0

راقم
Ambox important.svg مقالة ناقصينها تصاور. هاد لمقالة ناقصينها تصاور، حاول تزيد تصاور ماعليهاش كوپيرايت ف/من كومنز. باش تعرف كيفاش تزيد تصويرة ف مقال، شوف دّوزان.

زّيرو ؤلا صّيفر (رّمز ف نّماري لغبارية 0) هوّا نمرة ؤ عاداد كيمتّل لكونصيپط ديال والو ؤلا لخوا. ف لماط، زيرو هوّا لمحايد ديال لجمع. ف نّيڤو لقافز ديال لماط، أي عنصر محايد ديال قانون جمعي، متلا ف ݣروپ، كيتّكتب عادتن 0 وخا مايكونش كيمتل لعاداد زيرو لي كيعرفو عامّت نّاس. ف لكتابة لموضعية د نّماري، زّيرو كيتخدّم كا نايب فاش شي موضع ف عاداد ماكيكون فيه والو، متلا ف لعاداد 102، زّيرو محطوط ف لبلاصة ديال لعشرات حيت ماكاين فيها والو، ؤ كيتّعتابر نايبنّݣليزية placeholder) حيت كينوب علا لعاداد لي كان يقدر يكون ف داك لموضع.[1]

لأصل د لكلمةعدل

كلمة زيرو جات من لفرانساوية zéro، لي جات من طّاليانية zero، لي جات من لڤينيسية zevero لموقابيل ديال طّاليانية zefiro، لي أصلها من لعربية صِفْر. هاد صِفْر ف لعربية لقديمة كانت كاتعني والو، ؤ تطرجمات حرفيا من سّانسكريتية śūnya (शून्य) لي كانت مخدمة ف لهند. هاد زّيرو لهندي يقدر يكون لأصل ديالو يوناني بابيلي، من لحرف لّول ؤميكرون ο ف οὐδὲν (والو) لي تقدر تكون تخادت من رّمز ديال "والو" ف سّيستيم لفلكي د لكتبة ديال لبابيليين.[1]

ف لماطعدل

  • أي عاداد يلا تزاد عليه زيرو كيبقا هوّا هوّا  . داكشي علاش زيرو هوّا لمحايد ؤلا لعنصر لمحايد د لجمع.
  • أي عاداد مضروب ف زيرو كيعطي زيرو  .
  • زيرو عاداد موجب ؤ سالب ف نفس لوقت.
  • لقسيم علا زيرو ممنوع.
  • أي عاداد (لي ماكيساويش زيرو) ؤس زيرو كيعطي واحد  .
  • زيرو مايمكنش يتّرفع ؤس زيرو.
  • 0 ؤس أي عاداد (لي ماكيساويش زيرو) كيعطي زيرو  .
  • لفاكطورييل ديال زيرو كيساوي واحد  .

عيون لكلامعدل

  1. ^ a b كارل مينينݣر (2011). Number words and number symbols, a cultural history of numbers [لكلمات د لأعداد ؤ رّموز د لأعداد، تّاريخ تّقافي د لأعداد]. Dover Publications.
  تقدر تزيد شوف بزاف د صور و معلومات ديال 0 (number) ف ويكيميديا كومنز.