يحيى شفشاوني
يحيى شفشاوني، تولد ف 1937 ف وجدة، كان موهنديس ؤ سياسي مغريبي.
يحيى شفشاوني
| ||
| معلومات عامة | ||
| زيادة | 1937 وجدة | |
| لموت | قيمة مجهولة قيمة مجهولة | |
| لجنسية | لمغريب | |
| لحرفة | موهنديس و سياسي | |
| لّوغات لي كيعرف | لعربية و لفرانساوية | |
| لفاميلة | ||
| خوت | عبدالله شفشاوني | |
حياتوعدل
تولد شفشاوني وسط عائيلة د شرفة شفشاونيين ف 1937 ف وجدة، ملي باه، عبدرحمان، كان قاضي ف لمدينة.[1] خوه لكبير هو عبدالله شفشاوني لي كان وزير مكلف ب لمالية ف حوكومة لبكاي تانية.[1]
قرا شفشاوني ف ليسي ݣورو ف رّباط[2]، ؤ موراها كمل قرايتو ف مدراسة لپوليطيكنيك ؤ ف لمدراسة د لمناجم ف باريز.[3]
ملي رجع ل لمغريب، خدم رايس د لمصلحة د لمعادن ؤ جيولوجيا ف ويزارة لأشغال لعمومية.[3] بين 1960 ؤ 1962، كان ف لوفد لي كيمتل لمغريب ف جتيماع لعام د لوكالة دّولية د طاقة درية.[4][5]
ف 6 يوليوز 1967، تعين وزير د لأشغال لعمومية ؤ لمواصلات ف حوكومة محمد بنهيمة ؤ بقا ف لپوسط ديالو حتا عينو لحسن تّاني ف 17 يناير 1968 مودير د لمكتب د لأبحات ؤ لمساهمات لمعدنية.[6][7]
ف 1971، دارت إدارة لأمن لوطني لي كان كيرأسها لجينيرال لمدبوح حملة علا وزارا ؤ مسؤولين متورطين ف قضايا د رشوة ؤ لفساد معا شاريكات برانية، من بينها لقضية د پان أم.[8] شفشاوني كان من بين لوحدين لي كانو متاهمين بلي خداو رشوة ف لقضية د لوزين د سكار ف سيدي علال التازي ؤ مشرع بلقصيري ؤ طلبو فلوس ف لمفاوضات معا شاريكة لكندية ورايت.[9] ف لوقيتة لي بداو فيها لعتيقالات كان شفشاوني ف فرانصا، ؤ مشا موراها ل لوندون ؤ عاود رجع ل باريز، شي لي خلا سلطات تطلق مدكرة د لبحت دولية قبل مايقرر يدخل ل لمغريب ف 8 نونبر 1971 ؤ يتشد ف لماطار ؤ علنات عليها ويزارة لعدل.[10][11][12] بدات لمحاكمة ف 11 أكتوبر 1972 ف لمحكمة د لعدل لخاصة، ؤ طالبات نّيابة لعامة لحوكم علا شفشاوني ب خمسطاش لعام د لحبس ب تهمة لفساد ؤ ستيغلال نفود، ف لخر حكم عليه لقاضي أحمد زغاري ف 15 دجنبر ب طناش لعام د لحبس ؤ خطية د عشرالاف درهم.[8][13] تسجن شفشاوني ف حبس لعلو ف رّباط ؤ دوز مودة ف سبيطار ملي كان مشدود.[10] خرج ف لخر شفشاوني ب عفو عوام من بعد[14]، ؤ ولا موراها مستتمر ف لعقار.[8]
مورما توفا، عطات عائيلتو لأرشيڤ ؤ لخزانة ديالو ل لمكتابة لوطنية د لمملكة لمغريبية.[15]
عيون لكلامعدل
- ^ a b أحمد الشيباني الإدريسي (1987). مصابيح البشرية في أبناء خير البرية (PDF) (ب لعربية). ص. 134-135.
- ^ "1954 - Lycée Gouraud - classe de 2ème". Copains d'avant (ب لفرانساوية).
- ^ a b Louis Gravier (8 يوليوز 1967). "Le Dr Benhima veut assurer le maintien de Tordre menacé par certaines campagnes " antijuives "". لوموند (ب لفرانساوية).
- ^ "Delegations and committees" (pdf). iaea.org (ب نڭليزية): 20. نونبر 1960.
- ^ "Delegations" (pdf). iaea.org (ب نڭليزية): 22. دجنبر 1962.
- ^ "مرسوم ملكي رقم 555.67 بتاريخ 8 شعبان 1387 (11 نونبر 1967) بتأليف وتنظيم الحكومة" (pdf). لجريدة رسمية د لمملكة لمغريبية (ب لعربية) (2872): 2478. 15 نونبر 1967.
- ^ Louis Gravier (19 يناير 1968). "LE ROI HASSAN II A PROCÉDÉ à un remaniement technique de son gouvernement". لوموند (ب لفرانساوية).
- ^ a b c محمد سليكي (18 ماي 2019). "تاريخنا: "مسجونو السلطان".. يوم أمر الملك بسجن هؤلاء الوزراء | Le12.ma". le12.ma (ب لعربية).
- ^ محمد خيرات معنى السنوسي احمد بيضي و محمد دهنون (4 يناير 2014). "ماذا لو نفذ حكم الإعدام في عبد الرحمان اليوسفي؟". تيحاد شتيراكي.
- ^ a b إدريس ولد القابلة (19 يونيو 2007). "محاكمة وزراء الحسن الثاني". الحوار المتمدن (ب لعربية).
- ^ Louis Gravier (9 نونبر 1971). "L'ENQUÊTE SUR LA CORRUPTION PREND UNE AMPLEUR CROISSANTE". لوموند (ب لفرانساوية).
- ^ "Morocco Arrests A Former Minister In Corruption Drive". دا نيويورك تايمز (ب نڭليزية). 10 نونبر 1971. ISSN 0362-4331.
- ^ "عندما اعتقل الحسن الثاني وزراء في الحكومة المغربية واذانتهم بالسجن النافذ". aswatnews.ma (ب لعربية). 30 أكتوبر 2017.
- ^ "Histoire : Les procès politique du temps de Hassan II". طيل كيل (ب لفرانساوية). 3 يوليوز 2014.
- ^ "وقف الكتب والخزانات الشخصية .. مبادرات نبيلة تروم تحقيق النهضة العلمية والفكرية الشاملة". akhbarona.com (ب لعربية). 30 يونيو 2014.