وارسو

وارسو (ب لپولونية Warszawa، ڤارشاڤا) هيّا أكبر مدينة ف پولونيا ؤ لعاصيمة ديالها. لمدينة جات على واد ڤيستولا ف شمال وسط لبلاد، ؤ عاداد سّكان ديالها ف لإحصاءات رّسمية واصل ل 1,8 مليون شخص، ؤ 3,1 مليون ف لمجموع ف لمنطقة لميطروپوليطانية لي تابعة ليها، شّي لي كيخلّيها سابع أعمر مدينة ف ليتيحاد لؤروپي.

وارسو
Warszawa (pl)
تاريخ التأسيس	لقرن 13
لبلاصة
لبلاد	پولونيا
لإقليم	محافظة مازوفيا
لإدارة
لعمدة	Rafał Trzaskowski (22 نونبر 2018)
السكان
شحال دالسكان	1,860,281 (2021)
السكان الدكور	858,004 $1
السكان لعيالات	1,002,277 $1
اللوغات	لپولونية
لجغرافيا
لميساحة	517.24 كم²
لعلو	103 م
معلومات خرا
توقيت ديال لمدينة	ڭرينيتش + 1 (توقيت قياسي) ڭرينيتش +2 (التوقيت د الصيف)
نمرة التيليفون لمحلية	22
كود د لبوصطة	00-000
السيت الرسمي	um.warszawa.pl
الرمز لجغرافي	756135

وارسو شادة تيساع ديال 517 ك²، ؤ مقسّمة ل 18 زونة (ؤلا حومة)، بينمّا لمنطقة لميطروپوليطانية شادة 6100 ك². وارسو كاتّعتابر مدينة عالمية ؤ مركز تقافي ؤ سياسي ؤ قتيصادي موهيم ف لعالم، ؤ هيّا لموضع ديال لحوكومة ؤ لأجهيزا د دّولة ف پولونيا.

وارسو ف لأصل كانت قرية صغيرة د لحوّاتا ف منطقة مازوڤيا، تا قرر لماليك د پولونيا سيڭيسموند تّالت باش يحوّل لعاصيمة ديالو من كراكوڤ ل وارسو، ف لقرن 16. وارسو كانت تا لعاصيمة ديال ليتيحاد د پولونيا ؤ ليتوانيا تال 1795، ؤ لعاصيمة ديال دوكية د وارسو تحت لحكم ديال ناپوليون بوناپارت.

تّورة صّيناعية جابت بزاف د نّاس ليها باش يقلّبو على فوراص د لخدمة، ؤ داكشي علاش زداهرات ؤ تزادو سّكان ديالها بزاف. كانت معروفة ب لمعمار لمتناسق ؤ زّوين ديالها، تا تعرّضات ل لقصف ؤ تّدمير شبه لكامل ف لحرب لعالمية جّاوجة، ؤ تقتلو ؤ تهجّرو أغلبية د سّكان لأصليين ديالها.

لمدينة فيها وحدين من أهم لمراكز ديال لأبحات ف ؤروپا، ؤ بزاف د شّركات لعالمية حالين فروع ديالهوم فيها. لبورصة د وارسو هيّا أكبر ؤ أهم وحدة ف ؤروپا لوسطانية و شّرقية. أعلى مبنى ف ؤروپا، ؤ أكبر مسرح ف لعالم كاينين ف وارسو.

عيون لكلام

هادي زريعة ديال مقالة خاصها تّوسع. تقدر تشارك ف لكتبة ديالها.