ليهودي

خبارات على خوانينا ف إسرائيل و ف دّياسپورادّاريجة ليهودية כבאראת עלא כואננא בארץ ובגולה) هوّا جورنال مغريبي سيماني كان موجّة ل لمغاربا ليهود ؤ كان كيصدر ف كازا ب دّاريجة ليهودية مابين 4 يناير 1947 ؤ 28 أبريل 1956. هاد جّورنال كان عندو توجه صهيوني، ؤ كان كيحاول يغري ليهود د لمغريب باش يساهمو ف تطوير لقتيصاد ديال إسرائيل،[1] ؤ كيشجعهوم باش يهاجرو تماك. كانت كايتوزّع فابور ف سّيناݣوݣات (معابد د ليهود) نهار جّمعة، ؤ ستعمل دّين كا غطا باش ينشر لپروباݣاندا صّهيونية.[2] خرجو منو 199 نمرة ب مجموع ديال 211 صفحة.[3]

لمؤسس ديال جّورنال هوّا حاييم نحماني (ؤلا نشماني) لي أصلو من سطات، ؤ كان هاجر ل كازا ف عوام 1920، باش يخدم ف تّبزنيس. ف لبدية جّورنال كان كيتّنشر بشكل لامنتانضم ؤ محدود، حيت كان ناقصو تّمويل. ف غشت 1949، غادي يكون نحماني ف زيارة ل إسرائيل ؤ غادي يتلقا دعم من صّندوق لقومي ليهودي، لي غادي يخلي جّورنال يبدا يخرج كلا سيمانة.[2] على حساب رافاييل أفيتال، لي كان ف داك لوقت ناشط صهيوني ؤ ؤستاد د لعبرية ف صفرو، جّورنال كان كيتّقرا ف سّيناݣوݣ معا لقراية لؤسبوعية د تّورا، ؤ كيدوّزوهوم نّاس من يد ل يد. ملي كانو نّوساخ لي جاو من كازا ماكيكفيوش كانو نّوشاطا لمحليين كيطبعو نوساخ جديدة.[2]

فاش هاجر نحماني ل إسرائيل ف 1954، غادي يولي ليديتور د جّورنال هوّا لحاخام مرداخاي لمالح، ؤ ملي مات لحاخام، خدا بلاصتو يشيل بوسكيلة لي كان موعلّيم ؤ شاعر يهودي مغريبي ؤ رائيس ديال لجمعية لعبرية د كازا. مورما خدا لمغريب سّيتقلال ديالو ف مارس 1956، بوسكيلة هاجر ل إسرائيل، ؤ جّورنال حبس ف مرة.[2]

عيون لكلامعدل

  1. ^ "اليهودي، العبري، الإسرائيلي والصهيوني : قراءة مفاهيمية هل من خصوصيات مغربية؟" (ب لعربية). 14 دجنبر 2021.
  2. ^ a b c d "سيمانية كانت كانت كاتّنشر ف سّيناݣوݣات" (ب العبرية).
  3. ^ "خبارات على خوانينا ف إسرائيل و ف دياسپورا".

لمزاودعدل

 
هادي زريعة ديال مقالة خاصها تّوسع. تقدر تشارك ف لكتبة ديالها.