جوف خنافري

مقالة ؤلا فقرة ناقصينها عيون لكلام.
لمعلومات لّي ف هاد لمقالة ؤلا هاد لفقرة ناقصين ف توتيق، خاصّ يتزادو فيها عيون لكلام باش تكون موتوقة. شوف هنا كيفاش تزيد لعيون.
ماتّخلعش! هاد لميصاج مديور باش تشوفو لفرقة ديال الصيانة و لمراجعة د لمقالات، و ماكيعنيش بلي درتي شي غلط!

جوف خنافري ولا غار خنافريلفرانصاوية fosse nasale، ب نݣليزية nasal cavity) هيا واحد ليصپاص واسع على شكل تجويفة فوسط لوجه واللي كاينة فوق لحفرا الفمية و بين لوربيطات لعينينية، ؤ هوا موهيم فالتنفوس و الشمان ولايني حتا الدوقان و النطقان اللي كايتعتابرو تانويين فلخدمة ديالو.

كاع الناس عندهوم جوج ديال الجوفات لخنافرية واحد فليمن ولاخر فليسر مفرقين بواحد اللامة عضمية سميتها فراقة خنافرية أولا سيپتوم خنافري.

تقطيعة جبهية دلوجه كاتوري الجوف لخنافري

لاناطومي بدل

لجوف لخنافري داير بحال شي بيت فيه ربعة د لحيوطا لي كايتكونو من كادر عضمي و لكورنيتات. و فهاد لجوف كاينين جوج فتحات وحدا قدامية سميتها التقبة لبوعويدوشكلية هي اللي كاطل على التقبات ديال النيف، ؤ لورانية كاطل على الشكوانة اللي هيا واحد لفتحة كاتربط بين الجوف لخنافري و لحلقوم . الا بغينا نوصفو الجوف بلمزيان غادي نقولو عليه باللي فيه:

  • حيط فوقاني(السقف).
  • حيط تحتاني(الرݣا) اللي هوا نيت لفرصادة لفوقانية ديال اللها.
  • حيط جنبي(براني).
  • حيط وسطاوي(دخلاني) واللي هوا نيت السيپطوم لخنافري.

لكادر لعضمي ديال الجوف لخنافري بدل

- لفرّاقة لخنافرية أولا السيپطوم لخنافري هيا لامة عضموكارتيلاجية كاتكون من تلاتة ديال لپياسات : جوج عضومة :لقومير و اللامة لعمودية ديال ليتمويد. زيد عليهوم لكارتيلاج السيپطالي هوا اللي هاز النيف وكايعطي ليه لفورمة ديالو.

رد لبال: لكارتيلاج السيپطالي الا مكاينش ولا تديفورما فشي تهريسة ديال النيف كايتعتابر موشكيلة خايبة سيرتو فلجانيب التزويني ديال بنادم و اللي صعيب باش يتقاد.

-لحيط لتحتاني : كايتكون من اللها لقاسح وفيه جوج عضومة هوما لپروصيص اللهاوي ديال لعضم لماكسيلاري فالتلتين القداميين، و التلت اللي باقي كايتكون من لپلاكة لؤفقية ديال لعضم اللهاوي. هاد لحيط متقوب بواحد لقناة كادوز لعصب لخنفرواللهاوي ولأرتير اللهاوية لكبيرة.

-لحيط الجنبي : هوا اللي معقد فهاد لحيوطا حيت كايتكون من ستا ديال لپياسات عضمية : عضم ماكسيلاري ،عضم دمعاوي، متاهة غربالية(لعضم لغربالي)، پلاكة عمودية ديال لعضم اللهاوي و لپروصيص الجناوحي ديال لعضم السحتليلي(لخفاشي).

ترجمة دلكلمات لعلمية بلفرانصاوية بدل

رد لبال :مكايناش شي ترجمة متافقين عليها صحاب التخصوص الناطقين باللغة لمغريبية. شوف واش كاين شي حل حسن من هادا .

لوربيطات لعينينية = Orbites oculaires.

فراقة خنافرية = Cloison nasale.

سيپطوم خنافري = Septum Nasal.

لامة = Une lame.

كورنيتات = les cornets.

الرݣا(مصطلح كايتخدم فلمدون لمغريبية لقديمة بحال مراكش، تارودانت، الصويرة.. وكايعني لعكس ديال السقف : أرضية)= Plancher.

حلقوم =Pharynx.

بوعويدوشكلية= Piriforme.

الشكوانة= choane.

لقومير =Vomer.

لعضم لغربالي=Os Éthmoïde .

لعضم السحتليلي=Os sphénoide.

لپروصيص الجناوحي=Processus Ptérygoide

عيون لكلام بدل

  تقدر تزيد شوف بزاف د تّصاور و لمعلومات ديال Nasal cavity ف ويكيميديا كومنز.