لمدينة لقديمة ديال مراكش

موقع ديال الترات التقافي ف المغرب

لمدينة لقديمة د مراكش هي أقدم تجمع عمراني كاين ف مراكش و فيها عدد كبير من أهم لمعاليم د لمغريب. لمساحة ديالها 1107 هكتار و دخلات ف الليستا د التراث العالمي د ليونيسكو ف 1985.

الجّامع د لكتبية، مراكش

مراكش بناوها لمورابطين بين 1070 و 1072 و كانت هي لعاصمة ديالهوم ف بين 1056 و 1147 و كانت لعاصمة تا ديال الموحدين، بين 1147 و 1269، و السعديين. مراكش كانت من أهم المراكز الحضرية والسياسية و الثقافية ف لعالم ف لعصور لوسطى و ف لمنطقة د الغرب لإسلامي ب شكل خاص.

لمدينة لقديمة د مراكش فيها بزاف ديال لمعاليم لمهمة بحال الجامع د لكتبية، لقصبة، السّوار د لمدينة و لبيبان ديالها، جّرادي د أݣدال، لقبور د السعديين، لقصورة بحال لبديع و بزاف ديال لمداريس بحال لمدرسة د بن يوسف. فيها كاينة الساحة د جامع لفنا اللي داخلة تا هي ف التراث الإنساني.[1]

عيون لكلامعدل

  تقدر تزيد شوف بزاف د صور و معلومات ديال Medina of Marrakech ف ويكيميديا كومنز.
 
هادي زريعة ديال مقالة خاصها تّوسع. تقدر تشارك ف لكتبة ديالها.