Listorien
دخل هادي 15 يونيو 2021
التعليق اللخراني: قبل 10 أشهر ديال Listorien ف لموضوع إندار 1
مرحبا بيك ف ويكيپيديا، Listorien !
سلام، أنا Reda benkhadra، ؤ كانرحب بيك ب صيفتي ويكيپيدي متطوع.
ويكيپيديا هي مغامرة جماعية واعرة، ؤ باقي مازال كاتبنا. نوسخة ب داريجة فيها ليوم 10,333 مقال، كتبوهوم ؤ كيقادوهوم متطوعين بحالك ؤ بحالي. غادي دير فيها لخطوات ديالك لولين : ماتعڭزش تواصل معايا إلا محتاج شي نصيحة ولا معاونة، إلا بغيتي تشاور معا ناس لي خدامين ف لمشروع يمكن ليك تخلي ميساج ف صفحة د لبرلمان. غادي يتعطاك جواب تما بكل فرح!
ويكيپيديا مبنية علا ركايز أساسية كيحتارمهم كلشي :
- لموسوعية ؤ لإمكانية باش تأكد (تبازا علا عيون ؤ مصادر موتوق فيها) ؛
- حيادية ف وجهة نضر (بلا إشهار ولا دعاية) ؛
- ترخيص حر ؤ حتيرام حقوق نشر (ماكاينش كوپي كولي ولا پلاجيا) ؛
- تعامل مزيان (ب لأداب ؤ حاول توصل ل إجماع ف لقرارات) ؛
- ماتعڭزش تكتب ؤ تبدل ف لمقالات (ليسطوريك كيخلي كلشي).
كانعرضوك باش تكتاشف هادشي كامل ب تفصيل ف ليانات لي كاينين ف جنب ←
كانتمنا ليك تستمتع ب لقراية ؤ لكتابة ف ويكيپيديا.
بسلامة !
Reda benkhadra (نقاش) 08:10، 27 يناير 2022 (UTC)
أساسيات
كيفاش تخدم معا جْماعة؟
باش نعاونوك
تبديلات ف مقال "داريجة"
بدلسلام السي @Listorien. شكرا على التبديلات ديالك ف مقال داريجة. عافاك من لأحسن ماتديرش تبديلات على الطريقة د لكتابة، حيت باقي ماكايناش طريقة موحّدة، و كلا واحد كيكتب ب طريقتو. لي كيهم هوّ التيكست يكون مفهوم عند لقاري. سينو غادي يبقاو لكتاتبيا كيتدابزو على الشكل و ينساو لمضمون. تقدر تشوف لحكام د لكتابة لي تّافقات عليهوم الجماعة د ويكيپيديا ل حد الساعة ف كناش لقواعد. من جهة خرة، يلا شي حد حيّد التبديلات ديالك، من لأحسن تحل معاه مداكرة و تناقشو وجهات النضر، بلاصت ماتدير مطايفة ف لكتابة. شكرا مرة خرة و تهلا! Ideophagous (مداكرة) 22:09، 26 دجنبر 2023 (+01)
- الدارجة هي لهجة عربية و عليه طريقة كتابتها هي نفسها العربية مع اختلاف النطق بالتسكين و الادغام الغالب على العربية الدارجة، يعني طريقة كتابتك أنت هي الطريقة الشاذة و بدليل كلمة للكلام كتكتبها ل لكلام، باغي تقربها رغما عنها لطريقة كتابة الشلحة حيث فيها "ن" للربط
- اقحامك لايديولوجيتك واضح وضوح الشمس بادعاءات ان العربية الدارجة عندها بنية (أمازيغية) في حين بنيتها هي نفس بنيات اللهجات العربية الاخرى، الا كانت بنيتها شلحة اذن كل اللهجات العربية حتى اللي في مصر و الشام و العراق و الجزيرة العربية حتى هم بنيتهم شلحة و هذا ضرب من الخيال.
- و كتخشي صحة كلمات من الفرنسية في العربية الدارجة بحال كلمة (مي mais) علما انه عندنا كلمة "ولكن" اللي استعملناها و استعملوها جدودنا، يعني كتحاول جاهداً تبعد العربية الدارجة من اللغة العربية الفصحى.
- ملي غتبعد على ايديولوجيتك اللي كتخليك تتلاعب بالكتابة و باستخدام مصادر غير متخصصة و كتخليك تعتمد على ارقام غير واقعية هذيك الساعة ما غنبدل حتى حاجة، لا في هذ المقال لا في المقال الاخر اللي حطيت فيه مصادر رسمية حديثة و الغيتيه حيث ما موافقش هواك. Listorien (مداكرة) 23:51، 26 دجنبر 2023 (+01)
- سلام السي @Listorien. لقول ديالك بلي "الدارجة هي لهجة عربية و عليه طريقة كتابتها هي نفسها العربية" هوّ نفسو إدعاء إديولوجي. الداريجة هي لهضرة ديال لمغاربا، لي فيها جزء كبير د لعربية، و فيها تأتيرات خرين لي مايمكنش نّكروهوم ؤلا نحيّدوهوم يلا بغينا نكونو منصفين و محايدين. و طالمّا ماكايناش صيغة موحدة دايراها و فارضاها الدولة، ؤلا علّاقل منتاشرة بزاف و فارضة راسها ف لمؤسسات و الجامعات و ديور النشر و الجورنالات، كيبقاو جميع الطرقان و لإختيارات د لكتابة مقبولين، طالمّا لمضمون ديالهوم مفهوم و ماكيخلقش إلتباس ف لفهامة، و لإستعمال متداول ؤلا ماعندوش موقابيل متداول كتر و كيفيد نفس لمعنى. يلا بغيتي تزيد مقالات جداد ب الطريقة د لكتابة لي كاتفضل، تفضل معا راسك و كتب، ولاكين باش تبقى تدّابز على الشكل د لكتابة ف مقالات لي ديجا موجودة غادي غير تضيّع وقتك و وقت لكتاتبيا لخرين لي كيساهمو ف لموسوعة. يلا بغيتي تقنع لكتاتبيا لخرين ب وجهة النضر ديالك، عندك الصفاحي د لمداكرة، و صفحة ويكيپيديا:ميزان لكلام، أرا ما تناقش تماك. شكرا مرة خرة و تهلا! Ideophagous (مداكرة) 15:59، 3 يناير 2024 (+01)
- لقول ديالك بلي "الدارجة هي لهجة عربية و عليه طريقة كتابتها هي نفسها العربية" هوّ نفسو إدعاء إديولوجي
- + إيه عندك الصح، العربية الدارجة لهجة عربية و لكن كتابتها خاصها تكون على الطريقة الفيليبينة...
- الداريجة هي لهضرة ديال لمغاربا، لي فيها جزء كبير د لعربية، و فيها تأتيرات خرين لي مايمكنش نّكروهوم ؤلا نحيّدوهوم يلا بغينا نكونو منصفين و محايدين.
- + سميها الهدرة أو اللسان او الكلام، ما غيبدلش من واقع أنها لهجة عربية، و تأثير اللهجات الاخرى عليها نفسه تأثير الفارسية و التركية على اللهجات العربية العامية المشرقية.
- و الانصاف و الحياد بــــــــــــــــــــــــــــــــــــاينين في منشوراتك و تعديلاتك D:
- و طالمّا ماكايناش صيغة موحدة دايراها و فارضاها الدولة، ؤلا علّاقل منتاشرة بزاف و فارضة راسها ف لمؤسسات و الجامعات و ديور النشر و الجورنالات، كيبقاو جميع الطرقان و لإختيارات د لكتابة مقبولين
- + الدول العربية كلها من المغرب لسلطنة عمان ما كيفرضوش نمط كتابة للعاميات و الدارجات لانه ببساطة و تلقائيا الحرف و الشكل العربي كون الكلمات جلها عربية و حتى الكلمات غير العربية كيتعرب شكلها إن أمكن ذلك، و الدول كتتبنى العربية الفصحى في الخطاب المكتوب، فلا داعي للتحجج بأشياء لا تفيد في التحجج و التعليل.
- طالمّا لمضمون ديالهوم مفهوم و ماكيخلقش إلتباس ف لفهامة،
- + ها انت قلتيها، ما كيخلقش التباس، و هذا أصلا هو اللي طريقتك في الكتابة كتدير، عند المغربي أولا فضلا عن العربي غير المغاربي !!
- بالنسبة لباقي رسالتك را جاوبتك عنها مسبقاً، ما دمت انت كتعدل حيث عندك خلفية سياسية و تعديلاتك كتنافي الواقع، إدن غتلقاني انا و غيري موجودين للرد، ماشي حيث تركنا المجال معناه اننا ما كنشوفوش اشنو واقع، و بلا ما تدعي أني كنعدل على طريقة الكتابة فقط، بل رد المظالم في المقالات كلها اللي كتوضع فيها كلام من وحي الخيال و بلا مصادر موثوقة، و ابشر، هذي البداية ما زال ما زال. Listorien (مداكرة) 00:38، 4 يناير 2024 (+01)
- سلام @Listorien. أول حاجة، بغض النضر على واش عندك لحق ؤلا لا، هادي موسوعة تشاركية، يعني كولشي كيساهم فيها، و لأسلوب ديال التهجم و فرض الرأي ديالك على لكتاتبيا لخرين ماغاديش يخدم هنا. تاني حاجة راك كاتبدّل الطريقة د لكتابة تا ديال لموضيلات و التصنيفات، بحيت ماكيبقاوش خدّامين (شوف لتحت ف التبديل ديالك ف مقال داريجة). هادوك خاصهوم يتبدلو من عند شي واحد عندو شوية د لمعرفة ب لمسايل التقنية. تالت حاجة راك ڭالس كاتحيّد ف لمصادر لي ديجا كاينين ف لمقال، و هادي كافية باش يتّرفض التبديل ديالك، من غير يلا كانو مصادر مرفوضين ف ويكيپيديا بشكل عام بحال لبلوڭات. بنّسبة ل النقاط لي جبدتي:
- "و لكن كتابتها خاصها تكون على الطريقة الفيليبينة" => إيه، نقدرو نكتبوها تا ب الرموز د الشينوية. طالمّا ماكايناش صيغة موحدة و معيارية، كيبقاو جميع لإحتمالات محلولين و مقبولين يلا بغاو الناطقين ب اللوغة لأم.
- "... و الدول كتتبنى العربية الفصحى في الخطاب المكتوب" => دابا ماشغلناش حنا ف لمشارقة و شنو دايرين، ف لمغريب ماكايناش صيغة معيارية ديال الداريجة (ماكانهضروش دابا على لعربية لفصيحة لي لسانيا كاتّعتابر لوغة مستاقلة)، إدن السلطة كاتبقى عند الجماعة د الناطقين بيها + لمتخصصين د اللسانيات. هاد الجوج باقين مامتافقينش على الطريقة لمتالية د لكتابة ديالها، إدن بشكل عام ماكايناش سلطة مطلقة فارضة طريقة وحدة د لكتابة كيما كاتدّاعي. ف حالات خاصة، متلاً طريقة د لكتابة ديال شي كلمة، ؤلا شي شكل ڭراماتيكي بحال التعريف د السميات، خاصك تناقش ديك لحالة براسها، و تجيب أدلة من لخدمة ديال لسانيين ؤ من التخدام لعام، بحال ف جورنالات ؤلا كتوبا ب الداريجة (لي ماكاينينش بزاف أصلاً).
- "ها انت قلتيها، ما كيخلقش التباس" => إدن يلا بانت ليك حالة د لإلتباس، حل مداكرة على ديك لحالة تحديداً و نّاقشوها و نشوفو كيفاش نحيّدو داك لإلتباس. و يلا تبيّن بلي ديك لحالة كاتّعاود، نقدرو نديرو قاعدة عامة جديدة ف كناش لقواعد. ماتجيش و تبدّل لمقال كاملو على حساب نتا بوحدك شنو بان ليك خاصو يكون. لمقال ديال داريجة متلا راه مساهمين فيه كتر من 15 واحد، ماشي معقولة باش كتاتبي واحد يفرض طريقتو بلا مشاورة. ف جميع لحالات لواحد خاصو يصبر، راه هادشي نشاعلاه باقي غادي يتحسّن معا لوقت، و الطريقة د لكتابة باقية مامستاقراش ل حد الساعة. يلا ناقشتي ب لعقل، و بشوية، و كانت هضرتك معقولة، راك تقدر تقنع لكتاتبيا لخرين. يلا ماقتانعوش راه هادا ما عطا الله، و ف نهاية لمطاف لي كيهم هوّ نوفّرو معلومات متاحة و مزيانة ل لقاري لمغريبي.
- "كلام من وحي الخيال و بلا مصادر موثوقة" => مرة خرة، هادشي كيتناقش حالة ب حالة. يلا بانو ليك معلومات غالطين، صحح دوك لمعلومات و جيب مصدر ؤلا مصادر كيتبتو داكشي لي كتبتي. و يلا عتارض شي حد، حل معاه مداكرة جديدة، ماشي تنوّض مطايفة ف لكتابة. غادي نحل دابا مداكرة على التبديلات لي درتي، و نشوفو شنو غادي يڭولو لكتاتبيا لخرين.
- Ideophagous (مداكرة) 10:04، 4 يناير 2024 (+01)
- سلام @Listorien. أول حاجة، بغض النضر على واش عندك لحق ؤلا لا، هادي موسوعة تشاركية، يعني كولشي كيساهم فيها، و لأسلوب ديال التهجم و فرض الرأي ديالك على لكتاتبيا لخرين ماغاديش يخدم هنا. تاني حاجة راك كاتبدّل الطريقة د لكتابة تا ديال لموضيلات و التصنيفات، بحيت ماكيبقاوش خدّامين (شوف لتحت ف التبديل ديالك ف مقال داريجة). هادوك خاصهوم يتبدلو من عند شي واحد عندو شوية د لمعرفة ب لمسايل التقنية. تالت حاجة راك ڭالس كاتحيّد ف لمصادر لي ديجا كاينين ف لمقال، و هادي كافية باش يتّرفض التبديل ديالك، من غير يلا كانو مصادر مرفوضين ف ويكيپيديا بشكل عام بحال لبلوڭات. بنّسبة ل النقاط لي جبدتي:
- سلام السي @Listorien. لقول ديالك بلي "الدارجة هي لهجة عربية و عليه طريقة كتابتها هي نفسها العربية" هوّ نفسو إدعاء إديولوجي. الداريجة هي لهضرة ديال لمغاربا، لي فيها جزء كبير د لعربية، و فيها تأتيرات خرين لي مايمكنش نّكروهوم ؤلا نحيّدوهوم يلا بغينا نكونو منصفين و محايدين. و طالمّا ماكايناش صيغة موحدة دايراها و فارضاها الدولة، ؤلا علّاقل منتاشرة بزاف و فارضة راسها ف لمؤسسات و الجامعات و ديور النشر و الجورنالات، كيبقاو جميع الطرقان و لإختيارات د لكتابة مقبولين، طالمّا لمضمون ديالهوم مفهوم و ماكيخلقش إلتباس ف لفهامة، و لإستعمال متداول ؤلا ماعندوش موقابيل متداول كتر و كيفيد نفس لمعنى. يلا بغيتي تزيد مقالات جداد ب الطريقة د لكتابة لي كاتفضل، تفضل معا راسك و كتب، ولاكين باش تبقى تدّابز على الشكل د لكتابة ف مقالات لي ديجا موجودة غادي غير تضيّع وقتك و وقت لكتاتبيا لخرين لي كيساهمو ف لموسوعة. يلا بغيتي تقنع لكتاتبيا لخرين ب وجهة النضر ديالك، عندك الصفاحي د لمداكرة، و صفحة ويكيپيديا:ميزان لكلام، أرا ما تناقش تماك. شكرا مرة خرة و تهلا! Ideophagous (مداكرة) 15:59، 3 يناير 2024 (+01)
إندار 1
بدل@Listorien ماتبقاش عافاك تزيد صفحة لي ديجا تحيّدات تحت شروط التحياد الزربان. Ideophagous (مداكرة) 19:05، 4 يناير 2024 (+01)
- الصفحة الموجودة أصلا مكتوبة بطريقة عبثية و مليئة بالتوجهات الايديولوجية و تم اقفال التعديل عليها و هذه تسمى الموسوعة الحرة لا موسوعة عصيد و بوكوس و بودهان و غيرهم Listorien (مداكرة) 19:09، 4 يناير 2024 (+01)
- @Listorien خاصك تّبّع لمسطرة لمعمول بيها و تناقش هاد لحالات لي دكرتي ف لمداكرة لي ديجا تحلّات ل هاد لغرض، ماشي تحاول تفرض الرأي ديالك ب التحايل على لحكام د لموسوعة. يلا عاودتي صاوبتي ديك الصفحة غادي تّبلوكا. Ideophagous (مداكرة) 19:14، 4 يناير 2024 (+01)
- التحايل ؟ هاهاهاهاها
- قالها اللي كيحرف و يزور و يتخبى ورا السلطة ديال المشرفين اصحابو
- سهل جدا انشاء حساب اخر و دير في بالك ماشي انت الوحيد المحاط بمشرفين، ما تحاولش تلعب معي bras de fer غتخسر فيه. Listorien (مداكرة) 19:17، 4 يناير 2024 (+01)
- @Listorien كانت عندك شحال من فرصة باش تعاون ف تطوير لمقال، و تجيب مصادر كاتتبت داكشي لي كتبتي، ولاكين للأسف ماكاديرش نية مزيانة، و كاتفتارض بلي لكتاتبيا لخرين عديان و باغي تنوضها مدابزة صحة. من لأحسن خود لك شوية د الراحة و قرا مزيان لحكام د ويكيپيديا، عاد رجع تناقش. Ideophagous (مداكرة) 19:29، 4 يناير 2024 (+01)
- تلون الحرباء لن ينفع و مصادري ادليت بها، و هي الموجودة في كل النسخ (اللي غتمشي تبدلهم او تحاول)
- و مصادرك المبنية على عبد الله الحلوي اللي جل مقالاته على "تيفيناغ" و اللي ايديولوجيتو باينة واضحة را حتى حد ما كيعيرها اهتمام لا هي لا المقالات ديال ويكيبيديا العربية الدارجة ارا ما تبروباغاندي
- و الرد غتشوفو ما غتسمعوش واخا تستقوى بميزة المشرف
- و سلم على ' ايمغارن ' المحايدين Listorien (مداكرة) 19:34، 4 يناير 2024 (+01)
- @Listorien كانت عندك شحال من فرصة باش تعاون ف تطوير لمقال، و تجيب مصادر كاتتبت داكشي لي كتبتي، ولاكين للأسف ماكاديرش نية مزيانة، و كاتفتارض بلي لكتاتبيا لخرين عديان و باغي تنوضها مدابزة صحة. من لأحسن خود لك شوية د الراحة و قرا مزيان لحكام د ويكيپيديا، عاد رجع تناقش. Ideophagous (مداكرة) 19:29، 4 يناير 2024 (+01)
- @Listorien خاصك تّبّع لمسطرة لمعمول بيها و تناقش هاد لحالات لي دكرتي ف لمداكرة لي ديجا تحلّات ل هاد لغرض، ماشي تحاول تفرض الرأي ديالك ب التحايل على لحكام د لموسوعة. يلا عاودتي صاوبتي ديك الصفحة غادي تّبلوكا. Ideophagous (مداكرة) 19:14، 4 يناير 2024 (+01)