تقويم هولوسيني

تّقويم لهولوسيني ؤلا تّقويم لبنادمينّݣليزية Holocene Calendar ؤلا Human Era، ب ختيصار HE) هوّا تقويم لي كيزيد 10.000 عام بضّبط ل تّقويم لي متداول دابا بزاف لي هوّا تّقويم لݣريݣوري، باش يبدا تّأريخ من تّورة زّراعية لي كاتمتّل لبدية ديال لعصر لهولوسيني (لعصر د بنادم لي هوّا لعصر جّيولوجي لي كيانعيشو فيه). هاد تّقويم قتارحو لعالم د جّيولوجيا لميريكاني طّالياني سيزاري إيميلياني ف 1993، ولاكين قتيراحات بحالو كانو ديجا تدارو عقود قبل من داكشي من ناس خرين. لعام دابا ف تّقويم لهولوسيني هوّا 12022.[1]

لهدف لاش تدار هاد تّقويم هوّا باش يعالج مجموعة د لمشاكيل ف تّقويم لميلادي لي مخدّم دابا، لي من بينها:

  • سّيستيم ديال قبل ؤ بعد لميلاد مبني على تقريب مامضبوطش ؤلا متنازع عليه ديال نهار لميلاد د لمسيح. تّقويم كيحط لميلاد ديالو ف عام 1 ميلادية، ولاكين لباحيتين دابا كيعتاقدو بلي ف لغالب تّولد ف 4 قبل لميلاد.
  • لميلاد ديال لمسيح هوّا حادات لي ماكيهمّش جميع تّقافات د لعالم، عكس تّورة زّراعية.
  • لعوام د قبل لميلاد كيتحسبو ف ليتيجاه لعكسي (متلا 10 قبل لميلاد جات قبل من 5 قبل لميلاد)، شّي لي كيعقّد لحساب.
  • سّيستيم ديال تّقويم لميلادي مافيهش "لعام زيرو"، شّي لي كيزيد يعقّد لحساب كتر.

عيون لكلامعدل

  1. ^ يان ݣيلينبوك (2018). Encyclopaedia of Historical Metrology, Weights, and Measures, Volume 1. Springer International Publishing. ص. 324. ردمك 9783319575988.
 
هادي زريعة ديال مقالة خاصها تّوسع. تقدر تشارك ف لكتبة ديالها.