ليونيل ميسي
ليونيل أندريس ميسي كوتشيتيني (تولد ف 24 يونيو 1987 فروزاريو فلارجونتين), واللي معروف بسميت ليو ميسي, ولا ميسي, هو لعاب د لكورة أرجونتيني تيتعتابر من بين أحسن اللعابة د كورة فالتاريخ.[1] ميسي تيلعب معا لفرقة د إنتر ميامي ف لميريكان, و مع لمونتخاب لوطني د كورة ديال لارجونتين.
.jpg)
.svg){kind=small}
حياتو بدل
تولد ليونيل ميسي فمدينة روزاريو فلارجونتين نهار 24 يونيو 1987, وهو التالت من ربعة د لخًوت. ملًي دار 6 سنين, دخل يلعب مع لفرقة د مدينتو "نيويلز ؤولد بويز" Newell's Old Boys ولعب معاهم ست سنين. فصغرو كتاشفو عندو لأطبا مشكل فالنقص ديال لهرمونات د النمو, و فرقتو جاها غالي باش تخلص عليه الدوا فالدوام.[2]
بداو واليديه تيحاولو يقلبو على شي طريقة باش يحلو لمشكل, وفشتنبر 2001 مشا مع باه و سكنو فبرصلونة, باش يشوفو واش ليو يقدر يسيني مع إف سي برصلونة، و فنفس لوقت يخلصو عليه الدوا ديالو. فنونبر 2003, لعب أول ماتش ديالو مع لفرقة د لكبار د لبارصا ضد ف.س. پورطو, و كانت عندو 16 لعام.
إنجازات بدل
روكورات بدل
ميسي عندو بزاف ديال الروكورات (لأرقام قياسية) فلعالم ديال كورة, منها بحال دابا:
- أكبر عدد ديال لكورات الذهبية (7)
- أكبر عدد ديال السباط الدهبي د ؤروپا (6)
- أكبر عدد د لبيوتا فعام واحد (91 بيت ف 2012)
- أكبر عدد د لبيوتا فالليݣا (474)
- أكبر عدد ديال لهات تريكات (تلاتة د لبيوتا ف ماتش واحد) ف الليڭا (36)
- أكبر عدد د التمريرات فالليݣا (192)
- أكبر عدد د التمريرات ف كوپا أميريكا (17)
- أحسن هداف ديال فرقة د كورة ف لعالم كامل (672 بيت)
- لهدّاف التاريخي د لبارصا
- لهدّاف التاريخي د لمنتخب د لارجونتين، ف كاس لعالم (13 بيت ف 26 ماتش) و بشكل عام (98 بيت ف 172 ماتش)[3]
- التالت ف الترتيب ديال لهدّافين د لمنتخبات مورا لبرطقيزي كريستيانو رونالدو (118 بيت) و لإيراني علي دائي (109 د لبيوتا). التاني يلا حسبنا غير لي باقين كيلعبو ف منتخباتهوم، مورا كريستيانو.[4]
- تاني لعاب د كورة كيفوت مليار دولار ف لأرباح ديالو من كورة.
عيون لكلام بدل
- ^ "استفتاء:بيليه أفضل لاعب في التاريخ". مأرشيڤي من لأصل ف 2020-10-28. تطّالع عليه ب تاريخ 2020-02-29.
- ^ "ليونيل ميسي: من الاضطرابات بالنمو الى بطولة العالم". مأرشيڤي من لأصل ف 2023-06-02. تطّالع عليه ب تاريخ 2020-02-29.
- ^ "Lionel Messi's goal-scoring record at FIFA World Cups: Argentina's top scorer". 18 دجنبر 2022. مأرشيڤي من لأصل ف 2023-02-28. تطّالع عليه ب تاريخ 2022-12-20.
- ^ "Top 10 international goal scorers in men's football". 18 دجنبر 2022. مأرشيڤي من لأصل ف 2023-04-08. تطّالع عليه ب تاريخ 2022-12-20.
|
تقدر تزيد شوف بزاف د تّصاور و لمعلومات ديال Lionel Messi ف ويكيميديا كومنز. |
 هادي زريعة ديال مقالة خاصها تّوسع. تقدر تشارك ف لكتبة ديالها. |