قلقولة

لقلقولة (بلعربية :جمجمة، بلفرانساوية :crâne، بنݣليزية :skull) هيا الطرف لفوقاني ولا لقدّامي(على حساب آشمن نوع دلبهايم) ديال سكليطة دلفقريات، مقادة من واحد لكمشة دلعضام ملمومين بيناتهوم كي شي بواطة مطمور فيها لمخ و كاتكالي عليه ولايني مديورين حتا لشلا غرايض خرين، لقلقولة متكية على السنسول لعنقي ؤ واقفة بالضبط على واحد لفقرة كايݣولو ليها "أطلس" .

شوفة جنبية للقلقولة ديال بنادم(هوموسابيان)

لقلقولة داخلة فلجيهاز السكليطي ؤ مقادّة من جوج طروفا : لكاصكة(تجابت من كاصك حيت جات معا لبلاصة اللي كايتدار فيها) ؤ لفك لتحتاني، لقلقولة عند بنادم كاتقسم على جوج طروفا و اللي هوما : عصبوكاصكة(هازّة لقلدات لعصبية) ؤ وجهوكاصكة(هازّة التويشيات ديال لوجه ؤ داخل فيها نيت لفك لتحتاني).

لأصل د لكلمة

قلقولة كليمة بالدارجة لمغريبية تجابت من تامازيغت "أقلقول" و اللي كاتعني ل"ݣنّة" ولايني تحرفات فالداريجة باش تمعني على لمجمول دالسكوليطة دالراص.

عند بنادم

فلبدية دلكلام، لقلقولة هيا اللي كاتعطي لقلدة للراص عند بنادم نقدّو نشبهوها بواحد لبواطة و لا طارّو(وعاء) مخبيين فيه تواشي عصبية بحال لمخ ؤ لمخيّخ والجدع لمخّي وزيد عليهوم شلا جواوف خرين ( جوف خنافري ، جوف عيني ، جوف فمي و الشّرماط السمعي...) غاراضها اللول هوّا تحمي هاد التواشي الضاروريين فلعيشة ديال بنادم.

قلقولة ديال بنادم

لقلقولة حݣا مصاوبة من واحد لمجمول دلعضام ملاصقين بشي لعيبات كايتسماو ب "غرازي"، هاد لعضام عند لبالغ عدادهوم 22 عضمة مختالفة ؤ وحدة فيهوم ؤوكان اللي كاتحرك وهيا ل"فك لتحتاني" بينما دوك 21 خرين مكايتحركوش.

ليستة دلعضام دلقلقولة

1) عضام فردانيين:

•لعضمة السنطيحية.

•لعضمة لݣفاوية.

• لعضمة السحتليلية.

•لعضمة لغربالية.

2) عضام جويجانيين:

•لعضمة الجنابية.

•لعضمة الصدغية.

•لعضمة الدموعية.

•لعضمة لخنافرية.

•لعضمة لقوسية.

•لفك لفوقاني.

•لعضمة اللهاوية.

•لكرنيطة لخنافرية التحتانية.

عيون لكلام

تقدر تزيد شوف بزاف د تّصاور و لمعلومات ديال Skulls ف ويكيميديا كومنز.