ناصر الزفزافي

لقائد د حراك الريف

ناصر الزفزافي (بالريفية: ⵏⴰⵙⴻⵔ ⵣⴻⴼⵣⴰⴼⵉ) (تولد نهار 4 نونبر 1979 ف لحسيمة) هو ناشط سياسي مغريبي, وواحد من لقيًاد د لحراك د الريف, اللي هو حراك كانت فيه احتجاجات سلمية وتاطًالب بواحد لعدد د لمطالب قتيصادية وجتيماعية للمنطقة د لحسيمة. نهار 29 ماي 2017, تعتقال ناصر وتحكم عليه ب 20 عام دلحبس.

ناصر الزفزافي
معلومات عامة
زيادة 4 نونبر 1978 (45 عام)
الحسيمة
لجنسية لمغريب
لحرفة ناشط سياسي، سياسي و سجين سياسي
لّوغات لي كيعرف عربية و لوغات أمازيغية


حياتو بدل

 

مظاهرة فباريز تاطًالب بإطلاق سراح الزفزافي ولمعتقلين د الريف.

تولد ناصر الزفزافي ف 1979 فلحسيمة فالشمال د لمغريب. لأصل ديالو من لقبيلة ديال بني ورياغل، اللي هي لقبيلة ديال محمد بن عبد لكريم لخطابي.

حبس الزفزافي لقراية ديالو ف لّيسي, وموراها خدم فشي خدامي الصًغار بحال السيكيريتي, يصوب التيليفونات, وتا لفلاحة.[1] هاد لخدامي كاملين كانو غي بريكولات, ومن غيرها كان تايكون الزفزافي بيطالي و شومور وماخدًماش.

نهار 28 أكتوير 2016, من مورا ما تقتل محسن فكري, كان ناصر الزفزافي من الناس اللي ناضو حتجًوا وقادو لحراك د الريف. بقا الزفزافي تاينظم لمظاهرات السلمية (بلا صداع) اللي كانو لمطالب ديالهم تيركزو على باش تكون لعدالة ولحرية والشفافية والتنمية ليقتيصادية د لمنطقة د لحسيمة.[2]

نهار 29 ماي 2017, شدو ناصر فالنواحي د لحسيمة,[3] ومورا حكم ليبتيدائي ف 2017, وحكم ستيئنافي ف 2018, تحكم عليه ب 20 عام د لحبس,[4] وعلى بزاف د الناس آخرين د لحراك بأحكام وصفاتها بزاف د لمنظمات بلي هي أحكام قاصحة وضالمة، [5]

عيون لكلام بدل

  1. ^ "من هو ناصر الزفزافي؟ - الجزيرة (2017)". مأرشيڤي من لأصل ف 2021-09-17. تطّالع عليه ب تاريخ 2020-07-02.
  2. ^ "المغرب: من هو ناصر الزفزافي زعيم الحراك الشعبي في منطقة الريف؟ - فرانس 24 (2017)". مأرشيڤي من لأصل ف 2022-05-16. تطّالع عليه ب تاريخ 2020-07-02.
  3. ^ "احتجاجات بمدينة الحسيمة المغربية للمطالبة بإطلاق سراح ناصر الزفزافي - بي بي سي عربية (2017)". مأرشيڤي من لأصل ف 2022-12-05. تطّالع عليه ب تاريخ 2020-07-02.
  4. ^ "الحكم على ناصر الزفزافي ب20 سنة سجنا نافذة واخرون بين سنة موقوفة التنفيذ و20 سنة سجنا - برلمان (2018)". مأرشيڤي من لأصل ف 2021-07-31. تطّالع عليه ب تاريخ 2020-07-02.
  5. ^ ""أمنستي" تدعو إلى إطلاق سراح معتقلي الرأي - هسبريس (2020)". مأرشيڤي من لأصل ف 2020-07-03. تطّالع عليه ب تاريخ 2020-07-02.