آسيا هي أكبر قارة ف لأرض و اللي فيها أكبر عدد ديال السّكان. لأرض ديال آسيا واخدة 8.7% من لمساحة ديال لكرة لأرضية و 30% د ݣاع لمساحات اللي هوما أرض (و ماشي بحر). آسيا محدودة من الشرق ب لمحيط لمهدّن، من لجنوب لمحيط لهندي، من الشمال لمحيط لمجمّد الشمالي، و من لغرب جبال لأورال و مضيق لبوصفور (اللي تايفارقوها مع أوروپا) و قناة السويس (اللي تاتفارقها مع إفريقيا).

لأراضي ديال آسيا

لقارة ديال آسيا أترات بزاف ف التاريخ ديال بنادم، و بداو فيها حضارات كبار بحال لحضارة لبابلية و لفارسية و الشينوية و لهنديّة. بزاف د لأديان لكبار ف لعالم بداو ف آسيا، بحال لمسيحية، لإسلام، ليهودية، لهندوسية، لبودية، السيخية.

تيسكنو ف آسيا تقريبا 4.7 مليار د الناس، و اللي هي 61% د بنادم ف لعالم.[1] السكان ديال آسيا تزادو بزّاف ف لقرن 20 (تضوبلو 4 د لمرّات). آسيا فيها 49 بلاد داخلين مع لأمم لمتحدة، و بزاف من لمدن لكبار ف لعالم كاينين ف آسيا: طوكيو، پيكين، نيو ديلهي، جاكارطا، دبي، شانݣهاي، طهران، إسطنبول.

لمزاودعدل

  تقدر تزيد شوف بزاف د صور و معلومات ديال Asia ف ويكيميديا كومنز.