إنسان تافوغالت
إنسان تافوغالت هو إنسان لهوموساپيان اللي، هادي 15 ألف عام، ستوطن مغارة ديال تافوغالت لي سميتها مغارة لحمام لي كاينة ليوم ف إقليم بركان. كانت عندو حضارة فنية وعلمية ف الحقبة التي كاتسمى الإبيرو موريزية. الاكتشافات الأثرية خلاتنا نلقاو أدوات ديال الزينة ومعلقات حجرية، وشي شكالات منقوشة ف هاد المغارة التافوغالتية. لآتار كاتݣول بلي دّارت عمليات جراحة د رّاس لشي وحدين كانو فهاديك المغارة، هاد العملية تتسمى بالفرانساوية طريپاناسيو Trépanation.[1]
أقدم حمض نووي د لإنسان العاقل ف إفريقيا
بدللقاو لعولاما ديال لأركيولوجيا بلي الحمض النووي ديال إنسان تافوغالت هو أقدم آتار ديال حمض نووي تع لإنسان العاقل (Homo Sapiens) ف إفريقيا، كيوصل العمر ديالو لـ 15000 عام ف مغارة تافوغالت. هاد لكتيشاف دارو فريق دولي ديال لعولاما د لأركيولوجيا و لعولاما د الجينات اللي كان واقف عليه الدكتور عبد الجليل بوزوݣار، مدير لمعهد لوطني د لأتار و علوم الترات ف الرباط.
ميطولوجيا عند إنسان تافوغالت
بدلبالنسبة ل لميطولوجيا لباحث عبد الله لحسايني كيعتاقد، ب لعتيماد على دوك النتائج لي علن عليها لفريق ديال التنقيب، من الطريقة ديال الدفن عند هاد الإنسان بلي قبل 15 ألف سنة كان كيآمن بمعتقدات ديال الحياة ورا الموت. و كيأول طريقة الدفن للناس لكبار بلي كانو واجدين باش يخرجو من المغارة ملي ترجعليهم الروح.[1]
و كيݣول لحسايني بلي هاد لكتيشافات لأركيولوجية كتعطي دليل علمي باش نقلبو ف لإسكاطولوجيا ديال إنسان تافوغالت و ندرسو لعلاقة ديال هاد الظاهيرة بلبيدايات ديال ليستقرار عند لهوموساپيان.
عيون لكلام
بدل هادي زريعة ديال مقالة خاصها تّوسع. تقدر تشارك ف لكتبة ديالها. |