تاريخ لفلسفة لغربية (كتاب)
تاريخ لفلسفة لغربية (ب النڭليزية A History of Western Philosophy) هوّ كتاب د لفلسفة خرج ف 1945 و ألّفو لفيلسوف و لماطيماتسيان لبريطاني بيرتراند راسل. لكتاب كيدير مراجعة ديال لفلسفة لغربية من لفلسفة ليونانية قبل سقراط تال لبدية ديال لقرن 20. ف كلا شاپيطر كيبدا ب شرح الضروف لإجتماعية و السياسية ديال لفترة لي عاش فيها شي فيلسوف قبل ما يشرح و ينتاقد لأفكار ديالو.[1] هاد لكتاب كان من بين لأعمال لي كانو سباب باش دّا بيرتراند راسل جايزة نوبل د لأداب ف 1950.
تاريخ لفلسفة لغربية (كتاب)
| ||
| معلومات عامة | ||
| عنوان أصلي | A History of Western Philosophy | |
| لموضوع رئيسي | تاريخ لفلسفة لغربية | |
| نوع د لكتاب | أدب فلسفي، مقالة و لاتعاويد | |
| طبعات ؤ طرجمات | حكمة الغرب، تاريخ الفلسفة الغربية (الهيئة العامة، 2010) و A history of Western philosophy (Simon and Schuster,1967) | |
| مؤلف | بيرطراند راسل | |
| لّوغة لأصلية | نڭليزية | |
| تاريخ د نّشر | 1945 | |
لكتاب كان عندو نجاح تجاري كبير و ريّح راسل مادياً ف ما تبقى من حياتو. بزاف نتاقدوه وخا داكشي حيت فيه تعميمات و نسيان عدد د لفلاسفة و لأنضيما لفلسافية لمهمين، سيرتو مورا ديكارط.
لخلفية
بدلتّكتب هاد لكتاب ف لوقت ديال لحرب لعالمية الجاوجة، و تبازا على محاضرات على التاريخ د لفلسفة لي كان لقاها راسل ف 1941 و 1942 ف مؤسسة بارنز ف فيلاديلفيا.[2] طرف كبير من لمجهود د التقلاب ف لمصادر على ود لكتابة ديالو، دارتو مراتو پاطريشا. ف 1943، خدا بيرتراند راسل تسبيق ديال 3000 دولار من عند الناشر ديالو، و ألّف لكتاب مابين 1944 و 1945، فاش كان ڭالس ف كلية برين مار ف پينسيلڤينيا. ف 1946 تّنشر لكتاب ف لمملكة لمتحدة، و موراها ف لميريكان. ف 1961، خرجات طبعة "جديدة" من لكتاب، مي ماكان فيها تا شي زيادة. بعض التصحيحات تدارو ف النسخة د لمملكة لمتحدة، مي النسخة لميريكانية بقات كيما هيّ، بما فيها لغالاط ف تاريخ الزيادة د سپينوزا.
خلاصة د لكتاب
بدلهاد لعامال مقسوم ل تلاتة د لڭزوات، كلا واحد فيهوم مكوّن من عدد د الشاپيطرات. أغلب الشاپيطرات كيهضرو على شي فيلسوف ؤلا سيستيم فلسافي محدد ؤلا فترة تاريخية محددة.
لفلسفة لقديمة
بدللڭزو اللول كيهضر على هاد لمواضيع:
- لفلسفة قبل سقراط: فلاسفة بحال طاليس، پيطاڭوراس، هيراكليطوص، پارمينيديس، إمپيضوكليص، أناكسيماندر، أناكصيمينيص، أناكساڭوراص، ليووكيپوص، ديموكريطوص، و پروطاڭوراص.
- سقراط، أفلاطون، أرسطو
- لفلسفة لقديمة مورا أرسطو: لكلبيين، الشكوكيين، إپيكوريين، الرواقيين، و لفيلسوف پلوتينوص.
لفلسفة د لقرون لوسطانية
بدل- لفلسفة لعربية لفارسية و لفلسفة ليهودية ف لعالم لإسلامي.
- لفلسفة لمسيحية د لبّاوات لمؤسسين: لقديس أمبروز د ميلان، لقديس جيروم، لقديس أوڭوستينوس، لقديس بينيديكت د نورسيا، و لبابا ڭريڭوري اللول.
- لمدراسة الدارسية scholasticism (بحال دجون سكوتوس، بويتيوس و طوماس لأكويني).
لفلسفة لعصرية
بدل- من لعاودولادة تال ديڤيد هيوم: ماكياڤيلي، إراسموس، طوماس مور، بيكون، هوبز، ديكارط، سپينوزا، لايبنيتس، لوك، بيركلي، و هيوم.
- من روسو تال لحرب لعالمية الجاوجة: روسو، كانط، هيڭل، بايرون، شوپنهاور، نيتشه، النفعيين، ماركس، بيرڭصون، ويليام دجيمس و دجون ديوي.
- الشاپيطر اللخر ب عنوان "لفلسفة د التحليل د اللوجيك" كيهضر فيه راسل على لفلسفة ديالو.
لإستقبال
بدلمراجعات معاصرة
بدلعلى حساب لفيلسوف لبريطاني أ.س. ڭريلين "أغلبية لي راجعو لكتاب ... ملي بان لمرة اللولة ف 1945، تّافقو على جوج حوايج: لحاجة اللولة بلي مكتوب ب أسلوب زوين بزاف، قشاشبي، واضح و أمري. و تاني حاجة بلي ماشي ديما دقيق ف لوصف ديال لمفكرين لي كايهضر عليهوم ؤلا عادل ف التعامل معاهوم".[3] راسل تقلق شوية من لإستقبال لمخلط (سلبي و إيجابي) ل لكتاب، سيرتو من عند لأكاديميين.[4] هوّ براسو وصف لكتاب ديالو كا عامال ديال التاريخ لإجتماعي، و طلب باش يتم التعامل معاه على هاد الساس، و زاد:[5] "كانعتابر الطرف اللولاني ديال تاريخ لفلسفة لغربية تاريخ ديال التقافة. الطراف اللخرين فين الصيونص كاتولي كاتلعب دور موهيم، كانو صعب باش نحطهوم ف هاد لإطار. درت ما عليا، مي ماشي متيقن بلي نجحت. كاينين نقّاد تهموني بلي ماكتبتش تاريخ حقيقي مي رواية منحازة د لأحدات لي ختاريت باش نكتب عليها بشكل عشوائي. ولاكين ب نّسبة ليا، شي واحد لي ماشي منحاز مايمكنش يكتب تاريخ كيتير لإهتمام، يلا كاين شي واحد أصلاً لي قادر باش مايكونش منحاز."
ف 1947، لفيلسوف دجورج بواص كتب ف "جورنال د تاريخ لأفكار": "تاريخ لفلسفة لغربية كيغلط بشكل مداوم من هاد لمنضور. لكاتب ديالو ماشادش خط واحد و ماعارفش واش كيكتب تاريخ ؤلا كايتهجّم... [الطريقة ديالو] كاتعطي واحد الصبغة عصرية زايفة على فلاسفة لي ماتو و شبعو موت، لي تقدر تردهوم كيبانو مهمين ل شي واحد ماعارفش. ف جميع لحوال، هوّ قراية غالطة ديال التاريخ."[6] ف 1948، ف مجلة إزيس ليو روبرتس كتب بلي وخا راسل كاتب معلّم و قشاشبي، تاريخ لفلسفة لغربية هوّ ف لغالب أسوأ كتاب ديالو. ف نضرو، راسل كيكون ف أحسن حوالو ملي كيتعامل معا لفلسفة لمعاصرة، و بلي عكس من هادشي "التعامل ديالو معا لفلسفة لقديمة و لوسطانية ماعندو تقريباً تا قيمة."[7] من غير هادشي، لفيزيسيان ألبيرط أينشطاين و إرڤين شرودينڭر شكرو بزاف ف لكتاب.[8]
مراجعات د من بعد
بدلالناقد دجورج شطاينر ف كتابو على مارتين هايديڭر (1991) ڭال بلي تاريخ لفلسفة لغربية كتاب "قبيح" و دكر بلي ماجاب تا سيرة ل هايديڭر.[9] دجون ستيوارت ڭال ف The Hegel Myths and Legends بلي لكتاب ديال راسل من بين لكتوبا لي نشرو "أساطير" على هيڭل.[10] ستيفن هولڭييت ڭال بلي لإدعاء د راسل بلي السيستيم د الدولة د هيڭل كيأدي ل لإستبداد فكرة "جاهلة".[11] روجر سكروتون شكر ف لكتاب، ولاكين نتاقد راسل حيت ركّز بزاف على لفلسفة قبل ديكارط، و مافهمش مزيان لفلسفة د كانط، و دار بزاف د التعميمات و التحييدات.[12]
لفليسوف لبريطاني أ. س. ڭريلين كتب ف 2002 بلي "طراف من هاد لكتاب لمشهور مامفصّلينش... مي من ناحية خرة هوّ مسح واعر وساهل ف قرايتو ديال لفكر لغربي، و كيتميز بلي حطو ف السياق التاريخي ديالو. راسل ستمتع ب لكتابة ديالو و هاد لمتعة كاتبان ف لكتاب؛ و التعليقات ديالو من بعد كاتبين بلي كان واعي ب نقاط الضعف فيه."[13] ف 2004، ڭريلين كتب:
بسباب الطبيعة لمتحيزة ديال التصورات ديالو، و كونو مكتوب ب أسلوب سريع و قشاشبي، ماعمّرو ولّا كتاب جامعي أساسي. بلاصت من هادشي، كينتامي ل لفلسفة كا هواية، يعني دوك لي كاتعجبهوم لفلسفة، ؤ دوك لي كيقراوها ف وقت خاوي ديالهوم باش يتعلّمو. هاد لكتاب فريد، و كاتبو واحد من لمساهمين لكبار ف لفلسفة و اللوجيك، لي كانو عندو قناعات ليبيرالية عميقة و تابتة. هاد لكتاب، لي ساهل بزاف ف لقراية، ممتع بزاف، و عامر ب لحكام، وخا خاصو مراجعة أكاديمية، هوّ واحد من الصروح ديال لفلسفة و لأداب د لقرن عشرين....[14]
عيون لكلام
بدل- ^ Grayling, A.C., Introduction to: Bertrand Russell, History of Western Philosophy (2004); London: The Folio Society, pg xi.
- ^ Russell, B: "A History of Western Philosophy", page xi. Simon & Schuster, Inc., 1972
- ^ Grayling (2004), Op. cit., pg ix.
- ^ Monk p. 296
- ^ Russell, B: "The Autobiography of Bertrand Russell", Routledge, 2000
- ^ Boas, G: "Review of History of Western Philosophy", Journal of the History of Ideas, 8(1947): 117–123
- ^ Roberts, L: "Review of History of Western Philosophy", Isis, 38(1948): 268–270
- ^ Erwin Schrödinger (1996). 'Nature and the Greeks' and 'Science and Humanism'. Cambridge University Press. ص. 4. ردمك 9780521575508.
- ^ Steiner, George (1991). Martin Heidegger. Chicago: The University of Chicago Press. ص. 4. ردمك 0-226-77232-2.
- ^ Stewart, Jon, إيديتور (1996). The Hegel Myths and Legends. Evanston, Illinois: Northwestern University Press. ص. 383. ردمك 0-8101-1301-5.
- ^ Houlgate, Stephen؛ Hegel, Georg Wilhelm Friedrich (1998). The Hegel Reader. Oxford: Blackwell Publishers. ص. 2. ردمك 0-631-20347-8.
- ^ Scruton, R: "Short History of Modern Philosophy ", Routledge, 2001
- ^ Grayling, A. C.: "Russell: A Very Short Introduction (Very Short Introductions)", Oxford University Press, 2002
- ^ Grayling (2004), Op. cit., pg xiv.
مزاود
بدل
قتيباسات من A History of Western Philosophy ف ويكي قتيباس- تاريخ لفلسفة لغربية (1947)
