پريطوريا

پريطوريا (بنݣليزية و لأفريكانز: Pretoria - بالزولو: ePitoli - بالطسوانا: Tshwane) هي لعاصمة لإدارية ديال جنوب إفريقيا. هي وحدا من لعواصم التلاتة ديال لبلاد. الجوج لاخرين هوما بلومفونطين (لعاصمة لقضائية) و كيپ تاون (لعاصمة التشريعية). جات لمدينة ف لمقاطعة ديال خاوطينڭ، ف الشمال لغريي ديال لبلاد.

پريطوريا
Pretoria (af)
تاريخ التأسيس	16 نونبر 1855
لبلاصة
لبلاد	جنوب إفريقيا
لإقليم	لبلدية د تشواني
لإدارة
لعمدة	Cilliers Brink (28 مارس 2023)
السكان
شحال دالسكان	741,651 (2011)
لجغرافيا
لميساحة	687.54 كم²
لعلو	1,339 م
معلومات خرا
توقيت ديال لمدينة	ڭرينيتش +2
نمرة التيليفون لمحلية	012
كود د لبوصطة	0001 • 0002
السيت الرسمي	tshwane.gov.za
الرمز لجغرافي	964137

تأسسات پريطوريا ف عام 1855، و تسمّات على سميت أول واحد بناها اللي كان هو أندريس پريطوريوس، واحد لقايد بيض أصلو هولاندي، و كان من لعسكر اللي غلبو الزولو، و اللي كانو تيحاربو لينݣليز باش يديرو بلاد مستاقلة ديالهم. حيت هاد السمية عندها رمزية عنصرية، بزاف ديال الناس كيطلبو باش تبدّل السمية، و اللي كيقتارحو هو "تشواني"، اللي هي نّيت سميت لبلدية اللي هي فيها.

پريطوريا وحدا من لمدون لمعروفة بالرياضة ف إفريقيا، و تنضّمو فيها ماتشات ديال كاس لعالم د الريڭبي ف 1995، و ديال كورة ف 2010. هي لمدينة اللي تاتلعب فيها لفرقة ديال ماميلودي سانداونز.

تاريخ

پريطوريا تأسسات على يد مارتينوس پريطوريوس ف 1855، لي كان زعيم ديال جماعة "لمسافرين ل الشمال" (ناس ناطقين ب لهولاندية لي هاجرو ب التران من لكاپ ل الداخل ديال جنوب إفريقيا بدايةً من عام 1836). مارتينوس سمّى لمدينة على بّاه أندريس پريطوريوس لي كان كيتّعتابر بطل عند جماعتو، و ختار لموضع ديالها على جنب واد أپيس (ب لأفريكانية كاتعني "واد لقرودا") باش تكون لعاصيمة ديال جمهورية جنوب إفريقيا (ب لهولاندية Zuid Afrikaansche Republiek).

تقدر تزيد شوف بزاف د تّصاور و لمعلومات ديال Pretoria ف ويكيميديا كومنز.

عيون لكلام

هادي زريعة ديال مقالة خاصها تّوسع. تقدر تشارك ف لكتبة ديالها.