ديكتاتورية

الديكتاتورية هي سيستيم ديال نظام الحكم اللي كاتكون فيه السلطات كاملة و تقريبا مجموعة ف يد واحد ؤلا مجموعة قليلة ديال الناس، بلا ما يكونو محدودين بشي قانون ؤلا ناس اخرين ؤلا مؤسسات يمكن توقفهوم و تحاسبهوم.

خريطة د لانديس ديال الديموقراطية اللي كاتحسبو ذي إيكونوميست. الديكتاتوريات هي اللي باللون القهوي

السيستيم الديكتاتوري يمكن تكون عندو مؤسسات و قوانين وتا برلمان و نتيخابات، غير هوما تايكونو غير منظر، و غير باش يبان بلي عندو مؤسسات و حياة ديموقراطية من برا، و ف الغالب ما كاتكونش عندها سلطة مضادة حقيقية.[1]

من أشهر الناس اللي خدمو على تاريخ الديكتاتوريات وكيفاش كاتبان وشنو اللي تايعاونها باش تبقا وتطغا المؤرخة حنا أريندت[2]، اللي بينات ف لكتوبا ديالها كيفاش أن الديكتاتوريات كاتكون ف أكترها فاسدة على المستوى الأخلاقي و ماشي سيستيم ديال الحكم اللي يمكن ينفع الدول والناس.

إيتيمولوجي بدل

أصل الكلمة جاي من اللاتينية dictatura اللي كانت سمية واحد السيستيم[3] ديال الحكم اللي كان كايتدار، غير ب شكل موقت فيه 6 شهور، ف الإمبراطورية الرومانية و اللي كان تايعطي السلطة كاملة لواحد الإمبراطور. كانو شي إمبراطورات عيقو بيها وعاودوها بزاف ديال المرات و أشهرهوم يوليوس قيصر. هاد السيستيم بقا عندهوم حدو حد القرن 3 قبل الميلاد.

الديكتاتورية دابا بدل

باقيين بزاف ديال الدول ف العالم فيهوم الديكتاتورية، غير هي غادا وكاتنقص، واخا مرة مرة كاينين دول يمكن يرجعو اللور وتعاود تبان عندهوم الديكتاتورية من بعد ما كانو ديموقراطيات (الحالة ديال الأرجنتين فاللخر ديال السبعينات).

أهم إنديكاتور ف هاد الضومين هو لانديس ديال ذي إيكونوميست اللي تايصنف الدول على حسب شي مؤشرات ل ربعة ديال المجموعات:

  • الديموقراطيات المكمولة
  • الديموقراطيات الناقصة
  • الأنظمة المخلطة
  • الأنظمة الديكتاتورية

ف 2019، من 167 بلاد كانو ف التصنيف، 54 ديكتاتوريات.[4]

الديكتاتورية ف الأدب بدل

  • رواية "مزرعة الحيوان"، جورج أورويل.[5]
  • رواية 1984، جورج أورويل.[5]

عيون لكلام بدل

  1. ^ "État d'exception et dictature". مأرشيڤي من لأصل ف 2023-04-15. تطّالع عليه ب تاريخ 2020-01-25.
  2. ^ Hannah Arendt, La nature du totalitarisme, trad. Michelle-Irène Brudny de Launay, Paris, Payot, 1990
  3. ^ "Dictature - CNRTL". مأرشيڤي من لأصل ف 2022-01-19. تطّالع عليه ب تاريخ 2020-01-25.
  4. ^ "السيت ديال ذي إيكونوميست". مأرشيڤي من لأصل ف 2023-10-15. تطّالع عليه ب تاريخ 2020-01-25.
  5. ^ a b "Michel Onfray : "La dictature est un concept plastique, dynamique, mouvant"". مأرشيڤي من لأصل ف 2020-01-25. تطّالع عليه ب تاريخ 2020-01-25.
  تقدر تزيد شوف بزاف د تّصاور و لمعلومات ديال Dictatorship ف ويكيميديا كومنز.