معركة الزلاقة

معركة الزلاقة
معلومات أساسية
نوع د لمطايفة	معركة
طرف من	الطيحة د لأندلس
لبلدان لمعنية	سپانيا
لموضع	بطليوس
لمشاركين	لمرابطين و ملوك الطوائف

معركة الزلاقة هي معركة مشهورة كانت ف عهد لمرابطين وقعات ف 23 أكتوبر 1086 (379هـ) ف لأندلس ولي ربحو فيها لمغاربا على جيوش نّصارا.

سباب ونتايج

بعدما ستولاو نّصارا على مدينة طليطلة سنة 378هـ ف لأندلس وخداوها من لمسلمين، وهي أكبر مدينة ف لأندلس الإسلامي فديك الوقت، زادو ليها الحماية من الهجمات و قوّاو الدفاع ديالها ضد أي هجوم إسلامي مُحتمل، وستاغلو فترة تفرق وتشتت ديال لمسلمين (ملوك الطوائف) باش يزيدو لقوة ديالها فالعسكر. وفاش شاف ضعف المسلمين ستاغل ألفونسو الفرصة باش ياخد كل الثغور الإسلامية. وكان المعتمد بن عباد أقوى سلاطين الأندلس الإسلامي فديك الساعة، وكان كيحكم أراضي كبيرة بزاف واصلين ل مدون بحال قرطبة ؤ إشبيلية. وكان كيخلص الضريبة للأذنوفش كل عام، وفاش ملك طليطلة رسل ليه المعتمد الضريبة كيف العادة ردّها ليه وماقبلهاش منو، ورسل ليه تهديد بلي غادي يمشي ل قرطبة و يديها ليه (غزو) ولي كانت أهم المناطق الإسلامية ف لأندلس. وقاليه خاصو يعطيه كل الحصون لكاينة ف جّبال، و يبقى السهل ل لمسلمين. وفاش ساق المعتمد لخبار، جهز خمسمية فارس، وفرق صحابو على لقادة د لعسكر ديالو، وقال ليهم لي شفتو من نّصارا قتلوه. وجا المرسول (لي كيوصل لبريّات والهضرة بين الامراء والحكام) و طرشو حتى خرجو عينيه على حساب الروايات الإسلامية التاريخية، ووصلو الخبار ل لاندفونش وكان شاد طريقو باش يحاصر قرطبة.

عيون لكلام

هادي زريعة ديال مقالة خاصها تّوسع. تقدر تشارك ف لكتبة ديالها.