لمداكرة د ويكيپيديا:مجال سمياتي

هاد لمداكرة تسدات. عافاك ماتبدّل فيها والو. أي تعليقات إضافية خاصها تزاد ف فقرة جديدة.

تبديل لمجالات السمياتية

سلام أ دّراري @Reda benkhadra, Anass Sedrati, سمير تامر, OussamaOuh, AyourAchtouk, و Mohamed.mdb:. كانقتارح باش نبدلو 4 د سّميات د لمجال ؤ نزيدو 2 بشكل رسمي ف ميدياويكي:

• "ملف:" تولي "فيشي:": كلمة "فيشي" كانضن كاتخدّم ف لمغريب كتر بزاف من "ملف". أنا براسي ماعمري كانڭول "ملف" علا لفيشيات د لورديناتور، والا سمعت شي حد كيڭولها. "ميلف" كانعرف غير ديال لكارطون فين كيتحطو لوراق.
• "مساعدة:" تولي "معاونة:".
• "مستخدم:" تولي "خدادمي:".
• "وحدة:" تولي "مودول:" ؤلا "لووا:": ف لقراية ؤ ف لخدمة د لانفورماتيك ف لمغريب ماكانخدموش ڭاع هاد كلمة "وحدة". كانضن يا إما ناخدو "مودول"، يا إما نديرو "لووا" حيت هاد لمودولات ف ويكيپيديا كيكونو ديما مكتوبين ب لّونڭاج لووا.
• نفس شّي ب نّسبة ل سّميات د لمجال ديال نّيقاش
• نزيدو "قيسارية:" كا موقابيل ديال Portal.
• نزيدو "واساخ:" كا موقابيل ديال Draft.

يلا عندكوم قتيراحات كيبانو ليكوم حسن من هادو، مرحبا. -- Ideophagous (نقاش) 22:19، 7 غشت 2021 (+01)

سلام خويا @Ideophagous:، حتانا كاتبان ليا فيشي هيا لمخدمة كتر مهم عندي شي فروقا معاك.

• خدادمي=>خدايمي(على وزن حرايفي).
• مودول=>موديل. (فالدارجة "u" قريبة ل "ي" من "و")
• ضوسي ؤلا فيشي كايتخالطو ليا واقيلا معناهوم مقارب واخا عارف ماشي نفس لمعنى ،لمهم بجوج حسن من ميلف فلانفورماتيك.
• دفّة(Portal =منفذ/بوابة) ، قيسارية كاتعني واحد لبلاصة من سوق، تقدر تجي مزيانة معا "Field"، "مجال"، مهم معناها بعيد شوية على portal.
• واساخ ، معاونة، هادو متافق معاك فيهوم. OussamaOuh (نقاش) 22:43، 7 غشت 2021 (+01)

متافق علا هاد تبديلات. ب نسبة ل "وحدة" حسن نردوها "مودول" ؤ "مستخدم" تولي "خدايمي" (علا وزن فعايلي، بحال لعايبي، كوايري..). عافاك أ سي منير ملي كلشي يعطي ريّ ديالو تصيفط تيكي ف لفابريكاطور ب ليان بهاد نيقاش سميات جداد لي تافقنا عليهم باش يأضوبطيوهوم ؤ يدخلوهوم. --Reda benkhadra (نقاش) 22:46، 7 غشت 2021 (+01)

سلام خاي @OussamaOuh:. موديل Modèle ماعندهاش نفس لمعنى ديال مودول Module. غادي نخربقو لمعاني يلا درناهوم كيتكتبو ب بنفس طّاريقة. ضّوصي كيكونو فيه بزاف د لفيشيات. لفيشي كيقدر يكون تصويرة ؤلا تسجيل ؤديو ماتالان. ب نّسبة ل Portal كنا ناقشناها قبل، ماخديناهاش ب طرجمة حرفية من نّڭليزية، مي من لمعنى ديال بلاصة فيها بزاف لحوايج لي يقدر بنادم يشوفها ؤ يتقدّاها، بحال لقيسارية ف ويكيپيديا لي كيكونو فيها بزاف د لحوايج علا شي موضوع. كانضن "دفة" ماكاتفيدش هاد لمعنى. -- Ideophagous (نقاش) 22:52، 7 غشت 2021 (+01)

خاي @Reda benkhadra:. صافي، مشات. غير نشوفو آراء خرين بعدا. -- Ideophagous (نقاش) 22:52، 7 غشت 2021 (+01)

@Ideophagous: يعني ضوسي هاز بزاف لفيشيات، موديل=module , موضيل=Modèle . مودول كاتجي معنكشة فلكتابة و حتا فالنطق الصراحة... أنا كانعرف "دفة" هيا "بوابة" بالداريجة. OussamaOuh (نقاش) 23:13، 7 غشت 2021 (+01)

راني فهمتك أ خاي أسامة، غير لبوابة كيكونو فيها جوج دفات ماشي وحدة ديجا، ؤ زايدون ماشي مضطرين نديرو طرجمة حرفية من نّڭليزية. كلمة "قيسارية" كاتعبر علا لمفهوم ديال Portal ف ويكيپيديا (ماشي لمعنى لحرفي ديال Portal)، ؤ زيد كاتعبّر كتر بزاف علا تّقافة لمغريبية من "بوابة" ؤلا "باب" ؤلا "دفة". -- Ideophagous (نقاش) 00:32، 8 غشت 2021 (+01)

تحياتي، كانضن خاصنا نخليوها قيسارية. ݣاع لبوابات فاللوغات لوخرين ماشيين بقاعدة ديال هاهوما ڤيترينات خود اللي بغيتي (بحال فلبلاصة ديال التصنيفات ولقوالب نيت، لمقالة لمزيانة وهي غادة). خدايمي مزيانة، نقدرو نخليو قالب ونرضو لوحدة موديل، أولا نديرو فلقالب موضيل ونردّو لوحدة لووا كيما قتارح لأخ Ideophagous. نهاركوم مبروك --سمير تامر (نقاش) 12:49، 8 غشت 2021 (+01)

سلام أ دّراري @Reda benkhadra, Anass Sedrati, سمير تامر, OussamaOuh, AyourAchtouk, Amaziɣmorocco, و Samira Seddik:. عافاكوم لي باقي ماڤوطاش ؤلا لي بغا يبدل لڤوط ديالو، يڤوطي. كاينين جوج تزادو (Template ؤ Talk) باقي يلاه سمير ؤ أنا لي ڤوطينا عليهوم. تقدرو تشوفو طّابلو لتحت علا ود تّفاصيل ديال لڤوط ل حد سّاعة. --Ideophagous (نقاش) 10:14، 2 شتنبر 2021 (+01)

@Ideophagous: غادي نصوت على :

•Template=مينصة. •Talk=تاجماعت(كنت غادي ندير جماعة والايني غاتخالط معا جماعة بمعنى ڭروپ). --OussamaOuh (نقاش) 13:18، 2 شتنبر 2021 (+01)

سلام خاي @OussamaOuh:. طومپليت ماعندهاش نفس لمعنى ديال مينصة. لفيكرة ديال Template راها بحال قالب نيت لي كيكون عندو شي شكل محدد باش كاتعمّر فيه سّيما ؤلا شي مادة كاتكون جارية ؤ كاتقساح فاش كاتنشف باش تعطي نفس شّكل ديال لقالب. مصطلح ديال "قالب" ف حد داتو مزيان، ولاكين يلا كان ماحسن علاش لّا. "تاجماعت" زدتها. --Ideophagous (نقاش) 13:29، 2 شتنبر 2021 (+01)

سلام @Ideophagous: بنسبة ل Template أنا معا نخليو قالب، أما Talk ف نضري ممكن نديروها مْداكرة حيت ف دوك صفاحي كانداكرو ف شي موضوع ؤ كانخرجو ب نتيجة/خلاصة ماشي كاتكون هضرة غير هكاك. --Reda benkhadra (نقاش) 14:50، 2 شتنبر 2021 (+01)

آخر تعييطة ل لكتاتبيا لي ماڤوطاوش علا سّميات د لمجال @Anass Sedrati, AyourAchtouk, و Mohamed.mdb:. باقي كاينين تلاتة د سّميات سيرتو لي مابايناش نّتيجة ديالهوم لي هوما Module و Template و Talk. خاي @سمير تامر: ماڤوطيتيش علا Talk. حتا لي بغا يبدّل لڤوط ديالو، هادي لفورصة لّخرانية. --Ideophagous (نقاش) 07:39، 21 شتنبر 2021 (+01)

السلام عليكم السي @Ideophagous: وشكرا على هاد لخدمة ديال الجميع و التصويت اللي تادّيرو. باش نسهلّو لأمور غادي نكتب التصويت ديالي هنايا لتحت وتقدر غي تدير +1 لكل حاجة صوتت عليها ف لجدول. شكرا بزاف.

• User - خدايمي
• File - فيشي
• Help - معاونة
• Module - مودول (موديل تقدر تتخالط مع modèle)
• Portal - قيسارية
• Draft - واساخ
• Template - موضيل
• Talk - مداكرة

تحياتي -- Anass Sedrati (نقاش) 08:15، 21 شتنبر 2021 (+01)

شكرا خاي @Anass Sedrati:. صافي زدت لڤوطات ديالك. --08:20، 21 شتنبر 2021 (+01)

تعليق أمغاري: سلام أ دّراري. جمعت لڤوطات ديالكوم ف هاد طّابلو باش يسهال نتبعو شكون ڤوطا علا شنو، ؤ يبان إينا ختيارات غادي يربحو. زدت سطر ديال Template حتا هوّا حيت قتارحو سمير، ؤ علا وڭفتنا نيت ڭلت لاش مانشوفوش حتا "نقاش" واش ماكاينش ما حسن منها. يلا عندكوم قتيراحات خرين عندهوم علاقة معا سّميات د لمجال ماتّسقرموش بيهوم، غير عاوتان ماتنساوش بلي ماخاصناش نطولو بزاف ف هاد نّيقاشات (لمهاضرات؟). نتمنا لكتاتبيا لي ماشاركوش ل حد سّاعة يشاركو حتا هوما. لڤوط ف جميع لحالات غادي يبقا محلول حتا يبان بلي ماغادي تّزاد حتا شي حاجة جديدة، ؤ نكونو حسمنا ف سّميات كاملين. مبدئيا يقدر كولا واحد يڤوطي علا جوج ختيارات، ؤ يقدر يبدل لڤوط ديالو ف أي لحضة حتا يتسد لڤوط. حاجة وحدة بقات: عافاكوم ماتبدلوش طّابلو باش يبقا داكشي منضّم، ؤ ماتعلقوش تحت منو باش يبقا معزول ؤ باينة بلاصتو. حسن يكونو تّعليقات علا ود لڤوط فوق من هاد تّعليق لي كاتقراو دابا. يلا عندكوم تعليق علا هاد تّعليق، تقدرو تكتبو تحت منو ب طبيعت لحال. -- Ideophagous (نقاش) 14:35، 8 غشت 2021 (+01)

نّتيجة ل حد سّاعة

سمية ب نّڭليزية	قتيراح 1	شحال د لڤوطات	شكون	قتيراح 2	شحال د لڤوطات	شكون	قتيراح 3	شحال د لڤوطات	شكون	قتيراح 4	شحال د لڤوطات	شكون	قتيراح 5	شحال د لڤوطات	شكون
User	خدايمي	5	أسامة، رضا، سمير، منير، أناس	خدادمي	0
File	فيشي	5	أسامة، رضا، سمير، منير، أناس
Help	معاونة	5	أسامة، رضا، سمير، منير، أناس
Module	مودول	2.5	رضا، منير، أناس	موديل	1.5	أسامة، سمير	لووا	1	سمير، منير
Portal	قيسارية	4	رضا، سمير، منير، أناس	دفة	1	أسامة
Draft	واساخ	5	أسامة، رضا، سمير، منير، أناس
Template	موضيل	2	سمير، أناس	قالب	1.5	منير، رضا	طومپليت	0.5	منير
Talk	نقاش	0		نيقاش	0		مهاضرة	0		تاجماعت	1	أسامة	مداكرة	3	رضا، منير، أناس

سلام أ دّراري @سمير تامر, Reda benkhadra, OussamaOuh, و Anass Sedrati:. لڤوط دابا تسد ؤ نّتيجة كي كاتبان ف هاد طّابلو. لخطوة جّاية هيّا نحط طّلب ديال تّبدال د سّميات د لمجال ف فابريكاطور. --Ideophagous (نقاش) 11:08، 25 شتنبر 2021 (+01)

طّلب تدار هنا. --Ideophagous (نقاش) 11:35، 25 شتنبر 2021 (+01)

نّتيجة لّخرانية

سمية ب نّڭليزية	سّمية ب دّاريجة	لكوض ديال سميت لمجال
User	خدايمي	2
File	فيشي	6
Help	معاونة	12
Module	مودول	828
Portal	قيسارية	100
Draft	واساخ	118
Template	موضيل	10
Talk	مداكرة	1
User Talk	مداكرة د لخدايمي	3
File Talk	مداكرة د لفيشي	7
Help Talk	مداكرة د لمعاونة	13
Module Talk	مداكرة د لمودول	829
Portal Talk	مداكرة د لقيسارية	101
Draft Talk	مداكرة د لواساخ	119
Template Talk	مداكرة د لموضيل	11

لمداكرة لفوقانية تسدات. عافاك ماتبدّل فيها والو. أي تعليقات إضافية خاصهوم يتزادو ف لفقرة ؤلا الصفحة د لمداكرة لمناسبة. عافاك ماتدير تا شي تبديل أخور ف هاد لمداكرة.

تطوير صّفحة

سلام أ دّراري @Reda benkhadra, Anass Sedrati, سمير تامر, Nador49, Mico2022, Mounir Neddi, و DocPPicola: زدت بزاف د لمعلومات هنا على لمجالات سّمياتية، ب لإضافة ل طابلو د لإحصائيات لي غادي يبقا يعمر بشكل ؤطوماتيكي ب عطاشة بوتية. جوج مسايل بغيت نطرحهوم هنا:

• يلا بغيتو إحصائيات إضافية، متلا تا شحال كاينين ديال صّفاحي عندهوم تحويلات، نقدر نزيدها (غير غادي تزيد شوية لخدمة على لبوت). لإحصائيات لمفصّلة ديال كلا مجال سمياتي نقدر نديرها ف طابلو منفاصل، فاش نقادّ صّفحة لي خاصة ب كلا مجال سمياتي، متلاً شحال كاينين د لمقالات د تّوضيح ؤ لّيستات، لمجموع ؤ لموعدال د تّبديلات، ؤ زيد ؤ زيد...
• كاينين تلاتة د لمجالات سّمياتية باقين ماقادّينا سمياتهوم ب دّاريجة هوما TimedText، إضافة ؤ تعريف لإضافة، ؤ لمجالات د لمداكرة ديالهوم. هادو ماشي مستعجلين حيت ماخدامينش بيهوم دابا، ولاكين يقدرو يتخدّمو ف لموستقبال (سيرتو TimedText). كانقتارح هاد سّميات، ؤ يلا بغيتو تقتارحو تا نتوما سميات من عندكوم مرحبا (يلا كان تفاعل، غادي نزيد ڤوط منفاصل ل هاد لغاراض). تقدرو تقراو تّعريف ديالهوم ف لفقرة ديالهوم:
  • TimedText => سوتيتر
  • إضافة => ݣادجي (بحال نيت ف لفرانساوية ؤلا نّڭليزية Gadget)، ؤلا زيادة
  • تعريف الإضافة => تعريف د لݣادجي، تعريف د زيادة

حاجة خرة، هيّا ب نّسبة ل مودول (وحدة)، ؤ لمجال د لمداكرة ديالو، باقي غادي نقاد سّمية ديالو ف لبلاصة لمناسبة، حيت هوّا حالة خاصة (خاصني نقلّب بعدا كيفاش كاتقادّ). تهلّاو!--Ideophagous (مداكرة) 10:30، 14 غشت 2022 (+01)

السلام عليكم السي منير وشكرا على لخدمة اللي درتي. بالنسبة للكلمة ديال "إضافة"، تانقتارح نسميوها "زيادة" باش نخلّيو لهضرة مدرجة و ساهلة. شنو بانليكم؟ -- Anass Sedrati (مداكرة) 14:23، 14 غشت 2022 (+01)

سّلام خاي @Ideophagous: حتا أنا متافق، نديرو سوتيتر ب نسبة ل لولة ؤ زيادة ف تانية. Reda benkhadra (مداكرة) 19:27، 28 غشت 2022 (+01)

سلام أ الدراري @Anass Sedrati @Reda benkhadra أنا متافق. Ideophagous (مداكرة) 16:36، 4 فبراير 2024 (+01)

سلام @سنوببي @Abdes101 @Lucyin @الناجم العاجم عافاكم عطيو الرأي ديالكم ف لقضية ديال لمجالات السمياتية لي باقي ماتطرجموش. لإقتراحات مرة خرة:

• TimedText => سوتيتر
• إضافة => ݣادجي (بحال نيت ف لفرانساوية ؤلا نّڭليزية Gadget)، ؤلا زيادة
• تعريف الإضافة => تعريف د لݣادجي، تعريف د زيادة

هادو ماكيتخدّموش بزاف، ولايني حسن نفضّيو هاد لقضية ديال لمجالات السمياتية namespaces، حيت باقين بزاف د لميصاجات خرين ديال لانطيرفاص لي خاص يتطرجمو ل الداريجة. Ideophagous (مداكرة) 21:17، 18 غشت 2024 (+01)

متافق مع "سوتيتر" و "زيادة" Abdes101 (مداكرة) 22:48، 18 غشت 2024 (+01)

- "سوتيتر" و "زيادة" و"تعريف د زيادة" مزيانين. --الناجم العاجم ❄ 07:44، 19 غشت 2024 (+01)

تعليق أمغاري: سلام أ الدراري. حليت هاد التيكي ف فابريكاطور باش يتدار التبديل ف لكوض ديال ميدياويكي كور لمتعلق ب لمجالات السمياتية، على حساب داكشي لي تّافقنا عليه. فاش يكون شي خبار جديد غادي نعلمكم. نويطة: لمجالات السمياتية "زيادة" و "تعريف د زيادة" على ماكيبان تحيّدو من عدد د لويكيات (بعدا عندنا و ف النڭليزية)، يعني غالباً غادي نبدّلو غير "سوتيتر"، و يلا كانو معوّلين يحيدوه تا هوّ قريب، ف هاد لحالة نقدرو ڭاعما نحتاجو نديرو هاد الطرجامة أصلاً.--Ideophagous (مداكرة) 12:09، 24 غشت 2024 (+01)