بابا كامپيستريس
بابّا ؤلا يوليا بابّا كامپيستريس (ب لّاتينية Iulia Babba Campestris) هيّا مدينة مورية كانت ولّات كولونيا ف لعهد ديال لإمبراطور أوݣوستوس ما بين 33 ؤ 27 قبل لميلاد،[1] بعدما مات لماليك بوكوس تّاني ؤ ولات مملكة موريطانية تابعة ضمنيا ل رّومان. لموضع ديال هاد لمدينة حاليا مامعروفش ب تّحديد ؤ باقة كاينة مداكرة عليه مابين لحرايفية د تّاريخ، وخا لوجود ديالها متوكد ب لكتابات ؤ لخرايط رّومانية.[2][3] لمدينة مدكورة عند پلين لقديم ف لكتاب لخامس ديال تّاريخ طّابيعي، لجغرافي د راڤينا، سطيفان لبيزنطي، ولاكين مامدكوراش ف تّسافيرة د أنطونين. ف تاموسيدا تّلقات نقيشة ب لّاتينية كاتشير ل كولونيا بابّينسيس لي تقدر تكون مقصود بيها مدينت بابّا كامپيستريس، وخا هادشي ماشي يقيني.[1]
بابا كامپيستريس
| ||
| معلومات عامة | ||
| نوع د لموضع | تجمع د بنادم | |
| لبلاد | لمغريب و لإمبراطورية الرومانية | |
| تّقافة | أمازيغ و لإمبراطورية الرومانية | |
| تقدر تكون هيا نيت | لقصر لكبير | |
واحد لفرضية قوية كاتݣول بلي بابّا هيّا نيت لمدينة لي كاتبان ف شي خرايط رومانية ؤ ف تّسافيرة د أنطونين ب سميت ؤپيدوم نوووم، لي هيّا غالبا مدينت لقصر لكبير.[4] بابّا كانت من بين تلاتة د لمدون لي ردّها لإمبراطور أوݣوستوس كولونيا رومانية باش يسكنو فيهوم لعساكريا لمتقاعدين لي شاركو ف معركة أكتيوم لي طرات ف 31 قبل لميلاد؛ جّوج لوخرين هوما باناصا ؤ زيليس. علا حساب لمؤرّخ لألماني طيودور مومزن، علاين 10000 عساكري ف لمجموع ستاقرو ف هاد لمدون ب تلاتة.
سّمية بدل
بابّا تقدر تكون جات من سّمية ديال رب معبود أمازيغي ؤ بونيقي لي سميتو بابا ؤلا باباي، ؤ لي ب لّاتينية كاتّكتب Baba ؤلا Babai. كلمة كامپيستريس، لّي تّلقات مكتوبة ف جوج شقوفا د لفلوس من تامودا ؤ زيليس، جات من لكلمة لّاتينية campus لي كاتعني أرض د لفلاحة ؤلا موعسكار.[1]
عيون لكلام بدل
- ^ a b c "لإنسايكلوپيديا لأمازيغية، بابّا" (ب لفرانساوية). doi:10.4000/encyclopedieberbere.1240. Cite journal requires
|journal=(معاونة) - ^ René Rebuffat (1967). "لأغلاط ديال پلينيوس ؤ لموضع ديال بابّا كامپيستريس" (ب لفرانساوية). Antiquités africaines. doi:10.3406/antaf.1967.881. Cite journal requires
|journal=(معاونة) - ^ ي. إ. ه. سپاول (1994). "THE IDENTIFICATION OF COLONIA BABBA" [تحديد لموضع ديال بابا كامپيستريس] (PDF) (ب نڭليزية ولالمانية). Zeitschrift für Papyrologie und Epigraphik. مأرشيڤي (PDF) من لأصل ف 2021-10-08. تطّالع عليه ب تاريخ 2021-10-08. Cite journal requires
|journal=(معاونة) - ^ "ؤپيدوم نووم (لقصر لكبير)" (ب نڭليزية).