نسيم حداد
نسيم حداد هو باحث و فنان مغربي تزاد ف الرباط[1] عام 1983، تايهتم بلغنا تقليدي لمغريبي بحال لعيطة و شعبي و لغيوان ولملحون ولأغنية لأمازيغية و غيرها من لفنون دلغنا لمرتابطة بتراث دلمغريب.
نسيم حداد
| ||
| ⵏⴰⵙⵉⵎ ⵃⴰⴷⴷⴰⴷ | ||
| ||
| معلومات عامة | ||
| زيادة | 1983 الرباط | |
| لجنسية | لمغريب | |
| لحرفة | فنان، وباحث | |
| عضو ف | لمجموعة لعلمية دولية لي كتاشفات لفرتيتة الجديدة "بوزون هيگز" | |
| لّوغات لي كيعرف | داريجة لمغربية، لعربية، لأمازيغية، لفرونسي، لونڭلي | |
| معلومات خرى | ||
| سبب الشهرة | تدوين تراث شفهي لغنائي دلمغريب | |
| ستيل | فن لغناء لمغربي لأصيل | |
| تأتر ب | ناس لغيوان | |
 
| ||
حياتو
بدلخدا نسيم لباك ديالو تخصص صيونص ماط، من بعدو خدا ليصونص ف لماط و لأنفورماتيك، بعدها ماسطر فلفيزيك لمعلوماتية من لجامعة ديال محمد لخامس فرباط. بعد لماسطر نتاقل نسيم للمركز لأوروپي دلأبحاث النووية فسويسرا فين قدر ياخد دكتورا دولة فلفيزيك النووية، بعد ما شارك فكثر من 350 بحث علمي منشور فمجلات عالمية.[2] بعد ما تخرج، قرر نسيم باش يخلط بين لبحث لعلمي و الشغف ديالو بلفن لفولكلوري لمغريبي لأصيل، لي تايحاول يحييه من جديد و يرجع ليه قيمتو فلمغريب، و يوتق لأغاني الشفهية التراثية دلمغريب. نسيم مزوج و أب.[3]
لكاريير لفنية ديالو
بدللكاريير لفنية ديال نسيم حداد بدات عام 2014 [4]، قبل مايكون فنان ولا مغني، هو باحث فلفنون الشعبية لمرتابطة بتراث ديال لمغريب، و شغوف بهاد نوع ديال لفن، لي نشر فيه بزاف ديال الدراسات، و شارك فبزاف ديال لمؤتمرات متعلقة بيه، و شارك ف شحال ديال السهرات فلمغريب و فلخاريج. رتيباط نسيم بهاد لفن بدا معا ناس لغيوان لي كان شغوف بيهم بزاف من صغرو، و منهم قدر ينفاتح على فنون تراثية أخرى، خصوصا فن لعيطة لي بحث فيه بزاف و قدر يجمع لعيوط دلمغريب فرحلة لي فاتت 5000 كلم من لبحث. قدر ينشر نتيجة دلبحث ديالو عام 2014 على شكل وثائقي لي تعرض ف لجزيرة لوثائقية بعنوان " العيطة، رحلة نغم". الهدف ديال نسيم هو يوتق التوراث لفني الشفهي لمغريبي و يحافظ عليه (نص و لّحن) من لإنقراض، و يعطيه نفس جديد.[3]
لأعمال لفنية ديالو
بدلنسيم عندو مشاريع فنية معا فنانين كبار بحال حجيب و حمزة نميرة، لقناة ديالو فليوتيب فيها كثر من 60 أغنية، أغلبهم فلعيطة، و عندو كثر من 319 ألف مشتارك فلقناة، و لأغنية ديالو "قالت لي نعطيك" فاتت 15 مليون مشاهدة عام 2022.[3][5]، زيادة على هادشي، نسيم خدم مقدم ديال سهرات فنية فلقناة اللولة لمغربية بعنوان "جماعتنا زينة"، كيف ما عندو ألبوم غنائي مهم سميتو "كو دو كور".[6]
لأغاني ديالو
بدل- گالت ليا نعطيك
- العلوة
- الغابة
- السواكن
- لهواوية
- امحمد يا وليدي
- حاط فوق لكدية
- بعد عل الزين
- حبيبي حبيبي
- داويني
- مولاي عبد الله
- نصبر أنا واش بيدي [4]
عيون لكلام
بدل- ^ "Nassim Haddad : De la physique nucléaire à la aïta il n'y a qu'un pas…". 2021-06-01. تطّالع عليه ب تاريخ 2023-11-20.
- ^ "Semantic Scholar, N. Haddad". تطّالع عليه ب تاريخ 2023-11-20.
- ^ a b c "نسيم حداد.. دكتور الفيزياء النووية الذي أنصف فن العيطة". www.mowatine.com. مأرشيڤي من لأصل ف 2022-11-26. تطّالع عليه ب تاريخ 2022-11-26.
- ^ a b hespress (2022-03-16). "نسيم حداد". ويكي المغرب: المغرب بالمغربية (ب لعربية). مأرشيڤي من لأصل ف 2022-11-27. تطّالع عليه ب تاريخ 2022-11-27.
- ^ "Nacim HADDAD - نسيم حداد - YouTube". www.youtube.com. مأرشيڤي من لأصل ف 2022-11-30. تطّالع عليه ب تاريخ 2022-11-26.
- ^ "حداد لـ"عربي بوست": أُعد لمشروع ضخم عن فن "العيطة" الشعبية". 2021-12-19. مأرشيڤي من لأصل ف 2022-11-30. تطّالع عليه ب تاريخ 2022-11-27.
