أطلس لموري
أطلس لموري (ب لأمازيغية ⴰⴳⵍⵍⵉⴷ ⴰⵟⵍⴰⵚ) ماليك ؤسطوري لي كيتݣال بلي حكم مملكة موريطانية ف وقت مامعروفش. على حساب لؤسطورة، لماليك أطلس كان ولد رّب بوسيدون، لي كان معبود عند لأمازيغ، ؤ لي على حساب تّوارخي ليوناني هيرودوت، كانو ليونانيين خداو لعيبادة ديالو من شمال إفريقيا. تقدر تكون لؤسطورة ديال رّب ليوناني أطلس حتا هيّا أصلها من شمال إفريقيا، ؤلا عندها علاقة ب أطلس لموري.
أطلس لموري
| ||
| ||
| معلومات عامة | ||
| لجنسية | موريطانية | |
| لفاميلة | ||
| لواليد | بوسيدون | |
| لواليدة | كلييطو | |
لماليك أطلس كيتݣال بلي كان فيلسوف ؤ ماطيماتيسيان ؤ فلكي، ؤ بلي كان أول واحد ختارع كورة سماوية، ؤلا ݣاع صّيونص د لفلك براسها. ؤ هوّا مدكور عند توارخيا رومان ؤ يونانيين بحال ديودوروس.[1] ؤ يقدر يكون هوّا لأصل ديال لؤسطورة د أطلانتيس، لي حاكمها ماليك سميتو نيت أطلس، لبلاد لي عطاها أفلاطون ف جوج كتوبا ديالو، كريتياس ؤ طيمايوص، كا ميتال ديال دولة ميتالية.
كلمة "أطلس" كيما مستعملة دابا خداها ݣيراردوس ميركاطور ف 1595 من سّمية د لماليك أطلس، فاش قاد أول أطلس جغرافي، يعني كتاب د لخرايط د لبلدان، ؤ ف لموقديمة د لكتاب ديالو هداه ل لماليك أطلس لي عتابرو "أول جغرافي".[2][3]
عيون لكلام
بدل- ^ "Menim, Atlas of Mauretania". مأرشيڤي من لأصل ف 2022-03-01. تطّالع عليه ب تاريخ 2022-03-01.
- ^ "Atlas of Mauretania" (ب نڭليزية). مأرشيڤي من لأصل ف 2022-03-01. تطّالع عليه ب تاريخ 2022-03-01.
- ^ إيبيرهارت پاسارݣ، يورݣن ڤيرت (2017). Atlas of Mauretania (ب نڭليزية). ردمك 9783132414419.
 هادي زريعة ديال مقالة خاصها تّوسع. تقدر تشارك ف لكتبة ديالها. |