مصطفى ملو

مرحبا بيك ف ويكيپيديا، مصطفى ملو !

سلام، أنا Anass Sedrati، ؤ كانرحب بيك ب صيفتي ويكيپيدي متطوع.

ويكيپيديا هي مغامرة جماعية واعرة، ؤ باقي مازال كاتبنا. نوسخة ب داريجة فيها ليوم 10,376 مقال، كتبوهوم ؤ كيقادوهوم متطوعين ومتطوعات بحالك ؤ بحالي. غادي تدير(ي) فيها لخطوات ديالك لولين : ماتعڭز(ي)ش تواصل(ي) معايا إلا محتاج(ة) شي نصيحة ولا معاونة، إلا بغيتي تشاور(ي) معا ناس لي خدامين ف لمشروع يمكن ليك تخلي ميساج ف صفحة د لبرلمان. غادي يتعطاك جواب تما بكل فرح!

ويكيپيديا مبنية علا ركايز أساسية كيحتارمهم كلشي :

1. لموسوعية ؤ لإمكانية باش تأكد (تبازا علا عيون ؤ مصادر موتوق فيها) ؛
2. حيادية ف وجهة نضر (بلا إشهار ولا دعاية) ؛
3. ترخيص حر ؤ حتيرام حقوق نشر (ماكاينش كوپي كولي ولا پلاجيا) ؛
4. تعامل مزيان (ب لأداب ؤ حاول توصل ل إجماع ف لقرارات) ؛
5. ماتعڭز(ي)ش تكتب ؤ تبدل(ي) ف لمقالات (ليسطوريك كيخلي كلشي).

كانعرضوك باش تكتاشف(ي) هادشي كامل ب تفصيل ف ليانات لي كاينين ف جنب ←

كانتمنا ليك تستمتع(ي) ب لقراية ؤ لكتابة ف ويكيپيديا.

بسلامة !

Anass Sedrati (نقاش) 23:13، 30 دجنبر 2022 (UTC)

أساسيات

• لْحْكام
• ويكيپيديا ماشي..
• كتاتبيا

كيفاش تخدم معا جْماعة؟

• ساحة د جماعة
• لبرلمان
• ميزان لكلام

باش نعاونوك

• صفحة لمعاونة
• دّوزان
• يلا ماعرفتيش شنو تدير(ي) تقدر(ي) تعاون(ي) هنا

قرا(ي) ؤ شارك(ي) ف مقالة كيما كانت

مسابقة ويكيپيديا لمغريب

سلام السي ◀ مصطفى ملو. يلا بغيتي تشارك تا ف مسابقة ويكيپيديا لمغريب ب الداريجة، راه ماكاينينش مشاركين كتار، و يلا خدمتي غير الربع ديال داكشي لي درتي ف لعربية غالباً غادي تاخد لمركز اللول.-- Ideophagous (مداكرة) 10:47، 29 ماي 2023 (+01)

مرحبا

نشوف، أودي راه كتار الالتزامات، ها الخدمة، ها الالتزامات العائلية، و زايدون ما بقاش الوقت بزاف.

بقات سيمانة تقريبا مصطفى ملو (مداكرة) 10:52، 29 ماي 2023 (+01)

مقال ؤلا جوج مزيانين وراك غالبا تكون مكلاصي. يالله جوج د الناس لي دارو مساهمات ل حد الساعة. يعني الجايزة التالتة غادي تضيع هكاك وصافي ف جميع لحالات. و تانتا على حساب وقتك، شكرا و تهلّا! Ideophagous (مداكرة) 11:47، 29 ماي 2023 (+01)

هي لولا أ خويا و شكران بزاف على الإعلام

لوكان عرفت هكا لوكان شاركت فديال الداريجة حسن، حيت حتى القيمة المالية ديال الجائزة لولى ديال الداريجة كبر من الجائزة ديال الفصحى مصطفى ملو (مداكرة) 12:31، 29 ماي 2023 (+01)

واش ضروري نحل كونط فويكبيديا ديال الداريجة و اللا ممكن نشارك بنفس الكونط ديال الفصحى؟؟

حيت واخا قيدت سميتي فالمسابقة ولكن كطلع لي السمية على شكل وصلة حمرا على عكس باقي المشاركين الشي اللي تيبين باللي واقيلا خاصني نتسجل بكونط أخور فويكبيديا الداريجة مصطفى ملو (مداكرة) 12:58، 29 ماي 2023 (+01)

◀ مصطفى ملو. راه لكونط موحّد ف جميع مشاريع ويكيميديا (ب ستتناء شي مشاريع تقنيين، ماشي ويكيپيديا)، يعني وخا تدخل ل ويكيپيديا ب الشينوية غادي تلقى راسك مقيد ب نفس لكونط. الليان د الصفحة د لخدايمي ديالك كيبان حمر، حيت ماقادّيتيش ديك الصفحة. يلا مشيتي ل خدايمي:مصطفى ملو و عمّرتي الصفحة ماغاديش تبقى تبان ب لحمر. Ideophagous (مداكرة) 13:05، 29 ماي 2023 (+01)

كتضحكني هاد لخدايمي والله بغيت ندير ديك ه ه ه ولكن ما مكتبغيش تكتب مجموعة مصطفى ملو (مداكرة) 15:47، 29 ماي 2023 (+01)

◀ مصطفى ملو ههه، كنا تّافقنا باش نديرو مستخدم => خدايمي باش تكون كلمة مدرّجة مغريبية قحة، كيما درنا محرر => كتاتبي، إداري => أمغار. ماشي موشكيل، غي معا لوقت بنادم كيولّف هاد لمصطلحات. Ideophagous (مداكرة) 16:09، 29 ماي 2023 (+01)

شكرا خويا

الموهيم هاني بديت مع زعلوك ههههه مصطفى ملو (مداكرة) 16:30، 29 ماي 2023 (+01)

لحجز

سلام السي ◀ مصطفى ملو. ماتنساش عافاك باش تحجز لموضوع ف الطابلو قبل ماتبدا تخدم عليه. وخا لمشاركين قلال، ملي نلونصي لبوت ف ويكيپيديا ب الداريجة، راه غادي يقرا لمساهمات من الطابلوات د لمواضيع باش يحسب النقاطي و يدير الطابلوات د الترتيب. Ideophagous (مداكرة) 16:29، 29 ماي 2023 (+01)

راه حجزتو شكرا مصطفى ملو (مداكرة) 17:51، 29 ماي 2023 (+01)

لمركز التاني ف لعربية

السي مصطفى حضي معا لعربية، راه كاين واحد لمشارك يقدر يفوتك. كانضن هنا راك تقريبا ضامن الرتبة اللولة. Ideophagous (مداكرة) 15:13، 1 يونيو 2023 (+01)

هههههههه

راني حاضي معاه أ امغار منير

بغيت نخدم على دار الباشا ولكن تنشوف باللي ديجا كاين مْقال عليها مصطفى ملو (مداكرة) 15:18، 1 يونيو 2023 (+01)

الترتيب ف مسابقة ويكيپيديا لمغريب

سلام ◀ مصطفى ملو. ب عتيبار بلي راك مشارك ف مسابقة ويكيپيديا لمغريب و درتي مساهمات فيها، بغيت نعلمك بلي راه تدار تحديت ديال الترتيب د لمشاركين ف الصفحة الرئيسية د لمسابقة. تقدر تطّالع تا على الصفحة د لمشاركات لي خاصة بيك ب تفاصيل ديال التنقيط د كلا مساهمة. عافاك راجع الشروط و لقواعد د لمسابقة سيرتو لي متعلقة ب قبول لمساهمات و التنقيط ديالها (لمساهمات لي قل من 4000 بايت ؤلا فيها مشاكل ديال الصيانة كاتّحسب ب 0 نقطة). يلا عندك مقالات زايدين متعلقين ب لمغريب خدمتي عليهوم ف لفترة د لمسابقة، تقدر تزيدهوم ف الطابلو لخاص ب لمقالات الزايدين، باش يتحسبو تاهوما. يلا عندك شي سؤال ماعليك غير تصيفط ميصاج ل واحد من أعضاء اللجنة د التنضيم و التحكيم لي غادي تلقى سمياتهوم ف الصفحة الرئيسية. الله يجيب التيسير! Ideophagous (مداكرة) 22:05، 3 يونيو 2023 (+01)

العز مصطفى ملو (مداكرة) 22:53، 3 يونيو 2023 (+01)

السلام خويا منير

بغيت نسولك عفاك على الحجز فمسابقة اللغة العربية واش ضروري تلاتة د المقالات ف 24 ساعة؟؟

حيت شفت داك صاحبنا اللي كينافسني بحال ما محتارمش هاد الشرط ؟؟ واش هانية واخا نحجز كتر من تلاتة؟؟ مصطفى ملو (مداكرة) 14:49، 6 يونيو 2023 (+01)

لقاعدة هيّ تلاتة ف 24 ساعة بلا ماتساليهوم. يلا ساليتي وحدة ؤلا جوج ؤلا كاملين ف قل من 24 ساعة تقدر تعوضهوم ب وحدين خرين. غي مايكونوش عندك 4 د لحجوزات ؤلا كتر مادرتي فيهوم والو. Ideophagous (مداكرة) 15:32، 6 يونيو 2023 (+01)

شكرا جزيلا مصطفى ملو (مداكرة) 16:10، 6 يونيو 2023 (+01)

لمسابقة د ويكيپيديا المغريب قربات تسالي

السلام عليكوم ◀ مصطفى ملو. شكراً حيت شاركتي ف مسابقة ويكيپيديا المغريب 2023. اليوم هوّ النهار اللخراني ديال لمسابقة، لي غادي تسالي ف 10 يونيو معا 11:59 ب التوقيت العالمي. عافاك كون على بال بلي أي مساهمات تدارت قبل من لبدية د لمسابقة (25 أبريل) ؤلا مورما تّسالى ماغاديش يتحسبو. لإستتناء لوحيد هوّ التعديلات لي كاتحسن الجودة د لمقالات، يعني كاتأدي ل تحياد تصنيفات الصيانة من لمقال (متلا يلا كان لمقال ناقصينو مصادر، يتزادو)، باش مايتحسبوش النقاطي ديالو = 0، قبل لإعلان على لفائزين. عافاك راجع لمساهمات ديالك، و تيقّن بلي زدتي مقدار كافي (4000 بايت ؤلا كتر) و بلا حشو باش تكون لمساهمة ديالك منقّطة. يلا كنتي كتبتي مقالات خرين ف لفترة د لمسابقة عندها علاقة ب لمغريب، عافاك ماتنساش تزيدها ف هاد الصفحة قبل مايتسالا لأجال. أي زيادة د مقالات ف داك الطابلو مورا لمسالية د لمسابقة ماغاديش يتحسبو وخا يكونو لقالات تدارو ف لفترة د لمسابقة.

يلا عندك شي سؤال تقدر تحطو هنا. تهلّاو و الله يجيب التيسير! PGVBot (مداكرة) 13:16، 10 يونيو 2023 (+01)

تهنئة على الرباح ف مسابقة ويكيپيديا لمغريب

droite

جائزة مسابقة ويكيپيديا المغريب سلام مصطفى ملو الأعضاء ديال لجنة التنضيم و التحكيم ديال مسابقة ويكيپيديا المغريب كايكبرو بيك و كايهنأوك حيت تكلاصيتي 2 ف مسابقة د لكتبة ويكيپيديا لمغريب بالداريجة. لينا الشرف تكون واحد من لكتاتبيا د ويكيپيديا. كانتمناو تدير كتر ف لمستقبل، تحياتي !

Ideophagous (مداكرة) 22:51، 18 يوليوز 2023 (+01)