موزامبيق

(تحولات من موزمبيق)


موزامبيق، رسميا لجمهورية د لموزامبيق (بلبرتغالية: República de Moçambique) هي بلاد جات ف لجنوب الشرقي د إفريقيا. تايحدّها من الشرق لمحيط لهندي، من الشمال طنزانيا، من الشمال لغربي مالاوي و زامبيا، من لغرب زيمبابوي، و من لجنوب إسواتيني و جنوب إفريقيا. موزامبيق عندها حدود بحرية مع بلدان جزر جاو فالشرق ديالها، و هوما جزر لقومور و ماداݣاسكار و فرانسا (لجزر ديال مايوط).

موزامبيق

República de Moçambique (pt)

نشيد Pátria Amada

لعاصيمة ماپوتو
الساكينة
شحال دالسكان 29,668,834 (2017)
السمية ديال السكان موزامبيقي، موزامبيقية، موزامبيقيين, موزامبيقيات
اللوغات الرسمية لبرتغالية
متوسط ديال لعمر 58.311 (2016)
لجغرافيا
لميساحة 801,590 كم²
لقمة لعالية جبل بينڭا (2,436 م)
لبلاصة الطايحة لقناة د موزامبيق (0 م)
لإدارة
رئيس موزامبيق فيليب نيوسي
رئيس وزراء موزمبيق Adriano Maleiane
لبرلمان لجمعية د لجمهورية
سلطة لقضائية لكبيرة Supreme Court of Mozambique
لقتيصاد
الناتج الداخلي لكامل 15,776,757,420 $ (2021)
لبيطالة (شوماج) 23 % (2014)
مؤشر التنمية لبشرية 0.446 (2021)
لفلوس ميتيكال
معلومات خرة
توقيت ديال لبلاد ڭرينيتش +2
Africa/Maputo
رمز لبلاد MZ
رمز لانترنيت ‎.mz‎
رمز التيليفون +258
نماري د ليرجونس 119، 117 و 198
جيهة د صوڭان ليسر
السيت الرسمي portaldogoverno.gov.mz


ما بين لقرن اللول ولخامس هاجرو لقبايل د لبانطو للمنطقة اللي فيها موزامبيق و سكنو فيها. ف لعصور لوسطانية، كانت لبلاد معروفة بلبيع و الشرا من جيهت لمحيط لهندي. ف 1498، وصل لبحّار لبرتقيزي ڤاسكو دا ݣاما للمنطقة، و بدات لبرتغال تاتحتلّها بشويا بشويا، تا ولاّت كاملة مستعمرة ف 1505. من مورا حرب بقات 11 لعام، ستاقلات لجمهورية الشعبية د لموزامبيق ف 1975. من مورا ما ستاقلات، دخلات لبلاد ف حرب أهلية، بقات من 1977 تال 1992. ف 1994، تدارت أول نتيخابات فيها بزاف د لأحزاب، و من ديك الساعة و لوضعية د لبلاد مهدّنة شوية.

تيسكنو ف موزامبيق شويا كتر من 30 مليون د الناس و لعاصمة ديالها هي ماپوطو. اللغة الرسمية د لبلاد هي لبرتغالية، و عاد كاين 4 د اللغات معتارفة بيها الدولة، هوما: السواحيلي، مواني، الشيوا، و طسونݣا. لفلوس اللي كيتخدّمو ف لبلاد هوما لميتيكال، و أكبر الديانات فيها هوما لمسيحية (58%) و لإسلام (18%) و الديانات لمحلية.[1] موزامبيق داخلة مع بزاف د لمنضمات الدولية بحال لأمم لمتحدة و ليتيحاد ليفريقي و لكومنويلت و منضمة التعاون لإسلامي و مجلس الدول اللي تيهضرو بلبرتغالية، و هي عضو مراقب ف لمنضمة لعالمية د لفرونكفونية.

عيون لكلام بدل

  1. ^ "الأقلية المسلمة في موزمبيق - البيان (2013)". مأرشيڤي من لأصل ف 2022-05-28. تطّالع عليه ب تاريخ 2021-05-06.
  تقدر تزيد شوف بزاف د تّصاور و لمعلومات ديال Mozambique ف ويكيميديا كومنز.