ألمانيا النازية
ألمانيا النازية
| ||||
|
Deutsches Reich (de)
| ||||
| نشيد | لأغنية د لألمانيين
| |||
| لعاصيمة | بيرلين | |||
| الساكينة | ||||
| شحال دالسكان | 109,518,183 (1940) | |||
| اللوغات الرسمية | لألمانية | |||
| لجغرافيا | ||||
| لميساحة | 696.265 كم² | |||
| لإدارة | ||||
| نضام الدولة | ديكتاتورية، نظام شبه رئاسي، one-party dictatorship و جمهورية | |||
| باول فون هيندنبورغ أدولف هيطلر كارل دونيتز | ||||
| لبرلمان | رايخسطاڭ | |||
| لقتيصاد | ||||
| لفلوس | رايخ مارك | |||
.svg)
.svg)
.svg){kind=small}
ألمانيا النازية (كانت كتلقب بالإمبراطورية الألمانية ف مابين عام 1933 و1934 وبالإمبراطورية الألمانية العظمى ف مابين 1934 و1945) كنطلقوها على لفترة لي عرفات فيها ألمانيا السيطرة ديال الحزب النازي على لحكام د لبلاد و كان متزعّمو أدولف هتلر لي رجّع ألمانيا بلاد ديكتاتورية بعدما قدر يوصل للحكم وولا كيتحكم فجميع لمجالات ديال لحياة دلالمان.[1]
رتابط المصطلح ديال الرايخ الثالث ولي كنقصدو بيه "المملكة الثالثة" ولا "الإمبراطورية الثالثة" بشكل كبير بألمانيا النازية لي كانت كتقول على راسها بلي هي كانت لخليفة ديال الإمبراطورية الرومانية المقدسة (800–1806) وديال القيصرية الألمانية (1867–1918).
مور الإنتخابات الإتحادية فعام 1932 الحزب النازي ولا هو أكبر حزب ف لبرلمان، الشي لي خلاهم يعينو هطلر مستشار د ألمانيا ف 30 يناير 1933 من عند الرئيس ديال لجمهورية پاول فون هيندنبورڭ. و ف 23 مارس 1933 تدار قانون التمكين لي عطا لحكومة هطلر السلطة باش يحط وينفذ القوانين بلا ميتدخل فيه لا رايخستاڭ (لبرلمان) ولا حتى الرئيس براسو، و موراها غيبدا الحزب النازي يغربل أي واحد كيعارضو فالسياسة ويزيد يبسط نفوذو. ونهار 2 غشت 1934 غيموت هيندنبورڭ وغيولي أضولف هطلر هو ديكتاتور ديال ألمانيا من بعد ما غيشد جوج مناصب لول تاع سلطات لمستشارية وثاني لي هو لكرسي ديال الرئاسة. و لبيان ديال 19 غشت 1934 غيزيد يأكد بلي هتلر هو الزعيم الوحيد ديال لالمان. وبلي السلطة كولها ف يدو، الشي لي خلا كلمتو هي أعلى قانون فلبلاد.
سالا العهد ديال ألمانيا النازية لي وصفوه النازيين ومعاهم أدولف هطلر بلي هو عهد الرايخ التالت -و لي خلاهم يسميو ألمانيا النازية بالإمبراطورية ديال الألف عام- فماي عام 1945 وهادشي غير من مور طناش لعام منبعد الزيادة ديالها فاش لالمان خسرو قدام الحلفاء، الشي لي خلاهم يساليو لحرب العالمية الجاوجة ف لوروپ.[2]
المسالية ديال ألمانيا النازية كانت على يد العسكر ديال لإتحاد السوڤياتي والعسكر ديال لميريكان لي قدرو بزوج بيهوم يختارقو الحدود لألمانية ودخلو على لالمان حتا لوسط دارهم، وهادشي كان بالضبط ف1945 فاش وصلو للعاصيمة برلين وطيحو الحكومة النازية تاع لالمان، وقسمو لبلاد ل زوج ديال الطروفا؛ لالمان ديال الشرق لي ولات شتراكية تابعة لإتحاد السوڤياتي (لمعسكر الشرقي)، و لالمان تاع لغرب لي ولات راسمالية تابعة لميريكان (لمعسكر لغربي)[3]
عيون لكلام
بدل- ^ Beevor، Antony (2002). Berlin: The Downfall 1945. ردمك 978-0-670-03041-5.
- ^ Beevor، Antony (2012). The Second World War. ردمك 978-0-316-02374-0.
- ^ Childers، Thomas (2017). The Third Reich: A History of Nazi Germany. New York. ردمك 978-1-45165-113-3.
 هادي زريعة ديال مقالة خاصها تّوسع. تقدر تشارك ف لكتبة ديالها. |