لقتيلة د مهسا أميني
ف 16 شتنبر 2022 توفات مهسا أميني، لي معروفة تا ب سميت جينا أميني، لي هيّا شابة كردية إيرانية تعرّضات ل تّعديب من طاراف لبوليس د لأخلاق لإيراني، بعدما تشدات حيت ماكانتش لابسة لحيجاب مزيان، ؤ ماتت موراها ف سّبيطار، غالباً بسباب ضربات على رّاس.
لبنت لي فعمرها 22 عام، و لي أصلها من مدينت ساݣيز، كانت ف زيارة ل خوها ف طهران، ملي شدّوها لبوليس. لألاف د نّاس تجمعو ل لݣنازة ديالها، ؤ لوفاة ديالها أدّات ل حتيجاجات ف عشرات د لمدون لإيرانية بحال طهران، إصفاهان، مشهد، ؤ ساݣيز، لي تجرحو فيها لمئات، تّعتاقلو كتر من 1500 واحد، و ماتو فيها كتر من 215 واحد، منهوم 27 دري صغير، ل حد سّاعة.[1][2]
لبيان رّسمي ديال لبوليس و سّلطات لإيرانية كيݣول بلي جاتها سكتة قلبية، ؤ بلي ماتت ف كوما يوماين موراها. شّهود د لعيان ب لموقابيل ݣالو بلي لبوليس ضربوها بزاف على راسها، ؤ ردخوه ليها معا جّنب ديال طونوبيلة د لبوليس، حيت ردّات على سّبان و لمعيور ديالهوم. لكلينيك لي دّاوها ليها كانت دارت پوسط ف إنسطاݣرام تݣال فيه بلي كانت ديجا توفّات دماغياً ملي وصلات ل عندهوم، ولاكين هاد لپوسط تّحدف من بعد من لپلاطفورم.[3] مجموعة د لهاكرز لإيرانيين قدرو يجبدو سّكان د رّاس ديالها، لي على حساب خوبارا طبيّين كيبيّن تهريسة ف لقلقولة ديالها، ؤ نزيف د دّم فوسط رّاس.[4][5]
ف 17 شتنبر 2022، بداو حتيجاجات كبار لي نتاشرو ف بزاف د لمناطق د إيران، و خلّفو شلّا قتلى و جرحى و كتر من 20000 مْعتاقل، عدد منهوم تّحكم عليهوم ب لإعدام.[6]
عيون لكلام بدل
- ^ "Mahsa Amini: dozens injured in Iran protests after death in custody". 18 شتنبر 2022. مأرشيڤي من لأصل ف 17 ماي 2023.
- ^ "Iran Protests: at Least 185 Killed/19 Children Amongst Dead". حقوق لإنسان ف إيران. 8 أكتوبر 2022. مأرشيڤي من لأصل ف 2023-05-01. تطّالع عليه ب تاريخ 2022-10-10.
- ^ "Landesweite Proteste nach Tod von Mahsa Amini" [Protests nation-wide after death of Mahsa Amini]. دويتشه ڤيله. 19 شتنبر 2022. مأرشيڤي من لأصل ف 30 نونبر 2022.
Die Klinik, in der die 22-Jährige behandelt wurde, hatte nach ihrem Tod auf einem inzwischen gelöschten Post bei Instagram geschrieben, dass Amini bereits bei der Aufnahme hirntot gewesen sei.
- ^ "Mahsa Amini's medical scans show skull fractures caused by 'severe trauma': Report". العربية إنݣليش. 19 شتنبر 2022. مأرشيڤي من لأصل ف 20 شتنبر 2023.
- ^ "Mahsa Amini's CT Scan Shows Skull Fractures Caused By Severe Blows". Iran International. 19 شتنبر 2022. مأرشيڤي من لأصل ف 20 شتنبر 2023.
- ^ "At least 522 Have Died in Iran Protests, Human Rights Report Says". 2023-01-15. مأرشيڤي من لأصل ف 2023-10-09. تطّالع عليه ب تاريخ 2023-04-21.
 هادي زريعة ديال مقالة خاصها تّوسع. تقدر تشارك ف لكتبة ديالها. |